ഒളിമ്പിക്സ് നീന്തൽ; മലയാളി താരം സജൻ പ്രകാശ് സെമിയിലെത്താതെ പുറത്ത്

ടോക്യോ: ഒളിമ്പിക്സ് നീന്തലിൽ ഇന്ത്യയുടെ മെഡൽ പ്രതീക്ഷയായിരുന്ന മലയാളി താരം സജൻ പ്രകാശിന് പുരുഷ വിഭാഗം 200 മീറ്റർ ബട്ടർഫ്ലൈയിൽ സെമിയിലെത്താനായില്ല. ഹീറ്റ്സിൽ നാലാമതായി ഫിനിഷ് ചെയ്തെങ്കിലും സെമിയിലെത്താനുള്ള സമയം കുറിക്കാനായില്ല.

1:57:22 എന്ന സമയത്തിലാണ് ഹീറ്റ്സിൽ സജൻ പ്രകാശ് ഫിനിഷ് ചെയ്തത്. ആദ്യ 16 പേർക്ക് മാത്രമാണ് സെമിയിലേക്ക് അവസരം. എന്നാൽ സജന് 24ാം സ്ഥാനമാണ് ലഭിച്ചത്.

1:56:38 എന്ന സമയത്തിൽ മത്സരം പൂർത്തിയാക്കി ഒളിമ്പിക് യോഗ്യത നേടിയ സജന് പക്ഷേ ഈ മികവ് ടോക്യോയിൽ ആവർത്തിക്കാനായില്ല.