സാകേത് മൈനേനി പൊരുതിത്തോറ്റു

യു.എസ് ഓപണില്‍ ഇന്ത്യയുടെ സാകേത് മൈനോനിക്ക് ‘വീരമൃത്യു’. ലോക 49ാം നമ്പര്‍ താരം ചെക്ക് റിപ്പബ്ളിക്കിന്‍െറ ജെറി വെസ്ലിക്കെതിരെ അഞ്ചു സെറ്റ് നീണ്ട വീറുറ്റ പോരാട്ടത്തിനൊടുവിലാണ് 143ാം റാങ്കുകാരനായ മൈനേനി അടിയറവു പറഞ്ഞത്. സ്കോര്‍: 6-7 (5), 6-4, 6-2, 2-6, 5-7. മൂന്നു മണിക്കൂറും 47 മിനിറ്റും നീണ്ട മത്സരത്തിനിടെ കാലിന് പരിക്കേറ്റിട്ടും പിന്മാറാതെ പൊരുതിയാണ് മൈനേനി ഗ്രാന്‍ഡ്സ്ളാം സിംഗ്ള്‍സ് വിഭാഗത്തിലെ അരങ്ങേറ്റം അവിസ്മരണീയമാക്കിയത്.