ആസ്ട്രേലിയൻ ഓപൺ: ദ്യോകോവിച് സെമിയിൽ

മെൽബൺ: 22ാം ഗ്രാൻഡ്സ്ലാം കിരീടം ലക്ഷ്യമിടുന്ന സെർബിയൻ സൂപ്പർ താരം നൊവാക് ദ്യോകോവിച് ആസ്ട്രേലിയൻ ഓപൺ ടെന്നിസ് സെമി ഫൈനലിൽ പ്രവേശിച്ചു.

റഷ്യയുടെ ആന്ദ്രെ റബ് ലോവിനെ ക്വാർട്ടർ ഫൈനലിൽ 6-1, 6-2, 6-4 സ്കോറിനാണ് പരാജയപ്പെടുത്തിയത്. വെള്ളിയാഴ്ചത്തെ സെമിയിൽ അമേരിക്കയുടെ ടോമി പോളാണ് എതിരാളി. അമേരിക്കക്കാർ തമ്മിൽ നടന്ന ക്വാർട്ടർ മത്സരത്തിൽ ബെൻ ഷെൽട്ടനെ 7-6(6), 6-3, 5-7, 6-4ന് തോൽപിച്ചു ടോമി.

പുരുഷ സിംഗ്ൾസിൽ റഷ്യയുടെ കാരൻ ഖചനോവ്-ഗ്രീസിന്റെ സ്റ്റെഫാനോസ് സിറ്റ്സിപാസ് സെമിയും നാളെ നടക്കും. വനിത സിംഗ്ൾസിൽ കസാഖ്സ്താന്റെ എലേന റിബാകിന-ബെലറൂസിന്റെ വിക്ടോറിയ അസരങ്ക, പോളണ്ടിന്റെ മഗ്ദ ലിനെറ്റെ-ബെലറൂസിന്റെ അറീന സെബാലങ്ക സെമി പോരാട്ടങ്ങൾ വ്യാഴാഴ്ചയാണ്.