ഒളിമ്പിക്​സ്​ 100 മീറ്റർ ഫൈനലിൽ ജമൈക്കൻ താരങ്ങളില്ല; അമ്പരപ്പിച്ച്​ ചൈനീസ്​ താരം

ടോക്യോ: ലോകത്തിലെ വേഗരാജാവ്​ ആരാണെന്നറിയാൻ ഇനി മിനിറ്റുകളുടെ ദൂരം മാത്രം. വനിതകളുടെ 100 മീറ്ററിൽ സ്വർണം, വെള്ളി, വെങ്കലം മെഡലുകൾ നേടി ആധിപത്യമുറപ്പിച്ച ജമൈക്കക്ക് പുരുഷ വിഭാഗത്തിൽ വലിയ വീഴ്ച​ നേടിയതാണ്​ ഫൈനലിനൊരുങ്ങും മുമ്പുള്ള കൗതുക സംഭവം. സെമി​ഫൈനൽ കടമ്പ കടക്കാൻ ജമൈക്കൻ താരങ്ങൾക്കായില്ല.

2004ന്​ ശേഷം ജമൈക്കൻ താരങ്ങളില്ലാത്ത ആദ്യ 100 മീറ്റർ ഫൈനലിനാണ്​ അരങ്ങൊരുങ്ങുന്നത്​. സെമി ഫൈനലിൽ ജമൈക്കയടെ യൊഹാൻ ​േബ്ലയ്​ക്​ ആറാമതായാണ്​ ഫിനിഷ്​ ചെയ്​തത്​. അമേരിക്കയുടെ ലോക ഒന്നാം നമ്പർ താരവും ചാമ്പ്യനാകുമെന്ന്​ പ്രവചിക്കപ്പെടുകയും ചെയ്​തിരുന്ന ട്രെയ്​വർ ബ്രോംവെലും ഫൈനലിന്​ യോഗ്യത നേടാത്തത്​ ഏവരെയും ഞെട്ടിച്ചു.

അതേ സമയം എല്ലാവരെയും അമ്പരപ്പിച്ച്​ ചൈനയുടെ സൂബിങ്​ഷിയാൻ 9.83 മിനിറ്റിന്‍റെ ഏഷ്യൻ റെക്കോർഡോടെ ഫൈനലിലേക്ക്​ കടന്നു. ഫൈനലിലുള്ള ഏക ഏഷ്യൻ താരവും ബിങ്​ഷിയാനാണ്. ​ 2012 ലണ്ടൻ ഒളിമ്പിക്​സിൽ ജമൈക്കൻ ഇതിഹാസം ഉസൈൻ ബോൾട്ട്​ കുറിച്ച 9.63 സെക്കന്‍റാണ്​ ഒളിമ്പിക്​ റെക്കോർഡ്​.