ക്രിസ്റ്റ്യാനോ റൊണാൾഡോക്ക്​ ഗിന്നസ് ലോക​ റെക്കോർഡ്​

ബുധനാഴ്​ച്ച നടന്ന മത്സരത്തിൽ പോർച്ചുഗലിനായി 110-ാമത് ഗോൾ നേടി അന്താരാഷ്​ട്ര ഫുട്​ബോൾ ചരിത്രത്തിലെ ഏറ്റവും കൂടുതൽ ഗോളുകൾ നേടിയ താരമെന്ന റെക്കോർഡ്​ സ്വന്തമാക്കിയിരിക്കുകയാണ്​ പോർച്ചുഗലി​െൻറ ഇതിഹാസ താരം ക്രിസ്റ്റ്യാനോ റൊണാൾഡോ.

അയർലൻഡിനെതിരെ നടന്ന ലോകകപ്പ് യോഗ്യതാ മത്സരത്തിലെ ഇരട്ട ഗോൾനേട്ടത്തിലൂടെയാണ്​​ ഇറാൻ താരം അലി ദേയിയുടെ 109 ഗോളുകളെന്ന റെക്കോർഡ് റോണോ​ തകർത്തത്​. താരത്തിന്​ ഇപ്പോൾ അന്താരാഷ്​ട്ര മത്സരങ്ങളിൽ 111 ഗോളുകളായി. ചരിത്ര നേട്ടത്തിന്​ പിന്നാലെ റൊണാ​ൾഡോയെ ഗിന്നസ്​ ലോക റെക്കോർഡും തേടിയെത്തി. റൊണാൾഡോ ഗിന്നസ്​ പുരസ്​കാരം കൈയ്യിലേന്തി നിൽക്കുന്ന ചിത്രം ഗിന്നസ്​ അധികൃതർ സമൂഹ മാധ്യമങ്ങളിൽ പങ്കുവെച്ചിട്ടുണ്ട്​.

''ഞാൻ വളരെ സന്തോഷവാനാണ്, എനിക്കീ റെക്കോർഡ് മറികടക്കാൻ സാധിച്ചതുകൊണ്ട്​ മാത്രമല്ല, ഞങ്ങൾക്ക്​ ലഭിച്ച ഇൗ പ്രത്യേക നിമിഷങ്ങൾ കാരണം," -റൊണാൾഡോ പറഞ്ഞു. 'കളിയുടെ അവസാനം നേടിയ രണ്ട്​ ഗോളുകൾ തീർത്തും കഠിനമായതായിരുന്നു. പക്ഷെ ടീം എന്ന നിലയിലെ പ്രകടനത്തെ അഭിനന്ദിക്കണം. അവസാനം വരെ ഞങ്ങൾ വിശ്വാസം കൈവിട്ടില്ല. -താരം പ്രതികരിച്ചു.

2003-ൽ 18-ാം വയസ്സിൽ കസാഖ്‌സ്താനെതിരെയാണ്​ റൊണാൾഡോ പോര്‍ച്ചുഗലിന്​ വേണ്ടി അന്താരാഷ്ട്ര മത്സരങ്ങളിൽ അരങ്ങേറ്റം കുറിച്ചത്. യുവൻറസ് വിട്ടതിന് ശേഷം ചൊവ്വാഴ്ച മാഞ്ചസ്റ്റർ യുണൈറ്റഡിലേക്ക് തിരിച്ചെത്തിയ 36-കാരനായ റൊണാൾഡോ പോർച്ചുഗലിനായി ത​െൻറ 180-ാമത്തെ മത്സരത്തിന്​ വേണ്ടിയാണ്​ കഴിഞ്ഞ ദിവസം ബൂട്ട്​ കെട്ടിയത്​. അതോടെ ഏറ്റവും അധികം അന്താരാഷ്ട്ര മത്സരങ്ങൾ കളിച്ച യൂറോപ്യൻ താരമെന്ന സെർജിയോ റാമോസി​െൻറ റെക്കോഡിന്‌ ഒപ്പമെത്താനും റോണോക്ക്​ കഴിഞ്ഞു.