ഗ്രാൻഡ് സലാം: ടെ​ന്നി​സി​ൽ പ​ടി​യി​റ​ക്ക​കാ​ലം; പെ​റ്റ്കോ​വി​ക്, ക്വീ​റെ വി​ര​മി​ച്ചു

ന്യൂ​യോ​ർ​ക്: യു.​എ​സ് ഓ​പ​ണോ​ടെ സെ​റീ​ന വി​ല്യം​സ് മാ​ത്ര​മ​ല്ല ടെ​ന്നി​സ് കോ​ർ​ട്ടി​നോ​ട് വി​ട​പ​റ​യു​ന്ന​ത്. പ്ര​മു​ഖ​രാ​യ ര​ണ്ടു​പേ​ർ ആ​ദ്യ റൗ​ണ്ട് മ​ത്സ​ര​ങ്ങ​ൾ തോ​റ്റു പു​റ​ത്താ​യ​തി​നു പി​ന്നാ​ലെ ക​രി‍യ​റി​നും വി​രാ​മ​മി​ട്ടു. ജ​ർ​മ​നി​യു​ടെ ആ​ൻ​ഡ്രി​യ പെ​റ്റ്കോ​വി​ക്കും അ​മേ​രി​ക്ക​യു​ടെ സാം ​ക്വീ​റെ​യു​മാ​ണ് ക​ളം​വി​ട്ട​ത്. വ​നി​ത സിം​ഗ്ൾ​സി​ൽ സ്വി​റ്റ്സ​ർ​ല​ൻ​ഡി​ന്റെ ബെ​ലി​ൻ​ഡ ബെ​ൻ​സി​ക് 6-4, 2-6, 6-4ന് ​പെ​റ്റ്കോ​വി​ക്കി​നെ​യും പു​രു​ഷ സിം​ഗ്ൾ​സി​ൽ ബെ​ല​റൂ​സി​ന്റെ ഇ​ലി​യ ഇ​വാ​ഷ്ക 4-6, 6-4, 7-6(8), 6-3ന് ​ക്വീ​റെ​യെ​യും തോ​ൽ​പി​ച്ചു. പെ​റ്റ്കോ​വി​ക്കി​ന്റേ​ത് പെ​ട്ടെ​ന്ന് വ​ന്ന പ്ര​ഖ്യാ​പ​ന​മാ​ണെ​ങ്കി​ൽ ആ​ഴ്ച​ക​ൾ​ക്കു​മു​മ്പേ വി​ര​മി​ക്ക​ൽ തീ​രു​മാ​നി​ച്ചി​രു​ന്നു ക്വീ​റെ.

മു​ൻ ലോ​ക ഒ​മ്പ​താം ന​മ്പ​റു​കാ​രി​യാ​യ പെ​റ്റ്കോ​വി​ക്, 10 കൊ​ല്ല​ത്തി​ല​ധി​ക​മാ​യി ടെ​ന്നി​സി​ലെ ശ്ര​ദ്ധേ​യ സാ​ന്നി​ധ്യ​മാ​ണ്. 2011ൽ ​മൂ​ന്ന് ഗ്രാ​ൻ​ഡ്സ്ലാം ടൂ​ർ​ണ​മെ​ന്റു​ക​ളി​ൽ ഇ​വ​ർ ക്വാ​ർ​ട്ട​ർ ഫൈ​ന​ലി​ലെ​ത്തി​യി​രു​ന്നു. ആ​റ് ഡ​ബ്ല്യു.​ടി.​എ കി​രീ​ട​ങ്ങ​ൾ സ്വ​ന്ത​മാ​ക്കി​യി​ട്ടു​ണ്ട് 34കാ​രി. താ​ൻ ഏ​റെ സ്നേ​ഹി​ക്കു​ക​യും ബ​ഹു​മാ​നി​ക്കു​ക​യും ചെ​യ്യു​ന്ന താ​ര​മാ​ണ് ബെ​ൻ​സി​ക് എ​ന്നും അ​വ​രോ​ട് ഏ​റ്റു​മു​ട്ടി ക​രി​യ​ർ അ​വ​സാ​നി​പ്പി​ക്കു​ന്ന​തി​ൽ സ​ന്തോ​ഷ​മു​ണ്ടെ​ന്നും മ​ത്സ​ര​ശേ​ഷം പെ​റ്റ്കോ​വി​ക് പ​റ​ഞ്ഞു. മു​ൻ ലോ​ക 11ാം ന​മ്പ​ർ താ​ര​മാ​യ ക്വീ​റെ, 2017 വിം​ബ്ൾ​ഡ​ണി​ൽ സെ​മി​ഫൈ​ന​ലി​ലും അ​തേ കൊ​ല്ലം യു.​എ​സ് ഓ​പ​ണി​ൽ ക്വാ​ർ​ട്ട​റി​ലു​മെ​ത്തി​യി​രു​ന്നു. ആ​ൻ​ഡി മ​റേ​യും നൊ​വാ​ക് ദ്യോ​കോ​വി​ച്ചു​മെ​ല്ലാം ഒ​ന്നാം റാ​ങ്കു​കാ​രാ​യി​രി​ക്കെ അ​വ​രെ തോ​ൽ​പി​ച്ച് താ​ര​മാ​യ​യാ​ളാ​ണ് 34കാ​ര​ൻ. 20 എ.​ടി.​പി ഫൈ​ന​ലു​ക​ൾ ക​ളി​ച്ച് 10 കി​രീ​ട​ങ്ങ​ളും സ്വ​ന്ത​മാ​ക്കി.

വൻ അട്ടിമറികൾ; നദാൽ മുന്നോട്ട്

ന്യൂ​യോ​ർ​ക്: നി​ല​വി​ലെ ജേ​ത്രി ബ്രി​ട്ട​ന്റെ എ​മ്മ റ​ഡു​കാ​നു​വും മു​ൻ ചാ​മ്പ്യ​ൻ അ​മേ​രി​ക്ക‍യു​ടെ വീ​ന​സ് വി​ല്യം​സും യു.​എ​സ് ഓ​പ​ൺ ടെ​ന്നി​സ് ഒ​ന്നാം റൗ​ണ്ടി​ൽ പു​റ​ത്താ​യി. സ്പാ​നി​ഷ് സൂ​പ്പ​ർ​താ​രം റാ​ഫേ​ൽ ന​ദാ​ൽ, സ്പെ​യി​നി​ന്റെ​ത​ന്നെ കാ​ർ​ലോ​സ് ആ​ൽ​കാ​ര​സ് തു​ട​ങ്ങി​യ​വ​ർ ര​ണ്ടാം റൗ​ണ്ടി​ലേ​ക്കു മു​ന്നേ​റി​യ​പ്പോ​ൾ വിം​ബ്ൾ​ഡ​ൺ ചാ​മ്പ്യ​ൻ എ​ലേ​ന റി​ബാ​കി​ന​യും മു​ൻ യു.​എ​സ് ഓ​പ​ൺ ജേ​ത്രി ജ​പ്പാ​ന്റെ ന​വോ​മി ഒ​സാ​ക​യും അ​ട്ടി​മ​റി തോ​ൽ​വി​യി​ലൂ​ടെ മ​ട​ങ്ങി. വ​നി​ത സിം​ഗ്ൾ​സി​ൽ ബെ​ൽ​ജി​യ​ത്തി​ന്റെ അ​ലി​സ​ൻ വാ​ൻ ഉ​യ്ത്വാ​ൻ​ക് 6-1, 7-6 (5) സ്കോ​റി​നാ​ണ് സെ​റീ​ന വി​ല്യം​സി​ന്റെ മൂ​ത്ത സ​ഹോ​ദ​രി​യാ​യ വീ​ന​സി​നെ വീ​ഴ്ത്തി​യ​ത്. ഫ്രാ​ൻ​സി​ന്റെ ആ​ലി​സ് കോ​ർ​ന​റ്റ് 6-3, 6-3ന് ​റ​ഡു​കാ​നു​വി​നെ​യും തോ​ൽ​പി​ച്ചു. പു​രു​ഷ സിം​ഗ്ൾ​സി​ൽ ആ​സ്ട്രേ​ലി​യ​യു​ടെ അ​ര​ങ്ങേ​റ്റ​ക്കാ​ര​ൻ റി​ൻ​കി ഹി​ജി​കാ​റ്റ ആ​ദ്യ സെ​റ്റി​ൽ ന​ദാ​ലി​നെ ഞെ​ട്ടി​ച്ച​ശേ​ഷം കീ​ഴ​ട​ങ്ങു​ക​യാ​യി​രു​ന്നു. സ്കോ​ർ: 4-6, 6-2, 6-3, 6-3. അ​ർ​ജ​ന്റീ​ന​യു​ടെ സെ​ബാ​സ്റ്റ്യ​ൻ ബ​യേ​സ് പ​രി​ക്കേ​റ്റ് പി​ന്മാ​റി​യ​തോ​ടെ ആ​ൽ​കാ​ര​സ് 7-5, 7-5, 2-0ന് ​മു​ന്നേ​റ​വെ ര​ണ്ടാം റൗ​ണ്ടി​ലേ​ക്ക് ക​ട​ന്നു. വ​നി​ത സിം​ഗ്ൾ​സി​ൽ ഫ്രാ​ൻ​സി​ന്റെ അ​ര​ങ്ങേ​റ്റ താ​രം ക്ലാ​ര ബ്യൂ​റ​ൽ 6-4 6-4 സ്കോ​റി​നാ​ണ് റി​ബാ​കി​ന​യെ അ​ട്ടി​മ​റി​ച്ച​ത്. അ​മേ​രി​ക്ക​യു​ടെ ഡാ​നി​യേ​ല കോ​ളി​ൻ​സ് 7-6 (5), 6-3ന് ​ഒ​സാ​ക​യെ​യും പ​രാ​ജ​യ​പ്പെ​ടു​ത്തി.