ധോണി കളിക്കാൻ തുടങ്ങിയത്​​ ആരോടും ചോദിച്ചിട്ടല്ല; ആർക്കാണ്​ വിരമിക്കണമെന്ന്​ നിർബന്ധം ?

ന്യൂഡൽഹി: ഇൗ മാസം ഏഴിന്​ ഇന്ത്യൻ ക്രിക്കറ്റ്​ ടീമി​​െൻറ എക്കാലത്തേയും മികച്ച നായകൻമാരിൽ ഒരാളായ മഹേന്ദ്ര സിങ്​ ധോണിക്ക്​ 39 വയസ്​ തികഞ്ഞു​. പൊതുവേ ധോണിയുടെ വിമർശകനായി അറിയപ്പെടുന്ന മുൻ ഇന്ത്യൻ താരം ഗൗതം ഗംഭീർ അദ്ദേഹത്തെ കുറിച്ച്​ നടത്തിയ പ്രസ്​താവനയാണ്​ ഇപ്പോൾ ക്രിക്കറ്റ്​ പ്രേമികൾക്കിടയിൽ ചർച്ചയാവുന്നത്​. കളിക്കാനുള്ള ശാരീരിക ക്ഷമതയുണ്ടെന്നും ഇന്ത്യൻ ടീമിന്​ വിജയങ്ങൾ സമ്മാനിക്കാൻ സാധിക്കുമെന്നും ധോണിക്ക്​ തോന്നുന്നിടത്തോളം കാലം താരത്തിന്​ ടീമിൽ തുടരാമെന്ന്​ ഗംഭീർ പറഞ്ഞു. സ്റ്റാർ സ്​പോർട്​സിൽ ക്രിക്കറ്റ്​ കണക്​ടഡ്​ എന്ന പരിപാടിയിൽ പ​െങ്കടുത്ത്​ സംസാരിക്കുകയായിരുന്ന ഗംഭീർ.

‘ധോണി പന്ത്​ നന്നായി അടിച്ചുപറത്തുന്നുണ്ടെങ്കിൽ, വളരെ മികച്ച ഫോമിലാണെങ്കിൽ, അദ്ദേഹം കളി ആസ്വദിക്കുന്നുണ്ടെങ്കിൽ അതോടൊപ്പം ആറാമനും ഏഴാമനുമായി ഇറങ്ങി രാജ്യത്തിന്​ വേണ്ടി കളി ജയിപ്പിക്കാൻ കഴിയുമെന്ന്​ ധോണിക്ക്​ ഇപ്പോഴും തോന്നുന്നുണ്ടെങ്കിൽ, അദ്ദേഹം മൈതാനത്തേക്ക്​ തിരിച്ചുവരണമെന്ന്​ ഗംഭീർ പറഞ്ഞു. 

അദ്ദേഹം മികച്ച ഫോമിലും കായിക ക്ഷമതയിലുമാണെങ്കിൽ കളി തുടരണം. അത്തരം സാഹചര്യത്തിൽ ആർക്കും ഒരാളെ വിരമിക്കാനായി നിർബന്ധിക്കാൻ സാധിക്കില്ല. ധോണിയെപോലുള്ള താരങ്ങളിൽ വിദഗ്​ധൻമാർക്ക്​ പ്രായം ചൂണ്ടിക്കാട്ടി സമ്മർദ്ദം ചെലുത്താൻ സാധിച്ചേക്കാം. എന്നാൽ അതെല്ലാം വ്യക്​തിപരമായ തീരുമാനമാണ്​. അദ്ദേഹം കളി തുടങ്ങിയതും ആരോടും ചോദിക്കാതെ സ്വന്തം തീരുമാനപ്രകാരമാണ്​. -ഗംഭീർ കൂട്ടിച്ചേർത്തു.

കഴിഞ്ഞ ലോകകപ്പ്​ സെമി ഫൈനനലിൽ ന്യൂസീലൻഡിനോടേറ്റ പരാജയത്തിന്​ ശേഷം ധോണി ഇന്ത്യൻ ജഴ്​സി അണിഞ്ഞിട്ടില്ല. 2007 മുതൽ 2016 വരെ പരിമിത ഒാവർ ഫോർമാറ്റുകളിലും 2008 മുതൽ 2014 വരെ ടെസ്റ്റ്​ ഫോർമാറ്റിലും അദ്ദേഹം ഇന്ത്യൻ ടീമിനെ നയിച്ചു. ക്രിക്കറ്റ്​ ചരിത്രത്തിൽ എല്ലാ ​െഎ.സി.സി ട്രോഫികളും നേടിയ ഇന്ത്യയിലെ ഏക ക്യാപ്റ്റൻ എന്ന റെക്കോർഡും ധോണിക്ക്​ മാത്രമാണ്​.