ഒ​ളി​മ്പ്യ​നെ സ​മ്മാ​നി​ച്ച അ​മ്മ

വ​യ​നാ​ട്​ തൃ​ശ്ശി​ലേ​രി​യി​ലെ വ​യ​ല​രി​കെ​യു​ള്ള കൊ​ച്ചു​വീ​ട്ടി​ൽ​നി​ന്ന് റി​യോ ഒ​ളി​മ്പി​ക്സും ക​ട​ന്ന് നാ​ടിെൻറ അ​ഭി​മാ​ന​മാ​യി കു​തി​ക്കു​ന്ന ഒ.​പി. ജെ​യ്ഷ​യെ​ന്ന ഓ​ട്ട​ക്കാ​രി​യെ മാ​ത്ര​മേ രാ​ജ്യ​മ​റി​യൂ. ഇ​ല്ലാ​യ്മ​യു​ടെ വ​റ​ച​ട്ടി​യി​ൽ​നി​ന്ന് ആ ​പൊ​ൻ താ​ര​ത്തെ ഉൗ​തി​ക്കാ​ച്ചി​യെ​ടു​ത്ത മ​റ്റൊ​രു വ​നി​ത​യെ നാ​ട​റി​യി​ല്ല. അം​ഗീ​കാ​ര​ങ്ങ​ൾ തേ​ടി​യെ​ത്തി​യി​ട്ടു​മി​ല്ല. ശ്രീ​ദേ​വി, ഒ​ളി​മ്പ്യ​ൻ ഒ.​പി. ജെ​യ്ഷ​യു​ടെ അ​മ്മ.

ഒ​രു അ​പ​ക​ട​ത്തി​ൽ​പെ​ട്ട് അ​ച്ഛ​ൻ പി.​കെ. വേ​ണു​ഗോ​പാ​ൽ കി​ട​പ്പി​ലാ​വു​മ്പോ​ൾ ജെ​യ്ഷ​ക്ക് അ​ഞ്ചു വ​യ​സ്സു മാ​ത്ര​മാ​യി​രു​ന്നു പ്രാ​യം. ജെ​യ്ഷ മാ​ത്ര​മ​ല്ല, അ​വ​ളു​ടെ ചേ​ച്ചി​മാ​രാ​യ മ​റ്റ് മൂ​ന്നു പെ​ൺ​കു​ട്ടി​ക​ളു​ടെ ഭാ​വി​യും കി​ട​പ്പി​ലാ​യ ഭ​ർ​ത്താ​വിെൻറ ചി​കി​ത്സ​യു​മെ​ല്ലാം ശ്രീ​ദേ​വി​യി​ലാ​യി​രു​ന്നു. അ​ര​വ​യ​ർ നി​റ​ക്കാ​ൻ നി​വൃ​ത്തി​യി​ല്ലാ​ത്ത കാ​ല​ത്ത് ഗൃ​ഹ​നാ​ഥ​ൻ​കൂ​ടി അ​വ​ശ​നാ​യ​പ്പോ​ൾ ആ ​അ​മ്മ പ​ക​ച്ചു​പോ​യി​ല്ല.  50 സെൻറ് ഭൂ​മി​യാ​യി​രു​ന്നു ആ​കെ​യു​ണ്ടാ​യി​രു​ന്ന​ത്.

പ​ക്ഷേ, പ​കു​തി​യോ​ളം പാ​റ മാ​ത്ര​മു​ള്ള ആ ​മ​ണ്ണി​ൽ​നി​ന്ന്​ ജീ​വി​ക്കാ​നു​ള്ള​തൊ​ന്നും കി​ട്ടു​മാ​യി​രു​ന്നി​ല്ല. ഒ​രു പ​ശു​വു​ള്ള​താ​യി​രു​ന്നു പ​ട്ടി​ണി​യോ​ടു പ​ട​വെ​ട്ടാ​ൻ മു​ന്നി​ലു​ള്ള ഏ​ക മാ​ർ​ഗം. അ​ച്ഛ​െൻറ മ​രു​ന്നി​നും ആ​റു പേ​രു​ടെ ജീ​വി​ത​ച്ചെ​ല​വി​നു​മൊ​ന്നും അ​ത്​ തി​ക​ഞ്ഞി​രു​ന്നി​ല്ല. പ​ല​നേ​ര​വും അ​വ​ർ പ​ട്ടി​ണി കി​ട​ന്നു. ഉ​ള്ള​ത് മ​ക്ക​ളു​ടെ വി​ശ​പ്പ​ക​റ്റാ​ൻ മാ​റ്റി​വെ​ക്കു​മ്പോ​ൾ ആ ​അ​മ്മ​ക്ക്​ പ​ട്ടി​ണി​യാ​യി​രു​ന്നു ബാ​ക്കി.

പ​ശു​വി​നെ മേ​യ്ക്ക​ലും പാ​ൽ​പാ​ത്ര​മേ​റ്റി​യു​ള്ള അ​ര​ക്കി​ലോ​മീ​റ്റ​ർ ന​ട​ത്ത​വും സ്​​കൂ​ളി​ലേ​ക്ക് രാ​വി​ലെ​യും ഉ​ച്ച​ക്കും വൈ​കീ​ട്ടു​മു​ള്ള ഓ​ട്ട​ങ്ങ​ളു​മാ​യി അ​മ്മ​യേ​ൽ​പി​ക്കു​ന്ന ജോ​ലി പൂ​ർ​ത്തി​യാ​ക്കാ​ൻ എ​ട്ട്-ഒ​മ്പ​ത് കി​ലോ​മീ​റ്റ​ർ ദി​വ​സ​വും ഓ​ടും. ഇ​താ​യി​രു​ന്നു ത​ന്നെ ഒ​ളി​മ്പി​ക്സോ​ള​മെ​ത്തി​ച്ച പ​രി​ശീ​ല​ന​ത്തിെൻറ അ​ടി​ത്ത​റ​യെ​ന്നും ജെ​യ്​​ഷ പ​റ​യു​ന്നു.

പ​ത്താം ക്ലാ​സു​കാ​രി​യാ​യി​രി​ക്കെ കേ​ര​ളോ​ത്സ​വ​ത്തി​ൽ ജ​യി​ച്ചു​തു​ട​ങ്ങി​യ അ​ത്​​ല​റ്റി​ക്സ്​ ജീ​വി​തം ത​ല​ക്കു​ളം സ്​​കൂ​ളി​ലെ പ്ല​സ്​​ടു വും ​ച​ങ്ങ​നാ​ശ്ശേ​രി അ​സം​പ്ഷ​ൻ കോ​ള​ജും ക​ഴി​ഞ്ഞ് ഇ​ന്ത്യ​ൻ ക്യാ​മ്പി​ലെ​ത്തു​മ്പോ​ഴും അ​ക​ല​ങ്ങ​ളി​ൽ​നി​ന്ന് അ​ദൃ​ശ്യ സാ​ന്നി​ധ്യ​മാ​യി അ​മ്മ​യു​ണ്ടാ​യി​രു​ന്നു ഒ​പ്പം. ജോ​ലി ല​ഭി​ച്ച് ജീ​വി​ത​സാ​ഹ​ച​ര്യം മെ​ച്ച​പ്പെ​ട്ടപ്പോ​ൾ അ​തെ​ല്ലാം തി​രി​കെ​ന​ൽ​കാ​നും ഞാ​ൻ ശ്ര​മി​ച്ചി​ട്ടു​ണ്ട് -ജെ​യ്ഷ പ​റ​യു​ന്നു. എ​ങ്കി​ലും, ഒ​ന്നു​മി​ല്ലാ​യ്മ​യി​ൽ​നി​ന്ന് ഇ​ത്ര​ത്തോ​ളം ഉ​യ​ർ​ന്നു​പ​റ​ക്കാ​ൻ ചി​റ​കു​ന​ൽ​കി​യ ക​ര​ങ്ങ​ൾ​ക്ക് ഒ​ന്നും തി​രി​ച്ചു​ന​ൽ​കി​യാ​ൽ മ​തി​യാ​വി​ല്ലെ​ന്ന് ജെ​യ്ഷ പ​റ​യു​ന്നു.