റൈസിങ് ഹൈദരാബാദ്: പഞ്ചാബിനെ രണ്ട് റൺസിന് മറികടന്ന് സൺ റൈസേഴ്സ് ഹൈ​ദ​രാ​ബാ​ദ്

മൊഹാലി: ഐ.പി.എല്ലിൽ അവസാന ഓവറിലേക്ക് നീണ്ട ആവേശപ്പോരിൽ പ​ഞ്ചാ​ബ് കി​ങ്സി​നെ രണ്ട് റൺസിന് കീഴടക്കി സൺ റൈസേഴ്സ് ഹെദരാബാദ്. ​മൊഹാലി മുല്ലൻപൂർ മഹാരാജ യാദ​വിന്ദ്ര സിങ് സ്റ്റേഡിയത്തിൽ ആദ്യം ബാ​റ്റു ചെ​യ്ത ഹൈ​ദ​രാ​ബാ​ദ് ഒമ്പത് വിക്കറ്റിന് 182 റ​ൺ​സ് നേടി. ലക്ഷ്യത്തി​േലക്ക് പൊരുതിയ പഞ്ചാബിന് 20 ഓവറിൽ ആറ് വിക്കറ്റിന് 180 റൺസെടുക്കാനേ കഴിഞ്ഞുള്ളൂ. ജയിക്കാൻ അവസാന ഓവറിൽ 29 റൺസ് റൺസ് വേണ്ടിയിരുന്ന പഞ്ചാബ് 27റൺസ് നേടി. ജയദേവ് ഉദ്കട് എറിഞ്ഞ അവസാന ഓവറിൽ മൂന്ന് സിക്സ് പറത്തിയെങ്കിലും വിജയം അകലെയായി. 46 റൺസുമായി പുറത്താകാതെ നിന്ന ശശാങ്ക് സിങ്ങാണ് പഞ്ചാബിന്റെ ടോപ്സ്കോറർ. ശശാങ്കിനൊപ്പം പൊരുതിയ അശുതോഷ് ശർമ 33 റൺസുമായി പുറത്താകാതെ നിന്നു. സാം കറൻ 29ഉം സിക്കന്ദർ റാസ 28ഉം റൺസ് നേടി. ​

37 പ​ന്തി​ൽ 64 റ​ൺ​സെ​ടു​ത്ത നിതീഷ് കുമാർ റെഡ്ഡിയാണ് ഹൈദരാബാദിന്റെ ടോപ്സ്കോറർ. അർഷദീപ് ​സിങ്ങും സാം ​ക​റ​നും ന​യി​ച്ച തീ​പാ​റു​ന്ന ബൗ​ളി​ങ്ങി​നു മു​ന്നി​ൽ ഇടക്ക് പതറിയെങ്കിലും മധ്യനിര പി​ടി​ച്ചു​നി​ന്നതോടെ മാ​ന്യ​മാ​യ സ്കോ​ർ അ​ടി​ച്ചെ​ടു​ക്കുകയായിരുന്നു ഹൈ​ദ​രാ​ബാ​ദ്.

അ​നാ​യാ​സ തു​ട​ക്ക​മെ​ന്ന് തോ​ന്നി​ച്ച ആ​ദ്യ മൂ​ന്ന് ഓ​വ​റു​ക​ൾ​ക്കു ശേ​ഷം വ​ൻ​വി​ക്ക​റ്റ് വീ​ഴ്ച​യാ​യി​രു​ന്നു ഹൈ​ദ​ര​ബാ​ദ് ​ബാ​റ്റി​ങ്ങി​ന്റെ ഹൈ​ലൈ​റ്റ്. അ​ർ​ഷ്ദീ​പ് എ​റി​ഞ്ഞ പ​ന്തി​ൽ ധ​വാ​ന് ക്യാ​ച്ച് ന​ൽ​കി ആ​ദ്യം മ​ട​ങ്ങി​യ​ത് ട്രാ​വി​സ് ഹെ​ഡ്. 21 റ​ൺ​സാ​യി​രു​ന്നു താ​ര​ത്തി​ന്റെ സ​മ്പാ​ദ്യം. ഐ​ഡ​ൻ മ​ർ​ക്ര​ത്തെ​യും പൂജ്യത്തിന് അ​ർ​ഷ്ദീ​പ് മ​ട​ക്കി. വൈ​കാ​തെ സാം ​ക​റ​ൻ അ​ഭി​ഷേ​ക് ശ​ർ​മ​ (16)യെ​യും വീ​ഴ്ത്തി​യ​തോ​ടെ പ്ര​തി​രോ​ധ​ത്തി​ലാ​യ നൈ​സാ​മി​ന്റെ നാ​ട്ടു​കാ​രെ വ​ൻ​ദു​ര​ന്ത​ത്തി​ൽ​നി​ന്ന് ര​ക്ഷി​ച്ച് നി​തീ​ഷ് കു​മാ​ർ ന​ങ്കൂ​ര​മി​ട്ടു​നി​ന്നു.

അ​ർ​ധ സെ​ഞ്ച്വ​റി​യും ക​ട​ന്ന് കു​തി​ച്ച താ​രം 37 പ​ന്തി​ൽ 64 റ​ൺ​സെ​ടു​ത്ത് അ​ർ​ഷ്ദീ​പി​ന് വി​ക്ക​റ്റ് ന​ൽ​കി​യാ​ണ് തി​രി​കെ ക​യ​റി​യ​ത്. ഇ​തി​നി​ടെ ഹ​ർ​ഷ​ൽ പ​ട്ടേ​ൽ രാ​ഹു​ൽ ത്രി​പാ​ഠി​യെ​യും ഹീ​ന്റി​ച്ച് ക്ലാ​സ​നെ​യും വ​ലി​യ സ​മ്പാ​ദ്യ​ങ്ങ​ൾ​ക്കു വി​ടാ​തെ തി​രി​ച്ച​യ​ച്ചു. പി​ന്നീ​ടു വ​ന്ന​വ​രി​ൽ 25 റ​ൺ​സെ​ടു​ത്ത അ​ബ്ദു​ൽ സ​മ​ദ് മാ​ത്ര​മാ​യി​രു​ന്നു മോ​ശ​മ​ല്ലാ​ത്ത സ്കോ​ർ നേ​ടി​യ​ത്. ഷ​ഹ​ബാ​സ് അ​ഹ്മ​ദും പി​ടി​ച്ചു​നി​ന്നു. നാ​ലോ​വ​റി​ൽ 29 റ​ൺ​സ് വി​ട്ടു​ന​ൽ​കി​യ അർഷ്ദീപ് നാ​ലു വി​ല​പ്പെ​ട്ട വി​ക്ക​റ്റു​ക​ളാ​ണ് വീ​ഴ്ത്തി​യ​ത്. കാ​ഗി​സോ റ​ബാ​ദ​യും സാം ​ക​റ​നും ഓ​രോ വി​ക്ക​റ്റും വീ​ഴ്ത്തി.