13-ാമൻ നാളെയെത്തും; ഫ്ലിപ്കാർട്ടിൽ ഐഫോണ് 12ന് വൻ വിലക്കുറവ്
text_fieldsഐഫോണ് 13 നാളെ ലോഞ്ച് ചെയ്യാനിരിക്കെ ഓണ്ലൈന് വിപണിയിൽ ഐഫോണ് 12 സീരീസിന് വമ്പൻ വിലക്കുറവുമായി രാജ്യത്തെ ഇ-കൊമേഴ്സ് ഭീമനായ ഫ്ളിപ്പ്കാർട്ട്. 69,900 രൂപ, 74,900 രൂപ എന്നീ വിലകളിൽ വിറ്റിരുന്ന ഐഫോണ് 12 മിനിയുടെ 64 ജിബി, 128 ജിബി വകഭേദങ്ങൾക്ക് ഇപ്പോൾ, യഥാക്രമം 59,999 രൂപ, 64,999 രൂപ എന്നിങ്ങനെയാണ് വില. 84,900 രൂപയ്ക്കി വിറ്റിരുന്ന 256 ജിബി സ്റ്റോറേജ് മോഡലിന് 74,999 രൂപ നൽകിയാൽ മതി.
ഏറെ ജനപ്രീതി നേടിയ ഐഫോണ് 12 എന്ന മോഡലിനും കിടിലൻ വിലക്കുറവാണ് പ്രഖ്യാപിച്ചിരിക്കുന്നത്. 79,900 രൂപയ്ക്ക് വിറ്റിരുന്ന ഐഫോണ് 12 64 ജിബി മോഡൽ ഇപ്പോൾ 66,999 രൂപക്ക് ലഭിക്കും. 128 ജിബിയുടെ വില 84,900 രൂപയിൽ നിന്ന് 71,999 രൂപയിലേക്കെത്തി. 12,901 രൂപയുടെ കിഴിവാണ് അവിടെ ലഭിക്കുന്നത്. 15,000 രൂപ വരെ എക്സ്ചേഞ്ച് ഓഫറും ഇൗ മോഡലിന് നൽകുന്നുണ്ട്. 94,900 രൂപയുണ്ടായിരുന്ന 256 ജിബി മോഡൽ ഇപ്പോൾ 81,999 രൂപക്ക് ലഭിക്കും.
പ്രീമിയം മോഡലായ ഐ ഫോൺ 12 പ്രോയ്ക്ക് 4,000 രൂപയുടെ ഡിസ്കൗണ്ടാണുള്ളത്. 1,19,900 രൂപയുണ്ടായിരുന്ന മോഡലിെൻറ ഇപ്പോഴത്തെ വില 1,15,900 മാണ്. അതേസമയം, 15,000 രൂപ വരെ എക്സ്ചേഞ്ച് ഓഫർ ഈ മോഡലിനും പ്രഖ്യാപിച്ചിട്ടുണ്ട്. ഐഫോണ് 12 പ്രോ മാക്സിെൻറ 128 ജിബി, 256 ജിബി, 512 ജിബി സ്റ്റോറേജുള്ള മൂന്ന് മോഡലുകൾക്ക് - യഥാക്രമം 1,25,900 രൂപ 1,35,900 രൂപ 1,55,900 രൂപ എന്നിങ്ങനെയാണ് വില.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.