ഇന്ന്​ മുതൽ ജിയോ പ്രൈം മെമ്പറാവാം

മുംബൈ: റിലയൻസ്​ ജിയോയുടെ പ്രൈം മെമ്പറാവാനുള്ള സൗകര്യം ഇന്ന്​ മുതൽ ലഭ്യമാകും. 99 രൂപ നൽകിയാണ്​ ജിയോയുടെ പ്രൈം മെമ്പർഷിപ്പ്​ എടുക്കാൻ കഴിയുക. ജ​ിയോയുടെ ആപ്​ വഴിയും സ്​റ്റോറുകൾ വഴിയും പ്രൈം മെമ്പർഷിപ്പ്​ സേവനം ലഭ്യമാകും. ആമസോൺ അവതരിപ്പിച്ച രീതിയിലാവും ജിയോയും ​പ്രൈം മെമ്പർഷിപ്പ്​ സേവനം നൽകുക. പ്രൈം  മെമ്പർഷിപ്പ്​ എടുക്കുന്നവർക്ക്​ പ്രത്യേക ഒാഫറുകൾ കമ്പനി ലഭ്യമാക്കും. 2018 മാർച്ച്​ 31 വരെയാണ്​ പ്രൈം ​മെമ്പർഷിപ്പി​െൻറ കാലാവധി.

പ്രൈം മെമ്പറായതിന്​ ശേഷം വിവിധ പ്ലാനുകൾ ഉപയോക്​താക്കൾക്ക്​ തെരഞ്ഞെടുക്കാം. 149 രൂപയിൽ തുടങ്ങുന്ന വിവിധ പ്ലാനുകൾ ജിയോയിൽ ലഭ്യമാണ്​. എല്ലാ പ്ലാനുകൾക്കൊപ്പം വോയ്​സ്​ കോളുകളും എസ്​.എം.എസുകളും സൗജന്യമായിരിക്കും. ഡാറ്റയിൽ മാത്ര​മാണ്​ വിവിധ പ്ലാനുകളിൽ വ്യത്യാസമുണ്ടാവുക.