ക്രിസ്​റ്റ്യാനോ റൊണാൾഡോ: കത്തിത്തീർന്നിട്ടില്ല ആ തീപ്പന്തം

ലയണൽ മെസ്സിക്ക്​ ആറാമത്​ ബാലൺ ഡി ഒാർ പുരസ്​കാരം ലഭിച്ച പശ്ചാത്തലത്തിൽ അതേപുരസ്​കാരം അഞ്ച്​ തവണ നേടിയ ക്രിസ്​റ്റ്യാനോ റൊണാൾഡോയെ നിസ്സാരനാക്കുകയും വില കുറച്ചുകാണുകയും ചെയ്യുന്നത്​ ശരിയാണോ​​. ഫുട്​ബാളിൽ ഒരാൾ ഒന്നാമൻ, മറ്റൊരാൾ രണ്ടാമൻ എന്നൊക്കെ പറയാൻ കഴിയുമോ? അത്ര ചെറുതാണോ ഫുട്​ബാൾ ചരിത്രത്തിൽ ക്രിസ്​റ്റ്യാനോ റൊണാൾഡോ എന്ന പേര്​?

‘‘ഫുട്​ബാൾ ആസ്വാദനം ഒരോരുത്തരുടെയും വ്യക്​തിപരമായ ഇഷ്​ടാനിഷ്​ടങ്ങളുമായി ബന്ധപ്പെട്ടതാണ്​. ചിലർ ക്രിസ്​റ്റ്യ​ാേനായെ ഇഷ്​ടപ്പെടുന്നു, മറ്റു ചിലർ എന്നെയും, അല്ലെങ്കിൽ നെയ്​മറെയോ എംബാപ്പെയെയോ. തങ്ങൾക്ക്​ ഏറ്റവും ഇഷ്​ടമായവരെ തിരഞ്ഞെടുക്കാൻ ആരാധകർക്ക്​ അവകാശമുണ്ട്​.’’ കരിയറിലെ ആറാമത്​ ബലൺ ഡി ഒാർ പുരസ്​കാരം ഏറ്റുവാങ്ങിയ ശേഷം ലയണൽ മെസ്സി മാധ്യമങ്ങളോട്​ പറഞ്ഞതാണിത്​. കളിക്കണക്കുകളോ അലമാരയിലെ കിരീടങ്ങളോ പുരസ്​കാരങ്ങളോ അളന്നാവില്ല ഒരാളും ഒരു താരത്തെയും കൂടെകൂട്ടുന്നത്​​. ചിലർക്ക്​ എപ്പോഴും ഗോൾ അടിച്ചുകൊണ്ടിരിക്കുന്നവരെ ആയിരിക്കാം ഇഷ്​ടം, മറ്റു ചിലർക്ക്​ കളി​ൈ​മതാനങ്ങളിൽ ചടുലമായ ​ഡ്രിബ്ലിങുകളും മനോഹരമായ നീക്കങ്ങളും നടത്തുന്നവരെയാകാം, ചിലർക്ക്​ മികവാർന്ന സെറ്റ്​പീസുകൾ എടുക്കുന്നവരെയാകാം...അങ്ങനെ പലതും. മെസ്സി പറഞ്ഞത്​ പോലെ ഒരോരുരത്തർക്കും ഒരോ കാരണങ്ങൾ കാണും താരങ്ങളെ ഇഷ്​ടപ്പെടാൻ.

മെസ്സിയും റൊണാൾഡോയും എൽക്ലാസിക്കോ മത്സരത്തിനിടെ

നിശ്ചിതദൂരം ആദ്യം ഒാട​ിയെത്തുന്നവരാകും ഒാട്ടമത്സരത്തിൽ ഒന്നാമൻ. ആ ദൂരം അത്രയും വേഗത്തിൽ മറ്റൊരാൾക്കും ഒാടിയെത്താൻ കഴിയാത്തിടത്തോളം അയാൾ തന്നെയാകും വലിയ വേഗക്കാരൻ. 90 മിനുറ്റും അതിലപ്പുറവും കളത്തിൽ നിറഞ്ഞോടുന്നവരാണ് താരങ്ങളെങ്കിലും ഫുട്​ബാൾ പക്ഷേ, ഒരു ഒാട്ടമത്സരമല്ല. അതുകൊണ്ട്​ തന്നെ ​നേടിയ പുരസ്​കാരങ്ങളോ ട്രോഫികളോ അടിച്ച ഗോളുകളോ മാത്രം മുൻനിർത്തി ഫുട്​ബാളിൽ ഒരാൾ ഒന്നാമൻ, മറ്റൊരാൾ രണ്ടാമൻ എന്ന്​ തീർത്ത്​ പറയാനാവില്ല. രണ്ടുപേരും വ്യത്യസ്​ത പൊസിഷനുകളിൽ, വ്യത്യസ്​ത ദൗത്യങ്ങളുമായി ഉജ്ജ്വലമായി കളിച്ചുകൊണ്ടിരിക്കെ വിശേഷിച്ചും. മെസ്സിയാണോ റൊണാൾഡോ ആണോ കേമൻ എന്ന ചർച്ചക്ക്​ ആമുഖം കുറിക്കുകയല്ല ഇവിടെ. മറിച്ച്​, ലയണൽ മെസ്സിക്ക്​ ആറാമത്​ ബാലൺ ഡി ഒാർ പുരസ്​കാരം ലഭിച്ച പശ്ചാത്തലത്തിൽ അതേപുരസ്​കാരം അഞ്ച്​ തവണ നേടിയ ക്രിസ്​റ്റ്യാനോ റൊണാൾഡോയെ നിസ്സാരനാക്കുകയും വില കുറച്ചുകാണുകയും ചെയ്യുന്ന അഭിപ്രായ പ്രകടനങ്ങളോടുള്ള പ്രതികരണം കുറിക്കുക മാത്രമാണ്​ ചെയ്യുന്നത്​.

സീരി എ ​െപ്ലയർ ഒാഫ്​ ദ ഇയർ പുരസ്​കാരവുമായി ക്രിസ്റ്റ്യാനോ

പാരീസിലെ ഷാറ്റലെ തിയറ്ററിൽ ലയണൽ മെസ്സി ബാലൺ ഡി ഒാർ പുരസ്​കാരം ഏറ്റുവാങ്ങിയ അതേദിവസം ​850 കിലോമീറ്റർ അകലെ ഇറ്റലിയിലെ മിലാനിൽ മറ്റൊരു പുരസ്​കാര ദാനചടങ്ങ്​ നടക്കുന്നുണ്ടായിരുന്നു. ഇറ്റാലിയൻ സീരി എയിലെ പോയ സീസണിലെ മികച്ച താരങ്ങൾക്കുള്ള പുരസ്​കാര വിതരണം. 2018-19 സീസണിലെ സീരി എയിലെ മികച്ച താരത്തിനുള്ള പുരസ്​കാരം ഏറ്റുവാങ്ങിയത്​ സാക്ഷാൽ ക്രിസ്​റ്റ്യാനോ റൊണോൾഡോ ആയിരുന്നു. സീസണിലെ സീരി എ ഇലവനിലും അദ്ദേഹം ഇടംനേടുകയുണ്ടായി. ബാലൺ ഡി ഒാറുമായി താരതമ്യപ്പെടുത്തു​േമ്പാൾ ഇൗ നേട്ടം ചെറുതെന്ന്​ തോന്നാമെങ്കിലും ക്രിസ്​റ്റ്യാനോ അത്​ നേടിയ കാലവും സമയവും പരിഗണിച്ചാൽ അതി​​​െൻറ മാറ്റ്​ വ്യക്​തമാകും.

ചരിത്രം ​മാറി നിൽക്കും!
ജന്മനാടായ പോർച്ചുഗലിലെ​ ക്ലബായ സ്​​േപാർട്ടിങിൽനിന്ന്​ അലക്​സ്​ ഫൊർഗൂസ​​​െൻറ മാഞ്ചസ്​റ്റർ യുനൈറ്റഡിലേക്ക്​ ​ക്രിസ്​റ്റ്യാനോ റൊണാൾഡോ​ ചേക്കേറുന്നത്​ ത​​​െൻറ 18ാം വയസ്സിലാണ്​, 2003 ൽ. പിന്നീടുണ്ടായതെല്ലാം ചരിത്രം. ഒാൾഡ്​ട്രാഫോഡിലെ പുൽനാമ്പുകളെയും ഇരമ്പിയാർത്ത ജനസാഗരത്തെയും ഒരുപോലെ കോരിത്തരിപ്പിച്ച്​​ തുടങ്ങിയ ആ പന്തുകളിച്ചന്തം​ ഒന്നരപതിറ്റാണ്ടിനിപ്പുറവും ജനമായിരങ്ങളെ ആവേശപ്പരകോടിയിൽ എത്തിക്കുന്നു. ഫുട്​ബാളിൽ ഒരു താരത്തിന്​ നേടാനാവുന്നതെല്ലാം റൊണോൾഡോ ഇതിനകം സ്വന്തംപേരിലാക്കി. യൂറോപ്പിലെ അഞ്ച്​ മുൻനിര ലീഗുകളിൽ മൂന്നിലും വിത​ച്ചതെല്ലാം പൊന്നാക്കി വിളയിച്ചെടുത്തു അയാൾ. പല ഇതിഹാസ താരങ്ങളെയും പോലെ ലോകകപ്പ്​ കിട്ടാകനിയാണെങ്കിലും ശരാശരിക്കാരായ സഹകളിക്കാരെ ഒപ്പംകൂട്ടി​ രാജ്യത്തിനായി യൂറോ കപ്പും യുവേഫ നാഷൻസ്​ ലീഗും സമ്മാനിച്ചു. ഒരു തവണ യൂറോകപ്പിൽ റണ്ണറപ്പുമായി. അഞ്ച്​ തവണ ഫിഫയുടെ ലോക കളിക്കാരനായി തിരഞ്ഞെടുക്കപ്പെട്ടു. അത്രയും തവണ ബാലൺ ഡി ഒാറും നേടി. കളിച്ച മൂന്ന്​ ലീഗിലും ലീഗ്​ ടൈറ്റിലും ​​​െപ്ലയർ ഒാഫ്​ ദ ഇയർ പുരസ്​കാരവും സ്വന്തം പേരിലാക്കിയ അത്യപൂർവ നേട്ടം. പിന്നെയും എത്രയോ അംഗീകാരങ്ങൾ...

കുട്ടിക്കാലത്ത്​ ടീമിനൊപ്പം റൊണാൾഡോ

പൊതുവെ മുപ്പതിനും നാൽപതിനും ഇടയിലുള്ള യൗവനം ഒരാളുടെ ജീവിതത്തിലെ ഏറ്റവും ചടുലമായ കാലമാണെന്നാണ്​ പറയാറുള്ളത്​. ഫുട്​ബാളിൽ പക്ഷേ, മുപ്പതുകളിൽ ഒരാൾ വയസ്സനാകും! ലോകത്തെ മുൻനിര ക്ലബുകളുടെ ആദ്യ ഇലവൻ നോക്കിയാൽ ഇത്​ കൃത്യമായി മനസ്സിലാകും. 20 കളിൽ പ്രായമുള്ള താരങ്ങളാകും കൂടുതലും. ദേശീയ ടീമുകളുടെ സ്​ഥിതിയും മറിച്ചല്ല. 30 ന്​ മുകളിൽ പ്രായമുള്ള കളിക്കാരുടെ എണ്ണം തുലോം കുറവായിരിക്കും. 35 ന്​ മുകളിലുള്ളവർ അത്യപൂർവവും. ഒരു ഫുട്​ബാൾ കളിക്കാര​​​െൻറ കരിയറിലെ ഏറ്റവും മികച്ച സമയം 22 മുതൽ 27 വയസ്സ്​ വരെയാണ്​ എന്നാണ്​ പറയാറുള്ളത്​. ബുദ്ധിയും വേഗവും കരുത്തുമെല്ലാം ഒരുപോലെ കളിക്കാര​​​െൻറ കാലിൽ വന്നുചേരുന്ന ബെസ്​റ്റ്​ ടൈം. മറഡോണയും പെലെയും യൊഹാൻ ക്രൈഫും ലയണൽ മെസ്സിയും അടക്കം കാൽപന്ത്​ലോകത്തെ ത്രസിപ്പിച്ചുനിർത്തിയ ഇതിഹാസ താരങ്ങളെല്ലാം ഇൗ പ്രായത്തിൽ ഉയരങ്ങളുടെ കൊടുമുടികളിൽ എത്തിയവരാണ്​. റൊണാൾഡോയും അങ്ങനെതന്നെ. ബി.ബി.സി പ്രസിദ്ധീകരിച്ച ഒരു പഠനപ്രകാരം ഒരു ഫുട്​ബാൾ താരത്തി​​​െൻറ കരിയറിലെ പീക്ക്​ ടൈം 27 വയസ്സ്​ ആണ്​​. 29 വരെ അത്​ നീളാം. ​1930 മുതൽ 2010 വരെയുള്ള ലോകകപ്പുകളും അതിൽ കളിച്ച താരങ്ങളുടെ പ്രായവും പഠിച്ചാണ് അവർ​ ഇൗ നിഗമനത്തിൽ എത്തുന്നത്​. എന്നാൽ, ഇൗ കണക്കുകളെയും ധാരണകളെയും അപ്രസക്​തമാക്കുന്ന കരിയറാണ്​ ക്രിസ്​റ്റ്യാനോ റൊണാൾഡോയുടെത്​. ഇൗ വരുന്ന ഫെബ്രുവരി അഞ്ചിന്​ അദ്ദേഹത്തിന്​ 35 വയസ്സ്​ തികയുകയാണ്​.

റയലിനൊപ്പം ചാമ്പ്യൻസ്​ലീഗ്​ കിരീടവുമായി റൊണാൾഡോ

30 വയസ്സിന്​ ശേഷം രണ്ട്​ വീതം ബാലൺ ഡി ഒാർ, ഫിഫ ദി ബെസ്​റ്റ്​, യുവേഫ ഫുട്​ബാളർ ഒാഫ്​ ദ ഇയർ പുരസ്​കാരങ്ങളും മൂന്ന്​ ചാമ്പ്യൻസ്​ ലീഗ്​ ടൈറ്റിലുകളും രാജ്യത്തിനൊപ്പം രണ്ട്​ പ്രധാന കിരീടങ്ങളും റൊണാൾഡോ നേടുകയുണ്ടായി. പി.എഫ്​.എ പോർച്ചുഗീസ്​ ​െപ്ലയർ അവാർഡ്​ 30 വയസ്സിന്​ ശേഷം തുടർച്ചയായി നാല്​ തവണ അദ്ദേഹം നേടുകയുണ്ടായി, 2019 ഉൾപ്പെടെ. ഇൗ മുപ്പത്തിയഞ്ചാം വയസ്സിലും ലോകത്തെ ഏറ്റവും വലിയ വ്യക്​തിഗത പുരസ്​കാരങ്ങളായ ബാലൺ ഡി ഒാർ, ഫിഫ ദി ബെസ്​റ്റ്​, യുവേഫ ഫുട്​ബാളർ ഒാഫ്​ ദ ഇയർ പുരസ്​കാരങ്ങൾക്ക്​ അദ്ദേഹം നോമിനേറ്റ്​ ചെയ്യപ്പെടുകയും മൂന്നാം സ്​ഥാനം കരസ്​ഥമാക്കുകയും ചെയ്​തു. തൊട്ടുമുമ്പത്തെ സീസണിൽ രണ്ടാം സ്​ഥാനത്തായിരുന്നു അദ്ദേഹം. ക്ലബിന്​ വേണ്ടിയും രാജ്യത്തിനു വേണ്ടിയും ഇപ്പോഴും മികച്ച പ്രകടനം കാഴ്​ചവെക്കുന്നുണ്ട്​ ക്രിസ്​റ്റ്യാനോ റൊണാൾഡോ.

ലോക​മെമ്പാടുമുള്ള കാൽപന്താരാധകർ നെഞ്ചിൽ കുടിയിരുത്തിയ ഒ​േട്ടറെ ഇതിഹാസ കാൽപന്ത്​ പ്രതിഭകളുണ്ട്​. പൊലെയും മറഡോണയും യോഹാൻ ക്രൈഫു​ം ബ്രസീലി​​​െൻറ റൊണാൾഡോയും റൊണാൾഡീന്യോയും സിനദിൻ സിദാനുമെല്ലാം അതിൽപെടും. അവരുടെയെല്ലാം 30 വയസ്സിന്​ ശേഷമുള്ള കരിയറുമായി റൊണാൾഡോയുടെ 30 ന്​ ശേഷമുള്ള കരിയറിനെ ഒന്ന്​ താരതമ്യപ്പെടുത്തിയാൽ മാത്രം മതി പ്രായത്തി​​​െൻറ പരിമിതികളെ റൊണാൾഡോ അപ്രസക്​തമാക്കിയത്​ എങ്ങനെ എന്ന്​ മനസ്സിലാക്കാൻ. ഒരു കണക്ക്​ പറയുന്നത്​ 30 വയസ്സിന്​ ശേഷം പെലെയുടെ​ ഗോൾവേട്ടയിൽ 60 ശതമാനത്തി​​​െൻറയും മ​റഡോണയുടെതിൽ 52 ശതമാനത്തി​​​െൻറയും കുറവുണ്ടായി എന്നാണ്​.

രണ്ട്​ ലോകകപ്പും മൂന്ന്​ ഫിഫ ​െപ്ലയർ ഒാഫ്​ ദി ഇയറും രണ്ട്​ ബാലൺ ഡി ഒാറും അടക്കം മിന്നും കരിയർ സ്വന്തമായുള്ള ബ്രസീലിയൻ ഇതിഹാസ താരം റൊണാൾഡോ ത​​​െൻറ മുപ്പത്തിയൊന്നാം വയസ്സിൽ റയൽമാഡ്രിഡ്​ വിട്ട്​ (2006–07) സീരി എയിൽ എ.സി മിലാനൊപ്പമെത്തി​. ആ സീസണിൽ 14 മത്സരങ്ങൾ മാത്രം മിലാനൊപ്പം കളിച്ച റൊണാൾഡോ നേടിയതാക​െട്ട ഏഴ്​ ഗോളുകൾ മാത്രം. തൊട്ടുടുത്ത സീസണിൽ ആറ്​ മത്സരങ്ങൾ മാത്രം കളിച്ച അദ്ദേഹം രണ്ട്​ ഗോളുകളാണ്​ നേടിയത്​. അടുത്ത സീസണിൽ ബ്രസീലിയൻ ക്ലബായ ​േകാറിന്ത്യൻസിൽ എത്തിയ റൊണാൾഡോ ഭേദപ്പെട്ട പ്രകടനം കാഴ്​ചവെച്ചുവെങ്കിലും കളിമികവി​​​െൻറ ഗ്രാഫ്​ താഴോട്ട്​ തന്നെയായിരുന്നു. മാത്രമല്ല, 30 വയസ്സിന്​ ശേഷം ടീമിനൊപ്പമോ സ്വന്തംനിലക്കോ കാര്യമായ ട്രോഫികളോ പുരസ്​കാരങ്ങളോ അദ്ദേഹത്തിന്​ നേടാനായില്ല. 35ാം വയസ്സിൽ അദ്ദേഹം കളംപൂർണമായും വിട്ടു.

റൊണാൾഡോ, സിദാൻ, റൊണാൾഡിന്യോ

റൊണാൾ​ഡീന്യോയുടെ പ്രകടനവും ഇങ്ങ​നയൊക്കെ തന്നെയായിരുന്നു. ബ്രസീലി​​​െൻറ മഞ്ഞക്കുപ്പായത്തിലും ബഴ്​സയിലും പി.എസ്​.ജിയിലുമൊക്കെ റൊണാൾഡീന്യോ വിസ്​മയം തീർത്തത്​ മുപ്പതുകൾക്ക്​ മുമ്പായിരുന്നു. അദ്ദേഹം ഒൗദ്യോഗികമായി കളിമതിയാക്കുന്നത്​ അടുത്തിടെയാണെങ്കിലും യൂറോപ്പിലെ മുഖ്യധാര ലീഗിൽനിന്ന്​ ത​​​െൻറ 31ാം വയസ്സിൽ പടിയിറങ്ങിയിട്ടുണ്ട്​. 2010-11 സീസണിൽ സീരി എയിൽ എ.സി. മിലാനൊപ്പമായിരുന്നു അത്​. ആ വർഷം സീരി എ കിരീടത്തോടെയായിരുന്നു യൂറോപ്പിലെ ടോപ്​ ഫൈവ്​ ലീഗുകളിൽനിന്നുള്ള റൊണാൾഡീന്യോയുടെ പടിയിറക്കം. പിന്നെയും മൂന്ന്​ വർഷം ദേശീയ ടീമിനൊപ്പമുണ്ടായിരുന്നെങ്കിലും 30 വയസ്സിന്​ ശേഷം മഞ്ഞക്കുപ്പായമണിഞ്ഞത്​ എട്ട്​ മത്സരങ്ങളിൽ മാത്രമായിരുന്നു.

34ാം വയസ്സിൽ കളി മതിയാക്കിയ അതുല്യപ്രതിഭയാണ്​ സിനദിൻ സിദാൻ. ഫ്രാൻസിനൊപ്പം ലോകകപ്പ്​ നേടിയതടക്കം സിദാ​​​െൻറ കരിയറിലെ സുവർണകാലം 30ന്​ മുമ്പ്​ തന്നെയായിരുന്നു. മുപ്പതാം വയസ്സിൽ റയൽ മാഡ്രിഡിനൊപ്പം ലാലിഗയും ചാമ്പ്യൻസ്​ലീഗും കരിയറി​​​െൻറ അവസാന വർഷം രാജ്യത്തിനൊപ്പം ലോകകപ്പ്​ റണ്ണറപ്പും അദ്ദേഹം സ്വന്തമാക്കി. 2006 ലോകകപ്പിലെ ഗോൾഡൻ ബാൾ നേട്ടവും എടുത്തുപറയേണ്ടത്​ തന്നെ. എന്നാലും മുപ്പതുകൾക്ക്​ മുമ്പും ശേഷവുമുള്ള സിദാ​​​െൻറ താരതമ്യം ചെയ്​താൽ 30 കൾക്ക്​ ശേഷമുള്ള പ്രകടനത്തി​​​െൻറ തട്ട്​ അൽപം താഴ്​ന്ന്​തന്നെ നിൽക്കും. 30 കൾക്ക്​ ശേഷം കരിയർ കൂടുതൽ ​മെച്ചപ്പെടുത്തിയ കളിക്കാരുമുണ്ട്​. ബെക്കാമും സാവിയും മാൾഡിനിയും കന്നാവരോയുമെല്ലാം അതിൽപെടും. 41ാം വയസ്സിലും കളി തുടരുന്ന ബഫണെയും 38ാം വയസ്സിലും മികവ്​ തുടരുന്ന സ്ലാട്ടൻ ഇബ്രാഹിമോവിച്ചിനെയും മറക്കുന്നുമില്ല. അവരൊന്നും പ​ക്ഷേ, ക്രിസ്​റ്റ്യാനോ റൊണാൾഡോയുടെ പ്രകടനത്തി​​​െൻറ അടുത്തൊന്നുമില്ല എന്നതല്ലേ​ വസ്​തുത.

ഏത്​ കായിക താരത്തെയുമെന്ന പോലെ പ്രായം ക്രിസ്​റ്റ്യനോ റൊണാൾഡോയുടെയും ശാരീരിക-മാനസിക ഘടനകളിൽ വിലങ്ങുകൾ സൃഷ്​ടിക്കുന്നുണ്ടാകാം. അത്​ അദ്ദേഹത്തി​​​െൻറ പ്രകടനത്തെയും ബാധിക്കുന്നുണ്ടാകാം. എന്നാൽ, അതിനെയെല്ലാം സമർഥമായി മറികടക്കാനുള്ള ഇച്ഛാശക്​തി കൈമതുലായി ഉള്ളിടത്തോളം റൊണാൾഡോയെ നമുക്ക്​ എഴുതിതള്ളാനാവില്ല. അഥവാ, ഇൗ ഇതിഹാസത്തിൽനിന്നുള്ള അത്​ഭുതങ്ങൾ ഇനിയും അവസാനിച്ചിട്ടില്ല.

ഗോൾ നേട്ടം ആഘോഷിക്കുന്ന ക്രിസ്റ്റ്യാനോ

കൂടുമാറ്റം വിനയായോ?
2018-19 സീസണി​​​​െൻറ മുന്നോടിയായാണ്​​ ലോകത്തെ അമ്പരപ്പിച്ച ആ കൂടുമാറ്റം നടക്കുന്നത്​. ഹാട്രിക്​ ചാമ്പ്യൻസ്​ ലീഗ്​ കിരീടത്തിളക്കത്തിൽ അടുത്ത സീസണിലേക്ക്​ കടക്കാനിരുന്ന റയൽമാഡ്രിഡിൽനിന്ന്​ ക്രിസ്​റ്റ്യാനോ റൊണാൾഡോ ഇറ്റാലിയൻ ക്ലബായ യുവൻറസിലേക്ക്​ ചേക്കേറിയ വാർത്ത ഏറെക്കുറെ അവിശ്വസനീയമായിരുന്നു. ഒമ്പത്​ വർഷത്തെ റയൽ കരിയറിൽ 450 ഗോളുകൾ അടിച്ചുകൂട്ടുകയും ഒറ്റക്കും ടീമിനൊപ്പവും നേട്ടങ്ങളായ നേട്ടങ്ങളൊക്കെയും കൊയ്​തെടുക്കുകയും ചെയ്​തിരിക്കെയായിരുന്നു ആ മാറ്റം. 150 മില്യൻ യൂറോ ആയിരുന്നു കൈമാറ്റത്തുക. ഉയർന്ന പ്രതിഫലം മോഹിച്ചായിരുന്നില്ല ആ മാറ്റം. റയലുമായി കരാർ നീട്ടിയിരുന്നെങ്കിൽ ലഭിച്ചേക്കാമായിരുന്ന തുകയെക്കാൾ കുറവ്​ തുകക്കാണ്​ അദ്ദേഹം യുവെ ജഴ്​സിയിൽ കളിക്കാനിറങ്ങിയത്​.

ലോകമെമ്പാടുമുള്ള ആരാധകരും ഫുട്​ബാൾ പണ്ഡിതരും ക്രിസ്​റ്റ്യാനോയുടെ ഭാവിയെ കുറിച്ച്​ വലിയ ആശങ്കകൾ പങ്കുവെച്ചെ സന്ദർഭമായിരുന്നു അത്​. മിക്കവാറും കളിക്കാർ ഇൗ പ്രായത്തിൽ നിലവിൽ കളിക്കുന്ന ക്ലബിൽ തന്നെ രണ്ടോ മൂന്നോ വർഷം തുടരാറാണ്​ പതിവ്​. അതും ശരീരം അനുവദിക്കുന്നെങ്കിൽ മാത്രം. അതിനും സാധിക്കുന്നില്ലെങ്കിൽ മാത്രമാണ്​ ക്ലബ്​ വിടാറുള്ളത്​. ​അപ്പോൾ പോലും അധികം ബുദ്ധിമുട്ടില്ലാതെ കളിക്കാൻ കഴിയുന്ന അമേരിക്കയിലെയോ ചൈനയിലേയോ ലീഗുകളിലേക്കാകും മാറുക. സാമ്പത്തികമായും അത്​ ഗുണകരമാണ്​.

എന്നാൽ, ഇത്​ ഇനം വേറെ ആണ്​. ഏറെ ആലോചിച്ച്​ കൈകൊണ്ട തീരുമാനം ആണ്​ യുവൻറസിലേക്കുള്ള മാറ്റം​ എന്ന ഉറച്ച നിലപാടിലായിരുന്നു റോണോ. ത​​​െൻറ പ്രായത്തിലുള്ളവർ സാധാരണ അമേരിക്കയിലെയും ചൈനയിലെയും വമ്പൻ ക്ലബുകളിലേക്ക്​ പോകുന്ന സമയമാണിതെന്നും പുതിയ വെല്ലുവിളികൾ ഏറ്റെടുക്കാനാണ്​ ത​​​െൻറ തീരുമാനമെന്നും തീർത്തുപറഞ്ഞു താരം. ആ വാക്കുകളെ ശരിവെക്കുന്നതായിരുന്നു ഇറ്റലിയിൽ ആദ്യ സീസണിൽ താരത്തി​​​െൻറ പ്രകടനം. യുവൻറസിനായി 43 മത്സരങ്ങളിൽ 28 ഗോളും പത്ത്​ അസിസ്​റ്റും താരം നേടുകയുണ്ടായി, ഒപ്പം കിരീടവും. സീരി എയിൽ 31 മത്സരങ്ങളിൽനിന്ന്​ 21 ഗോളും എട്ട്​ അസിസ്​റ്റും അദ്ദേഹം കണ്ടെത്തി. ചാമ്പ്യൻസ്​ ലീഗിൽ ആറ്​ ഗോളുകളും രണ്ട്​ അസിസ്​റ്റും നേടി. ചാമ്പ്യൻസ്​ ലീഗിൽ അത്​ലറ്റിക്കോ മാഡ്രിഡിനെതിരെ​ ആദ്യ പാദത്തിൽ രണ്ട്​ ഗോളിന്​ പിന്നിട്ട്​ നിന്ന ടീമിനെ അവിശ്വസനീയമായ ഹാട്രിക്​ മികവിൽ ഒറ്റക്ക്​ കരകയറ്റിയ പ്രകടനം അത്രപെട്ടന്നൊന്നും കാൽപന്ത്​ പ്രേമികൾക്ക്​ മറക്കാനാവില്ല.

നിരന്തരം ഗോളുകൾ ക​െണ്ടത്തുന്ന ഒരു സട്രൈക്കറെ സംബന്ധിച്ച്​ അത്ര പ്രതീക്ഷ നൽകുന്ന മണ്ണല്ല ഇറ്റലി എന്ന്​ ഫുട്​ബാളിനെ നിരീക്ഷിക്കുന്ന എല്ലാവർക്കും അറിയാം. ലാലിഗയുടെ ചടുലതയും പ്രീമിയർ ലീഗി​​​െൻറ വേഗവുമൊന്നും ഇറ്റാലിയൻ മൈതാനങ്ങളിൽ നമുക്ക്​ കാണാനാവില്ല. പ്രതിരോധാത്​മക ​ൈ​ശലിയാണ്​ അവരുടെ മുഖമുദ്ര. എങ്ങനെയും ടീമിനായി ഗോളുകൾ കണ്ടെത്തുക എന്നതാണ്​ ക്രിസ്​റ്റ്യാനോയെ പോലുള്ള സ​്​ട്രൈക്കർമാരുടെ മുഖ്യജോലി. അത്​ അത്ര എളുപ്പം നിർവഹിക്കാൻ പറ്റുന്ന ലീഗല്ല സീരി എ.

മാത്രവുമല്ല, ​റയലുമായി താരതമ്യം ചെയ്യു​േമ്പാൾ ടീമെന്ന നിലക്കും യുവൻറസ്​ ഏറെ പിറകിലായിരുന്നു അന്ന്​. റൊണാൾഡോക്ക്​ പന്ത്​ എത്തിക്കുക എന്നതിൽ ഉൗന്നിയായിരുന്നു റയലിൽ സിദാ​​​െൻറ തന്ത്രങ്ങൾ മുഴുക്കെയും. മാഴ്​സലോയും മേ​ാഡ്രിച്ചും ക്രൂസും ബെൻസിമയുമെല്ലാം അക്കാര്യത്തിൽ കോച്ചി​​​െൻറ തന്ത്രങ്ങൾക്കൊപ്പം നിലയുറപ്പിക്കുകയും ചെയ്​തു. ഹാട്രിക്​ ചാമ്പ്യൻസ്​ലീഗിലേക്ക്​ റയലിനെ നയിച്ചത്​ യഥാർഥത്തിൽ ഇൗ തന്ത്രമായിരുന്നു. ആ മൂന്ന്​ വർഷങ്ങളിലായി ചാമ്പ്യൻസ്​ലീഗിൽ റൊണാൾഡോ നേടിയ ഗോളെണ്ണം നോക്കിയാൽ മതി അത്​ മനസ്സിലാകാൻ. 2015-16 ൽ 16 ഗോൾ, 2016-17 ൽ 12 ഗോൾ, 2017-18 ൽ 15 ഗോൾ !

റൊണാൾഡോയും സിദാനും ഒരുമിച്ച്​ പോയതോടെ റയൽ അസ്​ത്രശൂന്യരായത്​ അതുകൊണ്ടാണ്​. ഏത്​ ടീമിനും സാൻറിയാഗോ ബെർണബ്യൂവിൽ വന്ന്​ തോൽപ്പിച്ച്​ പോകാൻ കഴിയുന്ന അത്രയും നിസ്സഹായരായിപ്പോയി റയൽ. സിദാൻ തിരിച്ചെത്തി പുതിയ തന്ത്രങ്ങൾ വിജയകരമായി നടപ്പാക്കി വരുന്നത്​ മറ്റൊരു കാര്യം. റയലിൽ സിദാ​ൻ പയറ്റിയ കളിഅടവുകൾ ആയിരുന്നില്ല യുവൻറസിൽ മസ്സിമില്ലിയാനോ അല്ലഗ്രിയുടെത്​. നിലവിലുള്ള ​​െപ്ലയിങ്​ പാറ്റേണിലേക്ക്​ റൊണാൾഡോയെ കുടിയിരിത്തുക എന്നതിൽ കവിഞ്ഞ്​ ഒരു പദ്ധതിയും അദ്ദേഹത്തിനുണ്ടായിരുന്നില്ല. സീരി എയിലെ ആദ്യ മത്സരങ്ങളിൽ ആ ഇടർച്ച റൊണാൾഡോയുടെ പ്രകടനങ്ങളിൽ കണ്ടതുമാണ്​. ഇൗ സീസണിൽ ചെൽസിയിൽനിന്നെതിയ മാരിയോ സാരിയും റൊ​ണാൾഡോ ഒരു അവിഭാജ്യ ഘടകമല്ലെന്ന ത​​​െൻറ മുൻഗാമിയുടെ നിലപാടിൽ തന്നെയാണെന്ന്​ തോന്നുന്നു. ഇൗ പ്രതികൂല ഘടകങ്ങൾ ഒക്കെയുണ്ടായിട്ടും സീരി എയിലെ പോയ സീസണിലെ മികച്ച താരമായി റൊണാൾഡോ തിരഞ്ഞെടുക്കപ്പെട്ടുവെങ്കിൽ ഉൗഹിക്കാമല്ലോ താരത്തി​​​െൻറ റേഞ്ച്​!

റൊണാൾഡോ ഇൗ സമ്മറിൽ മാഞ്ചസ്​റ്റർ യുനൈറ്റഡിലേക്ക്​ തിരിച്ചുപോകുമെന്ന റൂമറുകൾ ഫുട്​ബാൾ മാധ്യമങ്ങളിൽ ശക്​തമാണ്​. യുവൻറസ്​ അധികൃതർ അത്​ നിഷേധിച്ചിട്ടുണ്ടെങ്കിലും റൊണാൾഡോ ആയത്​കൊണ്ട്​ ഒന്നും ഉറപ്പിച്ച്​ പറയാൻ കഴിയാത്ത സ്​ഥിതിയാണ്​. ത​ന്നെ താനാക്കിയ കളിമുറ്റത്തേക്ക്​ ഒരു തിരിച്ചുപോക്കും അതുവഴിയൊരു തിരിച്ചുവരവും ഒടുവിലൊരു യാത്രാമൊഴിയുമെല്ലാം അദ്ദേഹം ആഗ്രഹിക്കുന്നുണ്ടാകുമോ? അങ്ങനെ സംഭവിച്ചാൽ പഴയ പ്രതാപത്തി​​​െൻറ നിഴലിൽ കഴിയുന്ന യുനൈറ്റഡിന്​ അത്​ വലിയ ഉർജ്ജമാകും, തീർച്ച.

സീരി എ കിരീടവുമായി ക്രിസ്റ്റ്യാനോ

ഒരു നിഴലിലും ഒതുങ്ങില്ല
സാമൂഹിക മാധ്യമങ്ങളിൽ ക്രിസ്​റ്റ്യാനോ വിരോധികൾ പടച്ചുവിടുന്നൊരു കളവ്​ മാത്രമാണ്​ യുവൻറസിൽ താരം പൗലോ ഡിബാലയുടെ നിഴലിൽ ആണെന്നുള്ളത്​. സീരി എയിലെ രണ്ട്​ സീസണുകളെ സത്യസന്ധമായി വിലയിരുത്തുന്ന ആർക്കും അത്​ അംഗീകരിക്കാനാവില്ല. 2015 മുതൽ യുവൻറസിനൊപ്പമുള്ള താരമാണ്​ ഡിബാല. വർഷങ്ങളായി കൂടെകളിക്കുന്ന സഹതാരങ്ങളുമായുള്ള ഇഴയടുപ്പം ഡിബാലക്ക്​​ ചെറിയൊരു മേൽകൈ സ്വാഭാവികമായും സമ്മാനിക്കും. എന്നിട്ടുപോലും കളിമികവിൽ കഴിഞ്ഞ സീസണിൽ റൊണാൾഡോയുടെ അടുത്തെങ്ങുമുണ്ടായിരുന്നില്ല ഡിബാല. കഴിഞ്ഞ സീസണിൽ പാടെ നിറംമങ്ങുകയും അവസരങ്ങൾ ഏറെ നഷ്​ടപ്പെടുകയും ചെയ്​ത താരം ഇൗ സീസണിൽ പഴയ വീര്യം വീണ്ടെടുത്തു എന്നത്​ സത്യമാണ്​. പഴയ സഹതാരം ഗോൺസാലോ ഹി​ൈഗ്വ​​​െൻറ തിരിച്ചുവരവും ഇരുവരുമൊത്തുള്ള കോമ്പിനേഷനും അതിൽ വലിയൊരു ഘടകമാണ്​.

സബസ്​റ്റിട്ട്യൂട്ട്​ ചെയ്യപ്പെടുന്ന റൊണാൾഡോ

വിമർശകർ ആരോപിക്കുന്ന പോലെ ഇൗ സീസണിൽ അത്രമോശം പ്രകടനവുമല്ല റൊണാൾഡോയുടെത്​. ക്ലബിനായി 16 മത്സരങ്ങളിൽനിന്ന്​ ഒരു അസിസ്​റ്റും ഏഴ്​ ഗോളുകളും താരം കണ്ടെത്തിയിട്ടുണ്ട്​. ഭേദപ്പെട്ട പ്രകടനം കാഴ്​ചവെച്ചിട്ടും ലോക്​മേറ്റീവ്​ മോസ്​കോക്കെതിരായ ചാമ്പ്യൻസ്​ലീഗ്​ മത്സരത്തിലും സീരി എയിലെ മിലാനെതിരായ മത്സരത്തിലും താരത്തെ സബ്​സ്​റ്റിട്യൂട്ട്​ ചെയ്യുകയുണ്ടായി സാരി. ഇതിൽ ആദ്യ മത്സരത്തിൽ ആദ്യ ഗോൾ പിറന്നത്​ 30 വാര അകലെനിന്ന്​ റൊണാൾഡോ എടുത്ത ഫ്രീകിക്കിൽനിന്നായിരുന്നു. സാ​േങ്കതികമായി ആ​ ഗോളിന്​ ഉടമ സഹതാരം ആരോൺ റംസി ആണെങ്കിലും കളി കണ്ടവർ അത്​ അംഗീകരിച്ച്​തരണമെന്നില്ല. പോസ്​റ്റിലേക്ക്​ സ്വാഭാവികമായും കടന്നുകയറിയ ആ പന്തിൽ റംസി വെറുതെ കാൽവെക്കുകയായിരുന്നു. രണ്ട്​ മത്സരത്തിലും റൊണാൾഡോ കളംവിട്ട ശേഷം ടീം വിജയഗോൾ നേടിയതാണ്​ വിമർശകരെ ഹരംകൊള്ളിക്കുന്നത്​. കാൽമുട്ടിലെ പരിക്ക്​ റൊണാൾഡോയെ ബുദ്ധിമുട്ടിക്കു​ന്നുണ്ടെന്നതാണ്​ പിൻവലിക്കലിനുള്ള സാരിയുടെ വിശദീകരണം. എന്നാൽ, ദിവസങ്ങൾക്കകം ദേശീയ കളിക്കുപ്പായത്തിൽ ലിത്വാനിയക്കെതിരെ ഹാട്രിക്​ നേടിയാണ്​ റൊണാൾഡോ അതിന്​ മറുപടി നൽകിയത്​.

റൊണാൾഡോ സിദാനൊപ്പം

ഇതിന്​ ഒരു മറുവശം കൂടിയുണ്ട്​. റയലിൽ ആയിരുന്നപ്പോഴും ചെറിയ പരിക്കുകളെ വകവെക്കാതെ കളത്തിലിറങ്ങുന്ന പ്രകൃതക്കാരനായിരുന്നു റൊണാൾഡോ. എന്നാൽ, പലപ്പോഴും സിദാൻ അതിന്​ തടയിട്ടു. അപ്രധാന മത്സരങ്ങളിൽ താരത്തിന്​ നിർബന്ധപൂർവം വി​ശ്രമം നൽകി നിർണായക മത്സരങ്ങളിലേക്ക്​ ഉർജ്ജം സംഭരിക്കുകയായിരുന്നു സിദാൻ. അത്​ വിജയകരവുമായിരുന്നു. അതുതന്നെയാകും സാരിയുടെയും മനസ്സിൽ. സീരി എയിൽ നിലവിൽ ഇൻറർ മിലാൻ യുവൻറസി​​​െൻറ കിരീടം നിലനിർത്താനുള്ള മോഹങ്ങൾക്ക്​ വലിയ വെല്ലുവിളി തീർക്കുന്നുണ്ട്​. നിലവിൽ യുവൻറസിനെക്കാൾ ഒരു പോയിൻറ്​ മുന്നിലാണ്​ ഇൻറർ. അതുകൊണ്ട്​ തന്നെ ലീഗിലെ ഇനിയുള്ള ഒ​േരാ മത്സരവും ടീമിന്​ നിർണായകമാണ്​. ഇതെല്ലാം മുൻകൂട്ടി കണ്ട്​കൂടിയാകും മൗരിയോ സാരി ഇങ്ങനെയുള്ള തീരുമാനങ്ങൾ എടുത്തിട്ടുണ്ടാവുക. ചാമ്പ്യൻസ്​ലീഗിലും അടുത്ത ആഴ്​ചവരുന്ന സൂപ്പർകോപ്പ ഇറ്റാലിയാന കലാശപ്പോരിലും റൊണാൾഡോ​യെ അദ്ദേഹം കൃത്യമായി ഉപയോഗിക്കുമെന്ന്​ തന്നെ നമുക്ക്​ പ്രതീക്ഷിക്കാം.

യൂറോ യോഗ്യത മത്സരത്തിൽ ലിത്വാനിയക്കെതിരായ ഹാട്രിക്​ പ്രകടനത്തിൽനിന്ന്​

മിന്നുന്ന ദേശീയ കളിക്കുപ്പായം
ക്ലബിനുവേണ്ടിയുള്ള പ്രകടനത്തേക്കാൾ മികച്ചതാണ്​ ഇൗ സീസണിൽ രാജ്യത്തിന്​ വേണ്ടിയുള്ള അദ്ദേഹത്തി​​​െൻറ പ്രകടനം. യൂറോ യോഗ്യത മത്സരങ്ങളിൽ എട്ട്​ മത്സരങ്ങളിൽനിന്ന്​ 11 ഗോളുകളാണ്​ അദ്ദേഹം അടിച്ചുകൂട്ടിയത്​. കഴിഞ്ഞ സീസണിൽ പ്രഥമ യുവേഫ നാഷൻസ്​ ലീഗിൽ പോർച്ചുഗലി​നെ ചാമ്പ്യൻമാരാക്കുന്നതിൽ റൊണാൾഡോയുടെ പങ്ക്​ അതിനിർണായകമായിരുന്നു. ലീഗിലെ അവസാന രണ്ട്​ നോക്കൗട്ട്​ മത്സരങ്ങളേ താരം കളിച്ചതുള്ളൂ എങ്കിലും രണ്ടിലും ടീമിനെ വിജയിപ്പിക്കാൻ അദ്ദേഹം അത്യധ്വാനം ചെയ്​തു. സെമി ഫൈനലിൽ സ്വിറ്റ്​സ്വർലാൻഡിനെതിരെ നേടിയ ഹാട്രിക്​ മുമ്പ്​ ചാമ്പ്യൻസ്​ലീഗിൽ അത്​ലറ്റിക്കോക്കെതിരെ നേടിയ ഹാട്രിക്കിനെ ഒാർമിപ്പിക്കുന്നതായിരുന്നു.

സീസണിൽ രാജ്യത്തിന്​ വേണ്ടിയും ക്ലബിന്​ വേണ്ടിയുമുള്ള ബാക്കി മത്സരങ്ങൾ റൊണാൾഡോയുടെ കരിയറിനെ യഥാർഥത്തിൽ നിശ്ചയിക്കും എന്ന്​ പറയാം. കാരണം, ജൂണിൽ നടക്കുന്ന യൂറോകപ്പ്​ പോർചുഗൽ ടീമിനെ സംബന്ധിച്ച്​ അഗ്​നിപരീക്ഷയാണ്​. ഗ്രൂപ്പ്​ എഫിൽ ലോകചാമ്പ്യൻമാരായ ​ഫ്രാൻസും ജർമനിയും എതിരാളികളായുണ്ട്​. ​േപ്ല ഒാഫ്​ വഴി എത്തുന്ന നാലാമത്തെ ടീമും നിസ്സാരക്കാരായിരിക്കില്ല. ഗ്രൂപ്പിൽനിന്ന്​ നോക്കൗട്ട്​ സ്​റ്റേജിലേക്ക്​ എത്തുക എന്നത്​ തന്നെ നിലവിലെ ചാമ്പ്യൻമാർക്ക്​ അത്ര എളുപ്പല്ല. സീരി എയിലെയും ചാമ്പ്യൻസ്​ലീഗിലെയും വെല്ലുവിളികൾ നേരത്തെ സൂചിപ്പിച്ചുവല്ലോ. പക്ഷേ, റൊണാൾഡോയുടെ കഴിഞ്ഞ ഒന്നരപതിറ്റാണ്ട്​ നീണ്ട കരിയർ എടുത്തുനോക്കിയാൽ ഇൗ വെല്ലുവിളികളെയെല്ലാം അദ്ദേഹം അനായാസം മറികടക്കുമെന്ന്​ നിസ്സംശയം പറയാം. കാരണം വിജയം മാത്രമാണ്​ അയാളുടെ മുന്നിലുള്ളത്​.

‘‘വിജയം ആകസ്​മികമായി സംഭവിക്കുന്നതല്ല, പൊരുതി നേടിയെടുക്കുന്നതാണ്’’​ എന്നതാണ്​ അദ്ദേഹത്തി​​​െൻറ ആപ്​തവാക്യം. ലഭിക്കുന്ന പ്രതിഫലത്തുകയിൽ നല്ലൊരു പങ്ക്​ അദ്ദേഹം ഇപ്പോഴും ചിലവഴിക്കുന്നത്​ ഫിറ്റ്​നസ്​ നിലനിർത്താനാണ്​. പ്രായം കൂടുന്തോറും പൊരുതാനുള്ള മനസ്സ്​ കൂടിക്കൂടി വരുന്ന ഒന്നാന്തരം പോരാളി. അങ്ങനെയുള്ള ഒരാൾ, ഏതാനും മത്സരങ്ങളിൽ നിറംമങ്ങു​േമ്പാഴേക്ക്​ കരിയർ അവസാനിച്ചു, വിരമിക്കാറായി എന്നൊക്കെ പറയുന്നതിൽ ഒരടിസ്​ഥാനവുമില്ല. അടുത്ത തവണയും ഫിഫ ദ ബെസ്​റ്റ്​, ബാലൺ ഡി ഒാർ ചുരുക്കപ്പട്ടികകളിൽ ക്രിസ്​റ്റ്യാനോ റൊണാൾഡോ എന്ന പേരുണ്ടാകും. അതെ, ഇൗ പന്തം കത്തിത്തീർന്നിട്ടില്ല.