യു.എസ് ഓപണ്‍: മറെക്കും സെറീനക്കും വിജയത്തുടക്കം

ന്യൂയോര്‍ക്: വിംബ്ള്‍ഡണ്‍ ജേതാക്കളായ ബ്രിട്ടന്‍െറ ആന്‍ഡി മറെയും ആതിഥേയതാരം സെറീന വില്യംസും യു.എസ് ഓപണിന്‍െറ ആദ്യറൗണ്ട് പിന്നിട്ടു. റഷ്യയുടെ ഏകതറീന മകരോവയെയാണ് ലോക ഒന്നാം നമ്പര്‍ താരം സെറീന തോല്‍പിച്ചത്. സ്കോര്‍: 6-3, 6-3. ചെക് റിപ്പബ്ളിക്കിന്‍െറ ലൂക്കാസ് റോസോളിനെയാണ് ഒളിമ്പിക്സ് സ്വര്‍ണ ജേതാവ് കൂടിയായ മറെ ഒന്നാം റൗണ്ടില്‍ മറികടന്നത് (6-3, 6-2, 6-2). സെറീനയുടെ ചേച്ചി വീനസ് വില്യംസ് യുക്രെയ്നിന്‍െറ കാതറിന കൊസ്ലോവയെ തോല്‍പിച്ചു. സ്കോര്‍: 6-2, 5-7, 6-4.  വനിതകളിലെ മറ്റ് മത്സരങ്ങളില്‍ പോളണ്ടിന്‍െറ ആഗ്നിസ്കാ റഡ്വാന്‍സകാ യു.എസിന്‍െറ ജെസീക പെഗ്യുലയെയും കീഴടക്കി. പുരുഷന്മാരില്‍ മൂന്നാം സീഡും സ്വിറ്റ്സര്‍ലന്‍ഡിന്‍െറ താരവുമായ സ്റ്റാനിസ്ലാവ് വാവ്റിങ്ക, ജപ്പാന്‍െറ കിയ് നിഷികോരി, ഓസ്ട്രിയയുടെ ഡൊമിനിക് തീം എന്നിവരും രണ്ടാം റൗണ്ടിലത്തെി.