ടൂർണമെൻറ്​ നടത്തിപ്പുകാർ ‘വോളിബാൾ ടൂർണമെൻറ്​ ഒാർഗനൈസേഴ്​സ്​ കേരള’ രൂപവത്​കരിച്ചു

തൃശൂർ: സംസ്​ഥാന വോളിബാൾ അസോസിയേഷ​​െൻറ തെറ്റായ പ്രവണതകളിൽ പ്രതിഷേധിച്ച്​ വോളിബാൾ​ ടൂർണമ​െൻറ്​ നടത്തിപ്പുകാർ വോളിബാൾ ടൂർണമ​െൻറ്​ ഒാർഗനൈസേഴ്​സ്​ കേരള എന്ന സംഘടന രൂപവത്​കരിച്ചു. . വോളിബാളി​​െൻറ  പ്രതാപം വീണ്ടെടുക്കുകയാണ്​ ലക്ഷ്യം. അടൂർപ്രകാശ്​ എം.എൽ.എ, ടി.എൻ ​പ്രതാപൻ, ഉമ്മർ ഹാജി എന്നിവരാണ്​ സംഘടനയുടെ  രക്ഷാധികാരികൾ

16 അഖിലേന്ത്യമത്സരങ്ങളും അതി​​െൻറ ഇരട്ടിയിലധികം സംസ്​ഥാന ടൂർണ​െമൻറുകളും നൂറിലധികം പ്രാദേശിക ടൂർണ​െമൻറുകളും നടന്നിരുന്ന ഒരു കാലം വോളിബാളിന്​ ഉണ്ടായിരുന്നു.  ​അസോസിയേഷനും താരങ്ങളും തമ്മിലെ പ്രശ്​നങ്ങൾ മൂലം  മത്സരങ്ങൾ അഖിലേന്ത്യാതലത്തിൽ അഞ്ചായി.  സംസ്​ഥാന മത്സരങ്ങൾ വിരലി​െലണ്ണാം.  ജനങ്ങളിൽ നിന്നും പിരിവെടുത്ത്​ നടത്തുന്ന ഇത്തരം ടൂർണമ​െൻറുകളിൽ നിന്നും പണംപിടുങ്ങുകയാണ്​ അസോസിയേഷ​ൻ ജോലിയെന്ന്​ പുതിയ സംഘടനയുടെ​ രക്ഷാധികാരി മുൻ എം.എൽ.എ പി.ജെ. ജോയ് വാർത്താസമ്മേളനത്തിൽ ആരോപിച്ചു. 

റോയൽറ്റിയുടെ പേരിലാണ്​ തട്ടിപ്പത്രേ. പണം നൽകാൻ തയാറാണെങ്കിലും അസോസിയേഷ​​െൻറ തെറ്റായ നിലപാടുകൾ ടൂർണമ​െൻറുകളെ തകർക്കുകയാണ്​. അതുകൊണ്ട്​തന്നെ അസോസിയേഷനും താരങ്ങളുടെ സംഘടനകളും ചർച്ചകളിലൂടെ നിലവിലെ തെറ്റായ​പ്രവണതകൾ തിരുത്തണം. അല്ലെങ്കിൽ വോളിബാൾ ടൂർണമ​െൻറ്​ ഒാർഗനൈസേഴ്​സ്​ കേരളയുടെ കർശന ഇടപെടലുകൾ ഉണ്ടാവുമെന്ന്​ അവർ താക്കീത്​ നൽകി. നിലവിലുള്ള ടൂർണ​െമൻറുകൾ സജീവമാക്കുകയും നിന്നുപോയവ തിരിച്ചുകൊണ്ടുവരികയുമാണ്​ സംഘടനയുടെ മുഖ്യലക്ഷ്യം. ഇതിന്​ അസോസിയേഷനും കളിക്കാർക്കുമിടയിൽ അച്ചടക്കവും സാമ്പത്തിക നിയന്ത്രണവും അനിവാര്യമാണ്​. പുനരുദ്ധാരണ പ്രക്രിയ അനിവാര്യമാണെന്നും​ വാർത്താസമ്മേളനത്തിൽ പറഞ്ഞു.സംഘടനയുടെ പ്രവർത്തനവുമായി സഹകരിക്കാൻ അസോസിയേഷനും താരങ്ങളും തയാറാവണമെന്നും ജോയ്​ ആവശ്യപ്പെട്ടു.സംഘടനയുടെ ജില്ല കമ്മിറ്റി രൂപവത്​കരണം ശനിയാഴ്​ച മുതൽ തുടങ്ങും. മലപ്പുറത്താണ്​ ആദ്യയോഗം​. 27,28 തീയതികളിൽ എറണാകുളം, തൃശൂർ ജില്ലകളിൽ യോഗം നടക്കും. 
 
ജെയ്​സൺ പാനികുളങ്ങര (പ്രസി.), കാലടി അജിത്​, ബിജു പാലക്കാട്​ (വൈസ്​ പ്രസി.), ഡാലി തൃശൂർ (ജന. സെക്ര.) സ്​റ്റീഫൻ ഫിലിപ്പ്​, ടി.പി കുഞ്ഞിക്കോയ (സെക്ര.) പി.ജെ. ബാബു (ട്രഷ.)  എന്നിവരാണ്​ സംസ്​ഥാന കമ്മിറ്റി ഭാരവാഹികൾ. പി.ജെ. ജോയ്​,ജെയ്​സൺ പാനികുളങ്ങര, അജിത്​കുമാർ, നവാസ്​, നെബുനൈനാൻ എന്നിവരും വാർത്താസമ്മേളനത്തിൽ പ​െങ്കടുത്തു.