പി.വി. സിന്ധുവിന്​ അഭിനന്ദനവുമായി കേരള​ നിയമസഭ

തിരുവനന്തപുരം: ടോക്യോ ഒളിമ്പിക്സിലെ പി.വി. സിന്ധുവി​െൻറ വെങ്കല മെഡല്‍ നേട്ടത്തിൽ അഭിനന്ദനം അർപ്പിച്ച്​ സംസ്ഥാന നിയമസഭ. സിന്ധുവിന് തുടര്‍ന്നും മികച്ച വിജയങ്ങള്‍ ഉണ്ടാക​േട്ടയെന്ന് ആശംസിക്കുന്നതായി സ്​പീക്കർ എം.ബി. രാജേഷ്​ പറഞ്ഞു.

ഈ ഒളിമ്പിക്സില്‍ ഇന്ത്യക്ക് ഇതുവരെ ലഭിച്ച രണ്ട്​ മെഡലുകളും വനിതകളാണ് നേടിയത്. ഭാരോദ്വഹനത്തില്‍ വെള്ളിമെഡല്‍ നേടിയ മീര ചാനുവും ബാഡ്മിൻറണില്‍ വെങ്കല മെഡല്‍ നേടിയ പി.വി. സിന്ധുവും. വനിതകളുടെ ബോക്സിങ്ങില്‍ ലവ്​ലിന ബോര്‍ഗോഹെയ്ന്‍ മെഡല്‍ ഉറപ്പിച്ചിട്ടുണ്ട്. വനിതാ താരങ്ങളുടെ ഈ നേട്ടങ്ങള്‍ അഭിമാനകരമാണെന്നും സ്​പീക്കർ പറഞ്ഞു.