വിംബ്ള്‍ഡണിലും ഒത്തുകളി

ലണ്ടന്‍: ഈ വര്‍ഷത്തെ വിംബ്ള്‍ഡണ്‍ ടെന്നിസില്‍ ഒരു മത്സരത്തില്‍ ഒത്തുകളി നടന്നതായി ടെന്നിസ് ഇന്‍റഗ്രിറ്റി യൂനിറ്റിന്‍െറ (ടി.ഐ.യു)വെളിപ്പെടുത്തല്‍. ബെറ്റിങ് സംഘടനകളും നിരീക്ഷകരുമാണ് ഇക്കാര്യം ടി.ഐ.യുവിനെ അറിയിച്ചത്. ഈ വര്‍ഷം ജൂലൈ- സെപ്റ്റംബര്‍ മാസങ്ങളില്‍ 96 ഒത്തുകളി സംശയങ്ങളാണ് പലരും ഉന്നയിച്ചത്. ഇതില്‍ രണ്ടെണ്ണത്തിലാണ് അന്വേഷണം. യു.എസ് ഓപണില്‍ വിറ്റാലിയ ഡയാചെങ്കോ- തിമിയ ബാസിന്‍സ്കി മത്സരത്തില്‍ ഒത്തുകളി നടന്നത് അന്വേഷിച്ച് വരുകയാണ്. വിംബ്ള്‍ഡണിലെ ഏത് കളിയിലാണ് ഒത്തുകളി എന്നത് വെളിപ്പെടുത്തിയിട്ടില്ല.