4x400 മീറ്റർ റി​ലേയിൽ ഇന്ത്യക്ക്​ ഏഷ്യൻ റെക്കോഡ്; ഫൈനൽ ബെർത്ത്​ നഷ്​ടം

ടോക്യേ: ഒളിമ്പിക്​സിൽ പുരുഷൻമാരുടെ 4x400 മീറ്റർ റി​ലേയിൽ മലയാളി താരങ്ങൾ അടങ്ങിയ ഇന്ത്യൻ ടീം ഏഷ്യൻ റെക്കോഡ്​ കുറിച്ചു. 3:00:25 എന്ന സമയത്തിന്​ ഫിനിഷ് ചെയ്​ത ഇന്ത്യക്ക്​ പക്ഷേ ഫൈനലിന്​ യോഗ്യത നേടാനായില്ല.

അമോജ്​ ജേക്കബ്​, നോഹ്​ നിർമൽ ടോം, മുഹമ്മദ്​ അനസ്​ യഹിയ, അരോകിയ രാജീവ്​ എന്നിവരടങ്ങിയ ഇന്ത്യൻ ടീം ഹീറ്റ്​സിൽ നാലാമതായി. ഹീറ്റ്​സിൽ മൊത്തത്തിൽ ഒമ്പതാമതാണ്​ ഇന്ത്യയെത്തിയത്​. നോഹ്​ നിർമൽ ടോം മികച്ച പ്രകടനമാണ്​ നടത്തിയത്​.