സംസ്ഥാന സീനിയർ വോളിബാൾ ചാമ്പ്യൻഷിപ്പിന് ഇന്ന് തുടക്കം

പാലാ: സംസ്ഥാന സീനിയർ വോളിബാൾ ചാമ്പ്യൻഷിപ് കൊടുമ്പിടി വിസിബ് സ്റ്റേഡിയത്തിൽ ഞായറാഴ്ച ആരംഭിക്കുമെന്ന് സംഘാടകസമിതി ഭാരവാഹികളായ ജയിസൺ പുത്തൻകണ്ടം, ജെറി ജോസ്, തങ്കച്ചൻ കുന്നുംപുറം എന്നിവർ അറിയിച്ചു. വൈകീട്ട് 4.30ന് മന്ത്രി വി. അബ്ദുറഹ്മാൻ ഉദ്ഘാടനം ചെയ്യും. മാണി സി. കാപ്പൻ എം.എൽ.എ മുഖ്യപ്രഭാഷണം നടത്തും. വിജയികൾക്ക് അഗസ്റ്റിൻ ജോസഫ് തച്ചാംപുറം സ്മാരക എവർറോളിങ് ട്രോഫി സമ്മാനിക്കും.

ആദ്യദിനം പുരുഷവിഭാഗത്തിൽ കോട്ടയം-കൊല്ലം, തൃശൂർ-കണ്ണൂർ, പാലക്കാട്-ആലപ്പുഴ, തിരുവനന്തപുരം-ഇടുക്കി ടീമുകളും വനിത വിഭാഗത്തിൽ പത്തനംതിട്ട-കൊല്ലം, കാസർകോഡ്-ഇടുക്കി, കോഴിക്കോട്-ആലപ്പുഴ, കണ്ണൂർ-വയനാട് ടീമുകളും ഏറ്റുമുട്ടും. കൊടുമ്പിടിയിലും കൊല്ലപ്പള്ളിയിലുമായണ് മത്സരം നടക്കുന്നത്. ഏഴിന് ചാമ്പ്യൻഷിപ് സമാപിക്കും.