​െഎഫോൺ നിർമാണം ബംഗ്​ളൂരുവിൽ ആരംഭിക്കുന്നു

ബംഗ്​ളൂരു: ആപ്പിളി​െൻ തായ്​വാനിലെ നിർമാണ പങ്കാളിയായ വിസ്​ട്രൺ ബംഗ്​ളൂരുവിൽ നിർമാണ ശാല ആരംഭിക്കാൻ ഒരുങ്ങുന്നു.  ടൈംസ്​ ഒാഫ്​ ഇന്ത്യ ദിനപത്രമാണ്​ ഇത്​ സംബന്ധിച്ച്​ വാർത്ത പുറത്ത്​ വിട്ടത്​.  പുതിയ നിർമാണശാലയിൽ ഫോണുകളുടെ നിർമാണമോ അസംബ്​ളിങോ കമ്പനി നടത്തുമെന്നാണ്​ ഇപ്പോൾ ലഭിക്കുന്ന സൂചനകൾ ​. എന്നാൽ വാർത്തയെ കുറിച്ച്​ പ്രതികരിക്കാൻ ആപ്പിൾ തയ്യാറായിട്ടില്ലെന്നാണ്​ അറിയുന്നത്​. 
 

അടുത്ത വർഷം എപ്രിലോടു കൂടി ആപ്പിളി​െൻറ നിർമാണം ഇന്ത്യയിൽ ആരംഭിക്കനാണ്​ സാധ്യത​. ഇൗ വർഷമാദ്യം പ്രധാനമന്ത്രി നരേന്ദ്ര മോദിയും ആപ്പിൾ സി.ഇ.ഒ ടിം കുക്കും കൂടികാഴ്​ച നടത്തിയിരുന്നു. ഇൗ കൂടികാഴ്​ചയിൽ ആപ്പിൾ ഫോണുകളുടെ നിർമാണം ഇന്ത്യയിൽ ആരംഭിക്കാനുള്ള സന്നദ്ധത ടിം കൂക്ക്​ മോദിയെ അറിയിച്ചു എന്നാണ്​ സൂചന. ആപ്പിളി​നെ സംബന്ധിച്ചടുത്തോളം പ്രധാനപ്പെട്ട വിപണികളിൽ ഒന്നാണ്​ ഇന്ത്യ.  ഇവിടെ ​െഎഫോണി​െൻറ നിർമാണം ആരംഭിക്കാൻ കഴിഞ്ഞാൽ അത്​ ആപ്പിളിന്​ ഗുണകരമാവും. 

പ്രാദേശികാടിസ്​ഥാനത്തിൽ ആപ്പിൾ ഫോണുകളുടെ നിർമാണം ആരംഭിച്ചാൽ അത്​ ഫോണുകളുടെ വില കുറയുന്നതിന്​ കാരണമാവും. ഇപ്പോൾ ​െഎഫോണുകൾക്ക്​ ഇറക്കുമതി ചെയ്യു​േമ്പാൾ സർക്കാർ 12.5 ശതമാനം നികുതി ചുമത്തുന്നുണ്ട്​. നേരത്തെ സെക്കൻ ഹാൻഡ്​ ​​െഎഫോണുകൾ ഇന്ത്യയിൽ വിൽക്കാൻ അനുമതി നൽകണമെന്നാവശ്യപ്പെട്ട്​ ആപ്പിൾ കേന്ദ്ര സർക്കാരിനെ സമീപിച്ചിരുന്നു. എന്നാൽ സർക്കാർ ഇതിന്​ അനുമതി നൽകിയിരുന്നില്ല.