വീണാൽ താങ്ങാകും ആപ്പിൾ വാച്ച്

ഹൃദയമിടിപ്പ് നിരീക്ഷിക്കാനും രേഖപ്പെടുത്തിവെക്കാനും ഇ.സി.ജി ആപ് സംവിധാനം, ഹൃദയമിടിപ്പ് കുറഞ്ഞാൽ മുന്നറിയിപ്പ്, വ്യായാമങ്ങൾക്ക് പിന്തുണയേകാൻ കുടുതൽ സൗകര്യങ്ങൾ, അണിഞ്ഞ ആൾ കാലുതെറ്റി വീണാൽ കൈകളുടെ ചലനം തിരിച്ചറിഞ്ഞ് എമർജൻസി നമ്പറിൽ അറിയിക്കുന്ന ഫാൾ ഡിറ്റക്​ഷൻ സംവിധാനം, അടിയന്തര ഘട്ടങ്ങളിൽ കോണ്ടാക്ട് നമ്പറുകളിലേക്ക് സന്ദേശം അയക്കാനുള്ള സംവിധാനം, ശ്വാസഗതി തിരിച്ചറിയാൻ ബ്രീത്ത് ആപ്, കോളും സന്ദേശങ്ങളും എടുക്കാം, ആപ്പിൾ വാച്ചുകൾ തമ്മിൽ ആശയവിനിമയത്തിന് വാക്കി ടോക്കി ആപ്, 50 ശതമാനം ശബ്​ദം കൂടിയ സ്പീക്കർ, 30 ശതമാനം കൂടുതൽ വലിപ്പമുള്ള ഡിസ്പ്ലേ, 18 മണിക്കൂർ ബാറ്ററി ശേഷി, ചതുര ഡയൽ എന്നിവയാണ് പ്രത്യേകതകൾ.

വാച്ച്ഒ.എസ് 5 ഒാപറേറ്റിങ് സിസ്​റ്റം, 64 ബിറ്റ് ഇരട്ട കോർ എസ് 4 പ്രോസസർ എന്നിവയാണ് കരുത്തേകുന്നത്. ജി.പി.എസ് 40 എം.എം ഡയൽ മോഡലിന് ഇന്ത്യയിൽ 40,900 രൂപയും 44 എം.എമ്മിന് 43,900 രൂപയും സെല്ലുലർ അലൂമിനിയം കെയ്സ് 40 എം.എമ്മിന് 49,900 രൂപയും 44 എം.എമ്മിന് 52,900 രൂപയുമാണ് വില.