ഒളിമ്പിക്സിൽ സ്പെയിനിനായി ഒരുമിച്ചിറങ്ങാൻ നദാലും അൽകാരസും

മഡ്രിഡ്: പാരിസ് ഒളിമ്പിക്സിൽ സ്പെയിനിനായി സ്വർണം നേടാൻ ടെന്നിസിലെ സൂപ്പർ താരങ്ങൾ ഒരുമിക്കുന്നു. ഇതിഹാസം റാഫേൽ നദാലിനൊപ്പം യുവതാരവും ഫ്രഞ്ച് ഓപൺ ജേതാവുമായ 21കാരൻ കാർലോസ് അൽകാരസ് പുരുഷ ഡബ്ൾസിൽ ഇറങ്ങും. 38കാരനായ നദാൽ സിംഗ്ൾസിലും (2008) മാർക് ലോപസിനൊപ്പം ഡബ്ൾസിലും (2016) ഓരോ ഒളിമ്പിക് സ്വർണ മെഡലുകൾ നേടിയിട്ടുണ്ട്.