ഇന്ത്യയിൽ നിർമ്മിച്ച െഎഫോണുകൾ വിപണിയിൽ
text_fields
ബംഗളൂരു: കാത്തിരിപ്പിന് വിരാമമിട്ട് മെയ്ഡ് ഇൻ ഇന്ത്യ െഎഫോണുകൾ വിപണിയിൽ. ആപ്പിൾ െഎഫോണിെൻറ എസ്.ഇ മോഡലാണ് ആദ്യ ഘട്ടത്തിൽ ഇന്ത്യയിൽ നിർമിക്കുന്നത്. ബംഗളൂരിലെ തെരത്തെടുത്ത സ്റ്റോറുകളിലാണ് എസ്.ഇ വിപണിയിലെത്തിച്ചിരിക്കുന്നത്. ടൈംസ് ഒാഫ് ഇന്ത്യയാണ് ഇതു സംബന്ധിച്ച വാർത്ത റിപ്പോർട്ട് ചെയ്തത്.
കാലിഫോർണിയയിൽ ഡിസൈൻ നിർവഹിച്ച് ഇന്ത്യയിൽ അസംബ്ലിങ് ചെയ്ത് ഫോൺ എന്നാണ് എസ്.ഇയുടെ ബോക്സിൽ രേഖപ്പെടുത്തിയിരിക്കുന്നത്. ഫോണിെൻറ 32 ജി.ബി വേരിയൻറിന് 27,200 രൂപയും 128 ജി.ബി വേരിയൻറിന് 37,200 രൂപയുമാണ് വില.
ചൈനയിൽ നിർമ്മിച്ച െഎഫോൺ എസ്.ഇ മോഡൽ 21,999 രൂപക്കാണ് ഇന്ത്യയിൽ വിൽക്കുന്നത്. കഴിഞ്ഞ വർഷം 39,999 രൂപക്ക് ലോഞ്ച് ചെയ്ത ഫോണിെൻറ വില പിന്നീട് കുറയുകയായിരുന്നു. എന്നാൽ മെയ്ഡ് ഇൻ ഇന്ത്യ െഎഫോൺ വിപണിയിലെത്തിയിട്ടും ഫോണിെൻറ വില കുറയാത്തത് ആപ്പിൾ ആരാധകരെ സംബന്ധിച്ചടുത്തോളം നിരാശയാണ് നൽകുന്നത്.
4 ഇഞ്ച് ഡിസ്പ്ലേ സൈസോട് കൂടി വിപണിയിലെത്തിച്ച ആപ്പിളിെൻറ കരുത്ത് കൂടിയ മോഡലുകളിലൊന്നാണ് എസ്.ഇ. ആപ്പിൾ എ.9 പ്രൊസസറാണ് ഫോണിന് കരുത്ത് പകരുന്നത്. 12 മെഗാപിക്സലിെൻറ പിൻ കാമറയും 1.2 മെഗാപിക്സലിെൻറ മുൻ കാമറയുമാണ് ഫോണിനുള്ളത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
