വിംബ്ൾഡൺ; പുതുജേത്രിയെ ഇന്നറിയാം

ലണ്ടൻ: ശനിയാഴ്ച നടക്കുന്ന വിംബ്ൾഡൺ വനിത സിംഗ്ൾസിൽ ആരു ജയിച്ചാലും അത് ചരിത്രമാവും. കാരണം, കന്നി കലാശക്കളിയാണ് രണ്ടു പേർക്കും. തുനീഷ്യയുടെ ഒൻസ് ജാബിയറും കസാഖ്സ്താന്റെ എലേന റിബാകിനയുമാണ് ഫൈനലിൽ ഏറ്റുമുട്ടുന്നത്. ജാബിയർ ഗ്രാൻഡ്സ്ലാം ഫൈനലിലെത്തുന്ന ആദ്യ തുനീഷ്യക്കാരിയും അറബ് വംശജയുമാണ്. റിബാകിനയാവട്ടെ ഗ്രാൻഡ്സ്ലാം കലാശക്കളിക്ക് യോഗ്യത നേടുന്ന പ്രഥമ കസാഖ്സ്താൻകാരിയാണ്.

മൂന്നാം സീഡായ ജാബിയർ സീഡ് ചെയ്യപ്പെടാത്ത ജർമനിയുടെ തത്യാന മരിയയെ 6-2, 3-6, 6-1നും 17ാം സീഡ് റിബാകിന 6-3, 6-3ന് 16ാം സീഡ് റുമേനിയയുടെ സിമോണ ഹാലെപിനെയുമാണ് സെമിയിൽ തോൽപിച്ചത്.