യു.എസ് ഓപൺ: സിന്നർ- ഫ്രിറ്റ്സ് ഫൈനൽ

ന്യൂയോർക്ക്: ഒന്നര പതിറ്റാണ്ടിനുശേഷം യു.എസ് ഓപൺ ഫൈനലിൽ ഒരു നാട്ടുകാരൻ. അമേരിക്കയുടെ ടെയ്‍ലർ ഫ്രിറ്റ്സും ഇറ്റലിയുടെ ലോക ഒന്നാം നമ്പർ യാനിക് സിന്നറും ഇന്ന് പുരുഷ സിംഗിൾസ് ഫൈനലിൽ ഏറ്റുമുട്ടും.

ബ്രിട്ടന്റെ ജാക് ഡ്രാപ്പറെ 7-5, 7-6, 6-2 എന്ന സ്കോറിന് തോൽപിച്ചാണ് സിന്നർ കലാശപ്പോരിലേക്ക് കുതിച്ചത്. യു.എസ് ഓപണിന്റെ ചരിത്രത്തിൽ ഇതാദ്യമായാണ് ഇറ്റാലിയുടെ പുരുഷ താരം യു.എസ് ഓപണിന്റെ ഫൈനലിലെത്തുന്നത്.

കളിക്കൂട്ടുകാർ തമ്മിലുള്ള മത്സരമായിരുന്നു രണ്ടാം സെമി. അഞ്ച് സെറ്റ് നീണ്ട പോരാട്ടത്തിൽ 4-6, 7-5, 4-6, 6-4, 6-1 എന്ന സ്കോറിനാണ് ടെയ്‍ലർ ഫ്രിറ്റ്സ് സഹതാരം ഫ്രാൻസിസ് തിയാഫോയെ തോൽപ്പിച്ചത്.