യു.എസ് ഓപണ്‍: മുഗുരുസ, മിലോസ് റോണിച് പുറത്ത്

ന്യൂയോര്‍ക്: ഫ്രഞ്ച് ഓപണ്‍ ചാമ്പ്യന്‍ വെനിസ്വേലയുടെ ഗാര്‍ബിന്‍ മുഗുരുസ, വിംബിൾഡൺ ഫൈനലിസ്റ്റ് കാനഡയുടെ മിലോസ് റോണിച് എന്നിവർ യു.എസ് ഓപൺ രണ്ടാം റൗണ്ടിൽ നിന്നും പുറത്തായി. ല്വാതിയയുടെ അനസ്താസിജ സെവസ്റ്റോവയോടാണ് മുഗുരുസ തോൽവിയേറ്റ് വാങ്ങിയത്. സ്കോർ 7-5, 6-4.

അമേരിക്കയുടെ 120ാം റാങ്കുകാരനായ റയാൻ ഹാരിസാണ് അഞ്ചാം സീഡുകാരനായ മിലോസ് റോണിചിനെ തോൽപിച്ചത്. സ്കോർ  6-7 (4/7), 7-5, 7-5, 6-1. അതേസമയം ടോപ് സീഡ് നൊവാക് ദ്യോക്കോവിച്ച്  മത്സരമില്ലാതെ തന്നെ മൂന്നാം റൗണ്ടില് പ്രവേശിച്ചു. തന്റെ ഇടതു കൈത്തണ്ടയിലെ പരിക്കിനെ തുടർന്ന് ചെക്ക് താരം ജിറി വെസലി ദ്യോകോവിച്ചിനെതിരായ മത്സരത്തിൽ നിന്നും പിന്മാറുകയായിരുന്നു.