ഇന്ത്യയുടെ മുഖശ്രീ 

ഏറെ നാളത്തെ കാത്തിരിപ്പിന്​ വിരാമമിട്ട്​ ബാഡ്​മിൻറൺ സിംഗിൾസിൽ​ ഇന്ത്യൻ പുരുഷ താരോദയം. ഞായറാഴ്​ച സിഡ്​നിയിൽ നടന്ന ആസ്​ട്രേലിയൻ ഒാപ്പണിൽ ഒളിമ്പിക്​ ചാമ്പ്യൻ ചൈനയുടെ ചെങ്​ ലോങ്ങിനെ നേരിട്ടുള്ള സെറ്റുകൾക്ക്​ കീഴടക്കി ശ്രീകാന്ത്​ കിഡംബിയെന്ന ​ആന്ധ്രപ്രദേശുകാരൻ ഇന്ത്യൻ കായിക ​േ​പ്രമികൾക്ക്​ സമ്മാനിച്ചത്​ എക്കാലത്തും ഒാർത്തുവെക്കാവുന്ന ഒരു സുന്ദര മുഹൂർത്തം. 

ഫൈനൽ ബെർത്ത്​ വരെ ആഞ്ഞുകളിച്ച്​ അവസാനം ചൈനീസ്​ ഗർജനത്തിന്​ മുമ്പിൽ പിടഞ്ഞുവീഴുന്ന ഇന്ത്യൻ പുരുഷ താരങ്ങളുടെ ദു:സ്വപ്​നത്തിന്​ കൂടി ഇതോടെ അറുതിയായെന്ന്​ കരുതാം. കാരണം ബാഡ്​മിൻറൺ ചാമ്പ്യൻഷിപ്പുകളെ അടക്കി വാണ ​ ചൈനീസ്​ ആധിപത്യത്തെ ഒറ്റക്കുതിപ്പ്​ ​െകാണ്ടാണ്​ ശ്രീകാന്ത്​ നിഷപ്രഭമാക്കിയത്​. കളിയിലുടനീളം വ്യക്​തമായ ആധിപത്യമുറപ്പിച്ച ഇന്ത്യൻ താരം​ കൃത്യമായ ലക്ഷ്യങ്ങളോടെയായിരുന്നു മത്സരിച്ചിരുന്നതെന്ന്​ കളി വീക്ഷിച്ചാൽ വ്യക്​തമാകും.  

കായിക ബലം കൊണ്ട്​ എതിരാളി​കളെ തളർത്തി വിജയമുറപ്പിക്കുന്ന ശൈലിയാണ്​ ചൈനീസ്​ താരങ്ങളുടെത്​. പലപ്പോഴും ആ കരുത്തിന്​ മുമ്പിൽ പിടിച്ചു നിൽക്കാൻ ഇന്ത്യൻ താരങ്ങൾക്ക്​ കഴിയാറില്ല. എന്നാൽ ഇന്നലെ കളിയുടെ ആരംഭം മുതൽ അവസാനം വരെ ശാരീകമായി ഇന്ത്യൻ താരം ആധിപത്യമുറപ്പിച്ചിരുന്നു. ഒരു ഘട്ടത്തിൽ പോലും തളർച്ച ബാധിക്കാതെ ഉർജം സംഭരിച്ച്​ വെക്കാൻ ഇന്തോനേഷ്യൻ കോച്ച്​ മുൽയോ ഹന്തോയോനൽകിയ ഉപദേശം ​ശ്രീകാന്ത്​മനസാവരിച്ചിരുന്നു.

ആദ്യ സെറ്റ്​ 22^20ന്​ സ്വന്തമാക്കു​േമ്പാൾ ആ മുഖത്തിന്​ ഫൈനൽ മത്സരത്തി​െൻ യാതൊരുവിധ ആശങ്കകളും അലട്ടിയിരുന്നില്ലെന്ന്​ വ്യക്​തമാണ്​. 2017 ജൂണിൽ ചൈനീസ്​ ഒാപ്പൺ സൂപ്പർ സീരീസ്​ പ്രീമിയർ ലീഗിൽ ലോക ചാമ്പ്യൻ ചൈനയുടെ ലിൻ ഡാനെ പരാജയപ്പെടുത്തിക്കൊണ്ടാണ്​ ശ്രീകാന്ത്​ ത​​​െൻറ വരവറിയിച്ചത്​. തൊട്ടുപിന്നാലെ ഇന്തോനേഷ്യൻ ഒാപ്പൺ ചാമ്പ്യൻഷിപ്പിൽ ജപ്പാൻ താരം കുസുമാസ സകായിയെ പരാജയപ്പെടുത്തി ചാമ്പ്യൻ പട്ടം അണിഞ്ഞതോടെ ഇന്ത്യയുടെ പുരുഷ താരോദയത്തിനുള്ള തയ്യാറെടുപ്പിലായിരുന്നു ശ്രീകാന്ത്​. 

ഇൗ വർഷം ആദ്യത്തിൽ സിംഗപ്പൂർ സൂപ്പർ സീരീസിൽ ചരിത്രത്തിൽ ആദ്യമായി രണ്ട്​ ഇന്ത്യൻ താരങ്ങൾ ഫൈനലിൽ ഏറ്റുമുട്ടുന്ന കാഴ്​ചയും നമ്മൾ കണ്ടുകഴിഞ്ഞു. ​​ശ്രീകാന്ത്​ കിഡംബിയും സായി പ്രണീതും ഏറ്റുമുട്ടിയ മത്സരത്തിൽ സായി പ്രണീത്​ ജേതാവായെങ്കിലും ​മുൻ ലോക ഒന്നാം നമ്പർ താരവും ലോക ചാമ്പ്യനുമായിരുന്നു ഇന്തോനേഷ്യയുടെ തൗഫീഖ്​ ഹിദായത്തിനെ പരിശീലിപ്പിച്ചിരുന്ന കോച്ച്​ മുൽയോ ഹന്തോയോയുടെ പരിശീലന കളരിയിൽ ​​ശ്രീകാന്ത്​ ത​​​െൻറ ആയുധം മൂർച്ച കൂട്ടുകയായിരുന്നു. 

ലോക ചാമ്പ്യൻ ലിൻഡാ​​​െൻറ പിൻഗാമിയായി അറിയപ്പെടുന്ന ചെങ്​ ലോങിനെ വരിഞ്ഞുമുറുക്കാനുള്ള ആയുധം ത​​​െൻറ ആവനാഴിയിൽ കരുതിവെച്ചായിരുന്നു ശ്രീകാന്ത്​ കളിക്കളത്തിൽ ഇറങ്ങിയത്​. ലോങ​്​ഷോട്ടുകൾ ഏറെ കളിച്ച്​ എതിരാളിക്ക്​ ക്ഷീണം വരുത്തുന്ന ശൈലിയാണ്​ ചെങ്​ലോങ്ങി​​​െൻറത്​. അതുകൊണ്ട്​ തന്നെ അതിന്​ കൂടുതൽ അവസരം നൽകാതെ നോ മിസ്​റ്റേക്ക്​ ഫസ്​റ്റ്​ ടൈം ഫിനിഷിങ്​ എന്ന തന്ത്രമായിരുന്നു ശ്രീകാന്ത്​ പയറ്റിയത്​. 

പിഴവുകൾ ഇല്ലാതെ കിട്ടുന്ന ആദ്യ അവസരത്തിൽ തന്നെ പോയിൻറ്​ കരസ്​ഥമാക്കാൻ ശ്രീകാന്ത്​ കാണിച്ച വ്യഗ്രത തന്നെയാണ്​ ചെങ്​ ലോങ്ങി​​​െൻറ താളം തെറ്റിച്ചത്​. ആദ്യ സെറ്റിൽ ശക്​തമായ തിരിച്ചു വന്ന ചെങ്​ലോങ്​ 20^22നാണ്​ കീഴടങ്ങിയത്​. എന്നാൽ രണ്ടാമത്തെ സെറ്റിൽ ശ്രീകാന്ത്​ വ്യക്​തമായ ആധിപത്യമുറപ്പിച്ചായിരുന്നു കളി മുന്നോട്ടു കൊണ്ടുപോയത്​. കൂടുതൽ ​ഷോട്ടുകൾ ഉയർത്തി അടിക്കാൻ അവസരം നൽകാതെ കളിച്ച ശ്രീകാന്ത്​ ശൈലിക്കു മുമ്പിൽ അവസാന പന്ത്​ കോർട്ടിന്​ പുറത്തേക്ക്​ അടിച്ചാണ്​ ചെങ്​ ത​​​െൻറ പരാജയം സമ്മതിച്ചത്​. 

​ഇന്ത്യയിലെ മികച്ച ബാഡ്​മി​​​െൻറൺ പരിശീലന കളരിയായ ഹൈദരാബാദിലെ ഗോപീചന്ദ്​ ബാഡ്​മി​​​െൻറൺ അകാദമിയിൽ നിന്ന്​ തന്നെയാണ്​ ശ്രീകാന്തി​​​െൻറയും വരവ്​. ആന്ധ്രപ്രദേശിൽ നിന്നുള്ള കർഷക കുടുംബത്തിൽ ജനിച്ച ശ്രീകാന്ത്​ നമ്മൽവാർ കിഡംബിയിലെ കായിക താരത്തെ മൂർച്ച കൂട്ടി​യതി​​​െൻറ ക്രഡിറ്റ്​ ഇന്തോനേഷ്യൻ കോച്ച്​ മുൽയോ ഹന്തോയോക്കുള്ളതാണ്​. പുരുഷ താരങ്ങളെ വകഞ്ഞു മാറ്റി സൈനയേയും സിന്ധുവിനെയും പോലുള്ള താരങ്ങൾ മികച്ച പ്രകടനം കാഴ്​ച വെക്കാൻതുടങ്ങിയതോടെ ഇന്ത്യൻ കോച്ച്​ ഗോപീചന്ദി​​​െൻറ ശ്രദ്ധ അവരിലേക്ക്​ തിരിഞ്ഞു. 

അപ്രതീക്ഷിതമായാണ്​ ഇന്തോനേഷ്യൻ കോച്ചിനെ ഗോപീചന്ദ്​ കണ്ടുമുട്ടുന്നത്​. അത്​ പക്ഷെ മറ്റൊരു വഴിത്തിരിവിന്​ കളമൊരുങ്ങുകയും ചെയ്​തു. പുരുഷ സിംഗിൾസ്​ താരങ്ങളെ  കോച്ച്​ മുൽയോ ഹന്തോയോ ഏറ്റെടുത്തതോടെ കളിയുടെ ഗതി മാറിത്തുടങ്ങി. താരങ്ങൾക്ക്​ തന്ത്രങ്ങൾ പറഞ്ഞു കൊടുക്കുന്നതിന്​ പകരം ശാരീരികക്ഷമത​ കളിയുടെ ആദ്യാവസാനം വരെ നിലനിർത്തുകയെന്നതിനാണ്​ ഹന്തോയോ മുൻഗണന നൽകിയത്​. ആ തന്ത്രമാണ്​ കിഡംബിയെ വിജയ രഥത്തിലേക്കെത്തിച്ചതും. ഹന്തോയോയുടെ പരിശീലനത്തിന്​ കീഴിൽ ഇൗ വർഷം നടന്ന ആറ്​ ലോക ബാഡ്​മിൻറൺ സീരീസ്​ ചാമ്പ്യൻഷിപ്പുകളിൽ മൂന്നും നേടിയത്​ ഇന്ത്യയാണെന്നതും ഇൗ അവസരത്തിൽ ശ്രദ്ധേയമാണ്​. അവസരത്തിൽ ശ്രദ്ധേയമാണ്​.