![സീരീസ് 7 സ്മാർട്ട്വാച്ച് വിറ്റഴിക്കണം; സീരീസ് 6 നിർത്തലാക്കി ആപ്പിൾ സീരീസ് 7 സ്മാർട്ട്വാച്ച് വിറ്റഴിക്കണം; സീരീസ് 6 നിർത്തലാക്കി ആപ്പിൾ](https://www.madhyamam.com/h-upload/2021/10/09/1222020-apple-watch-7-and-6.webp)
Image: 9to5mac.com
സീരീസ് 7 സ്മാർട്ട്വാച്ച് വിറ്റഴിക്കണം; സീരീസ് 6 നിർത്തലാക്കി ആപ്പിൾ
text_fieldsവാഷിങ്ടൺ: ഏറ്റവും പുതിയ സീരീസ് 7 സമാർട്ട്വാച്ച് പ്രഖ്യാപിച്ച് ഒരു മാസം തികയുംമുമ്പേ സിരീസ് 6 വാച്ചുകൾ തങ്ങളുടെ ഔദ്യോഗിക ലൈനപ്പിൽ നിന്നും നീക്കം ചെയ്ത് ആപ്പിൾ. ഏഴാമൻ എത്തിയതിന് പിന്നാലെ, ടെക്ലോകത്ത് സീരീസ് 6 സ്മാർട്ട്വാച്ചുമായി താരതമ്യങ്ങൾ ഉയർന്നുവന്നിരുന്നു. രണ്ട് മോഡലുകളും തമ്മിൽ കാര്യമായ മാറ്റങ്ങളില്ലെന്നതാണ് ചർച്ചയായത്. പണം ലാഭിക്കാൻ ആറാമനെ വാങ്ങാനും ചിലർ ആഹ്വാനം നടത്തുകയുണ്ടായി. അതിനിടെയാണ് ആപ്പിൾ സീരീസ് 6 നിർമാണവും വിതരണവും നിർത്തിവെക്കുന്നത്.
ടെക് ഭീമനിൽ നിന്ന് പുതിയ ആപ്പിൾ വാച്ച് വാങ്ങാൻ ആഗ്രഹിക്കുന്നവർക്ക് ഇപ്പോൾ മൂന്ന് ഒാപ്ഷനുകൾ മാത്രമാണുള്ളത്. പുതിയ സിരീസ് 7ഉം കഴിഞ്ഞ വർഷം ലോഞ്ച് ചെയ്ത സ്മാർട്ട് വാച്ച് എസ്.ഇയും വർഷങ്ങൾക്ക് മുെമ്പത്തിയ സീരീസ് 3യും. സീരീസ് 7-െൻറ വില 399 ഡോളറിലാണ് അരംഭിക്കുന്നത് (ഏകദേശം 30,000 രൂപ). അതേസമയം വാച്ചിെൻറ എസ്.ഇ മോഡലിന് വില 279 ഡോളറാണ്. സീരീസ് മൂന്നിന് 199 ഡോളർ നൽകിയാൽ മതി. പഴയ മോഡലുകൾ വിപണിയിൽ ലഭ്യമാണെന്നും കമ്പനി അറിയിച്ചിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.