ക്രി​സ്​​റ്റ്യാ​നോ​യു​ടെ പെ​നാ​ൽ​റ്റി ത​ട​ഞ്ഞി​ട്ട്​ താ​ര​മാ​യ അ​ലി​റി​സ​യു​ടെ വി​സ്​​മ​യ ജീ​വി​ത​ക​ഥ

മോ​സ്​​കോ: തെ​ഹ്​​റാ​ൻ ന​ഗ​ര​ത്തി​ലെ ച​പ്പു​ച​വ​റു​ക​ൾ അ​ടി​ച്ചു​വാ​രി​യ കൈ​ക​ൾ ക്രി​സ്​​റ്റ്യാ​നോ റൊ​ണാ​ൾ​ഡോ​യു​ടെ പെ​നാ​ൽ​റ്റി ത​ട​ഞ്ഞി​ടാ​ൻ പാ​ക​ത്തി​ൽ വ​ള​ർ​ന്ന ക​ഥ ആ​രെ​യും പ്ര​ചോ​ദി​പ്പി​ക്കും. പ്രീ​ക്വാ​ർ​ട്ട​ർ ബെ​ർ​ത്ത്​ നി​ശ്ച​യി​ക്കു​ന്ന മ​ത്സ​ര​ത്തി​ൽ ക്രി​സ്​​റ്റ്യാ​നോ​യു​ടെ പെ​നാ​ൽ​റ്റി ത​ട​ഞ്ഞി​ട്ട്​ ലോ​ക ശ്ര​ദ്ധ പി​ടി​ച്ചു​പ​റ്റി​യ ഇ​റാ​നി​യ​ൻ ഗോ​ൾ കീ​പ്പ​ർ അ​ലി​റി​സ ബെ​യ്​​റ​ൻ​വാ​ദി​നെ​പ്പ​റ്റി​യാ​ണ്​ പ​റ​ഞ്ഞു​വ​രു​ന്ന​ത്. ക​ളി​ക്ക​ള​ത്തി​ലെ​ന്ന​പോ​െ​ല ത്ര​സി​പ്പി​ക്കു​ന്ന​താ​ണ്​ 25കാ​ര​നാ​യ അ​ലി റി​സ​യു​ടെ  നാ​ട​കീ​യ​ജീ​വി​തം. കി​ഴ​ക്ക​ൻ ഇ​റാ​നി​​ലെ സ​റാ​ബി​യാ​സി​ലെ നാ​ടോ​ടി കു​ടും​ബ​ത്തി​ൽ 1992ലാ​യി​രു​ന്നു ജ​ന​നം. ചെ​റു​പ്പ​ത്തി​ൽ ആ​ടു​മേ​ച്ചു ന​ട​ക്കു​ന്ന​തി​നി​ടെ ഒ​ഴി​വു സ​മ​യ​ങ്ങ​ളി​ൽ കൂ​ട്ടു​കാ​രോ​ട​പ്പം പ​ന്തു​ത​ട്ടി​യാ​ണ്​  കാ​ൽ​പ​ന്തി​നെ കൂ​ട്ടു​പി​ടി​ച്ച​ത്. പ്രാ​ദേ​ശി​ക ക്ല​ബു​ക​ൾ​ക്കു​വേ​ണ്ടി ഗോ​ള​ടി​ക്കാ​ൻ ക​ള​ത്തി​ലി​റ​ങ്ങി​യ അ​വ​ൻ​ കൂ​ട്ടു​കാ​ര​ന്​ പ​രി​ക്കേ​റ്റ​തോ​ടെ ഗോ​ളി​യു​ടെ ഗ്ലൗ​സ​ണി​ഞ്ഞു. റി​സെ​യു​ടെ ഫു​ട്​​ബാ​ൾ ഭ്രാ​ന്ത്​ ഇ​ഷ്​​ട​മ​ല്ലാ​തി​രു​ന്ന പി​താ​വ്​ ഗ്ലൗ​സും മ​റ്റും ന​ശി​പ്പി​ച്ച്, ജോ​ലി​ചെ​യ്യാ​ൻ നി​ർ​ബ​ന്ധി​ച്ചു​തു​ട​ങ്ങി. എ​ന്നാ​ൽ, ക​ളി​യെ വി​ടാ​ൻ ത​യാ​റാ​വാ​തി​രു​ന്ന കൗ​മാ​ര​ക്കാ​ര​ൻ നാ​ടു​വി​ട്ട്​ ഫു​ട്​​ബാ​ളി​നെ കൂ​ട്ടു​പി​ടി​ച്ചു. 

12ാം വ​യ​സ്സി​ൽ സ്വ​പ്​​നം നാ​ടും വീ​ടും വി​ട്ട്​ തെ​ഹ്​​റാ​നി​ലേ​ക്ക്​ വ​ണ്ടി​ക​യ​റി. കു​ടും​ബ സു​ഹൃ​ത്തി​ൽ​നി​ന്നും ബ​സ്​ കൂ​ലി​ക്കു​ള്ള പ​ണം ക​ടം​വാ​ങ്ങി​യാ​യി​രു​ന്നു ആ ​യാ​ത്ര. ന​ഗ​ര​ത്തി​ലെ​ത്തി​യെ​ങ്കി​ലും ക​ളി​ക്കാ​ര​നെ​ന്ന നി​ല​യി​ൽ ത​ന്നെ അ​ട​യാ​ള​പ്പെ​ടു​ത്താ​ൻ ഒ​രു​പാ​ട്​ ക​ഷ്​​ട​പ്പെ​ട്ടു. പ്രാ​േ​ദ​ശി​ക ക്ല​ബി​ലെ കോ​ച്ചാ​യ ഹു​സൈ​ൻ ഫൈ​സി​​െൻറ അ​ടു​ത്ത്​ എ​ത്തി​പ്പെ​ട്ട​ത്​ വ​ഴി​ത്തി​രി​വാ​യി. അ​ദ്ദേ​ഹം അ​വ​ന്​ പ​രി​ശീ​ല​നം ന​ൽ​കാ​മെ​ന്നേ​റ്റു. എ​ന്നാ​ൽ, 30 യൂ​റോ പ്ര​തി​ഫ​ല​മാ​യി ചോ​ദി​ച്ചു. ത​ല​ചാ​യ്​​ക്കാ​ൻ ഇ​ട​മി​ല്ലാ​തെ പ​രി​ശീ​ല​ന മൈ​താ​ന​ത്തി​ന​ടു​ത്ത്​ ത​ന്നെ താ​മ​സി​ച്ച നാ​ളു​ക​ൾ. ഒ​രി​ക്ക​ൽ ക്ല​ബി​​െൻറ വ​രാ​ന്ത​യു​ടെ മു​ന്നി​ൽ അ​ന്തി​യു​റ​ങ്ങി​യ അ​ലി​റി​സ​ ഉ​ണ​ർ​ന്നെ​ഴു​ന്നേ​റ്റ​പ്പോ​ൾ ഞെ​ട്ടി. ചു​റ്റും ചി​ത​റി​ക്കി​ട​ക്കു​ന്ന നാ​ണ​യ​ത്തു​ട്ടു​ക​ൾ. യാ​ച​ക​നെ​ന്ന്​ ക​രു​തി യാ​ത്ര​ക്കാ​ർ സം​ഭാ​വ​ന ന​ൽ​കി​യ​താ​യി​രു​ന്നു അ​വ. എ​ന്നാ​ൽ, ആ ​സം​ഖ്യ ഉ​പ​യോ​ഗി​ച്ചാ​ണ്​ താ​ൻ ഏ​റെ നാ​ളു​ക​ൾ​ക്ക്​ ശേ​ഷം രു​ചി​ക​ര​മാ​യ പ്രാ​ത​ൽ ക​ഴി​ച്ച​തെ​ന്ന്​ പി​ന്നീ​ടൊ​രി​ക്ക​ൽ​ ഗാ​ർ​ഡി​യ​ൻ പ​ത്ര​ത്തി​ന്​ ന​ൽ​കി​യ അ​ഭി​മു​ഖ​ത്തി​ൽ പ​റ​ഞ്ഞി​രു​ന്നു. 

ഇ​തി​നി​ടെ നി​ത്യ​വൃ​ത്തി​ക്കാ​യി വ​സ്​​ത്ര​നി​ർ​മാ​ണ ശാ​ല​യി​ലും, പി​സ ക​ട​ക​ളി​ലും തൊ​ഴി​ലെ​ടു​ത്തു. കാ​റു​ക​ൾ വ​രെ ക​ഴു​കി​ക്കൊ​ടു​തു. ത​​െൻറ ഉ​യ​ര​ക്കൂ​ടു​ത​ൽ കാ​ര​ണം ഏ​റെ​യും എ​സ്.​യു.​വി​ക​ൾ ക​ഴു​കാ​നു​ള്ള ഒാ​ർ​ഡ​റാ​യി​രു​ന്നു ല​ഭി​ച്ച​ത്. പി​ന്നീ​ട്​ നാ​ഫ്​​തേ തെ​ഹ്​​റാ​നി​ലേ​ക്ക്​ കൂ​ടു​മാ​റി​യ അ​വ​ൻ താ​മ​സ​സൗ​ക​ര്യ​മൊ​ന്നും ല​ഭ്യ​മ​ല്ലാ​ത്ത​തി​നാ​ൽ ദീ​ർ​ഘ​കാ​ലം പ്രാ​ർ​ഥ​നാ മു​റി​യി​ൽ ക​ഴി​ഞ്ഞു​കൂ​ടി. ഇ​തി​നി​ടെ​യി​ലും താ​രം പി​സ ക​ട​യി​ലെ ജോ​ലി വി​ട്ടി​ല്ല. പി​സ വാ​ങ്ങാ​നെ​ത്തി​യ​േ​പ്പാ​ഴാ​ണ്​ കോ​ച്ചി​നു​പോ​ലും താ​ര​ത്തി​​െൻറ ക​ഷ്​​ട​പ്പാ​ടു​ക​ൾ മ​ന​സ്സി​ലാ​യ​ത്. ജീ​വി​ത​ചെ​ല​വും പ​രി​ശീ​ല​ന​വും ഒ​ന്നി​ച്ചു​കൊ​ണ്ടു​പോ​വാ​ൻ തൂ​പ്പു​കാ​ര​​െൻറ വേ​ഷ​വു​മ​ണി​ഞ്ഞു. 

ഇ​തി​നി​ടെ പ​രി​ശീ​ല​ന​ത്തി​നി​ടെ പ​രി​ക്കേ​റ്റു​പ​റ്റി​യ​​തോ​ടെ ക്ല​ബ്​ കൈ​വി​ട്ടു. ഫു​ട്​​ബാ​ൾ ക​രി​യ​ർ അ​വ​സാ​നി​ച്ചെ​ന്ന്​ ക​രു​തി​യ നി​മി​ഷം. എ​ന്നാ​ൽ, ചെ​റു​പ്പ​ക്കാ​ര​നാ​യ മ​നേ​ജ​ർ നാ​ഫ്​​ത്​ ക്ല​ബി​ൽ ചു​മ​ത​ല​യേ​റ്റ​തോ​ടെ റി​സ​യു​ടെ ത​ല​വ​ര മാ​റി. ക്ല​ബ്​ പു​തി​യ ക​രാ​റി​ലെ​ത്തി. കി​ട്ടി​യ അ​വ​സ​രം പ്ര​യോ​ജ​ന​പ്പെ​ടു​ത്തി​യ താ​രം ഇ​റാ​നി​യ​ൻ അ​ണ്ട​ർ-23 ടീ​മി​ൽ ക​യ​റി​പ്പ​റ്റി​യ​തോ​ടെ ത​ല​വ​ര​മാ​റി​ത്തു​ട​ങ്ങി. ക്ല​ബി​​െൻറ ഒ​ന്നാം ന​മ്പ​ർ ഗോ​ളി​യാ​യി. 2015ൽ ​രാ​ജ്യ​ത്തി​​െൻറ ഗോ​ൾ​വ​ല​ക്ക്​ കീ​ഴി​​ലെ പ്ര​ഥ​മ സ്​​ഥാ​നം അ​ലി​റി​സ​യു​ടേ​താ​യി മാ​റി. ലോ​ക​ക​പ്പ്​ യോ​ഗ്യ​ത റൗ​ണ്ടി​ൽ 12 ക്ലീ​ൻ ഷീ​റ്റു​ക​ളു​മാ​യി ടീ​മി​നെ ഫൈ​ന​ൽ റൗ​ണ്ടി​ലെ​ത്തി​ക്കു​ന്ന​തി​ൽ നി​ർ​ണാ​യ​ക പ​ങ്കു​വ​ഹി​ച്ചു. ലോ​കോ​ത്ത​ര നി​ല​വാ​ര​ത്തി​ലു​ള്ള ഗോ​ളി​യാ​യി വ​ള​ർ​ന്ന താ​ര​ത്തി​​െൻറ ലോ​ങ്​ ത്രോ​ക​ൾ റ​ഷ്യ​യു​ടെ ഇ​തി​ഹാ​സ ഗോ​ളി ലെ​വ്​ യാ​ഷി​​െൻറ ക​ളി ശൈ​ലി​യു​മാ​യാ​ണ്​ താ​ര​ത​മ്യം ചെ​യ്യു​ന്ന​ത്. ഇ​ത്ര​യേ​റെ ക​ഷ്​​ട​പ്പെ​ട്ട്​ ഉ​യ​ര​ങ്ങ​ൾ കീ​ഴ​ട​ക്കി​യ താ​രം ഇ​ന്ന്​ പെ​ർ​സ​പോ​ളി​സ്​ ക്ല​ബി​നാ​യി വ​ൻ പ്ര​തി​ഫ​ലം കൈ​പ്പ​റ്റു​ന്ന താ​ര​ങ്ങ​ളി​ൽ ഒ​രാ​ളാ​ണ്.