വലിയ ബാറ്ററി, ചെറിയ നോച്ച്​; ലോഞ്ചിന്​ മുമ്പേ ആവേശം വിതച്ച്​ ഐഫോൺ 13, വിവരങ്ങൾ പുറത്ത്​

ഐഫോൺ 13 സീരീസി​െൻറ ലോഞ്ചിന്​​ രണ്ട്​ ദിവസം മാത്രം അവശേഷിക്കേ, ആരാധകരെ ആവേശത്തിലാഴ്​ത്തുന്ന വിവരങ്ങളുമായി എത്തിയിരിക്കുകയാണ്​ പ്രമുഖ ടിപ്​സ്റ്ററായ മാക്സ് വെയ്ൻബാച്ച്. ഐഫോൺ 13 സീരീസിലെ വിവിധ മോഡലുകളുടെ ക്യാമറ, ബാറ്ററി, വില വിവരങ്ങളാണ്​ ലോഞ്ചിന്​ മു​േമ്പ @pineleaks എന്ന ട്വിറ്റർ അക്കൗണ്ടിലൂടെ ലീക്കാക്കിയത്​​.

ബാറ്ററി ലൈഫ്​ കൂടും

​ഐഫോൺ 12 മോഡലുകളെ അപേക്ഷിച്ച്​ 13-ാമനിൽ ബാറ്ററി ലൈഫ്​ ആപ്പിൾ ഗണ്യമായി വർധിപ്പിച്ചിട്ടുണ്ട്​. ഐഫോൺ 13 പ്രോ മാക്​സിൽ ഐഫോൺ 12 പ്രോ മാക്​സിനേക്കാൾ 20 ശതമാനം അധികം വലിപ്പമുള്ള ബാറ്ററിയാണ്​ ഉൾകൊള്ളിച്ചിരിക്കുന്നത്​.

അതേസമയം ഐഫോൺ13, 13 പ്രോ എന്നീ മോഡലുകളിൽ 10 ശതമാനം വലിയ ബാറ്ററിയാണ്​. ഐഫോൺ 13 മിനിയിലും ഒരു മണിക്കൂർ കൂടുതൽ ബാറ്ററി ലൈഫ്​ പ്രതീക്ഷിക്കാം. എന്നാൽ, 120Hz പ്രോ ​മോഷൻ ഡിസ്​പ്ലേ കാരണം ഐഫോൺ 13 പ്രോയിൽ ബാറ്ററി ലൈഫ്​ അൽപം കുറവായിരിക്കും.

വില കൂട്ടിയേക്കില്ല

ആഴ്​ച്ചകൾക്ക്​ മുമ്പ്​ ഐഫോണ്‍ 13 മോഡലുകൾക്ക്​ മുൻ മോഡലുകളേക്കാൾ വില കൂട്ടുമെന്ന്​ റിപ്പോർട്ടുകളുണ്ടായിരുന്നെങ്കിലും വൈൻബാച്ച്​ അതെല്ലാം തള്ളി രംഗത്തെത്തി. ഐഫോണ്‍ 12 സീരീസിന്​ സമാനമായ പ്രൈസിങ്​ ആയിരിക്കും 13നുമെന്ന്​ അദ്ദേഹം വ്യക്​തമാക്കി.

അതേസമയം, ഔദ്യോഗിക ലോഞ്ചിന് മു​േമ്പ ഐഫോണ്‍ 13 ​െൻറ മറ്റുചില വിവരങ്ങള്‍ കൂടി പുറത്തുവന്നു. യുക്രേനിയന്‍ റീട്ടെയിലറാണ്​ അവരുടെ വെബ്​സൈറ്റിൽ ഫോണി​െൻറ വിവരങ്ങൾ ലിസ്റ്റ്​ ചെയ്​തത്​.

നിറവും വലിപ്പവും

വെള്ള, കറുപ്പ്, പര്‍പ്പിള്‍, ചുവപ്പ്, നീല, പിങ്ക് എന്നിങ്ങനെ ആറ് കളര്‍ വകഭേദങ്ങളില്‍ ഐഫോണ്‍ 13, ഐഫോണ്‍ 13 മിനി എന്നിവ പുറത്തിറക്കും​. ഐഫോണ്‍ മിനിയുടെ സ്​ക്രീൻ സൈസ്​ 5.4 ഇഞ്ചാണ്​, ഐഫോണ്‍ 13-ഉം ഐഫോണ്‍ 13 പ്രോയും 6.1 ഇഞ്ച്​ വലിപ്പത്തിലാണ്​ വരാൻ പോകുന്നത്​, ഐഫോണ്‍ 13 പ്രോ മാക്‌സിന്​ 6.7 ഇഞ്ച് വലിപ്പമുണ്ട്​.

സ്​റ്റോറേജ്​

64 ജിബി, 128 ജിബി സ്‌റ്റോറേജ് ഓപ്ഷനുമായാണ് ഐഫോണ്‍ 13 മിനി വരുന്നത്. ഐഫോണ്‍ 13-ന്​ 128 ജിബി, 256 ജിബി സ്‌റ്റോറേജ് ഓപ്ഷനുകളുണ്ടായേക്കും. ഐഫോണ്‍ 13 പ്രോ 128 ജിബി അല്ലെങ്കില്‍ 256 ജിബി സ്‌റ്റോറേജ് ഓപ്ഷനുകളിലും 13 പ്രോ മാക്‌സ് 256 ജിബി, 512 ജിബി വേരിയൻറുകളിലും ലഭിക്കും. അതേസമയം, ആപ്പിളി​െൻറ തന്നെ എ15 ബയോണിക്​ ചിപ്പായിരിക്കും ഫോണുകൾക്ക്​ കരുത്തേകുക.

ഐഫോണ്‍ 12 ഉപയോഗിക്കുന്നവർ അപ്​ഗ്രേഡ്​ ചെയ്യേണ്ടതുണ്ടോ...???

ഐഫോണ്‍ 12നെ അപേക്ഷിച്ച്​ 13-ാമനിൽ പ്രധാനമായും വരുന്ന മാറ്റം, ചെറിയ നോച്ച്​, വലിയതും മികച്ചതുമായി കാമറ, വലിയ ബാറ്ററി, കൂടുതൽ വേഗത്തിലുള്ള ചാർജിങ്​, പ്രോ മോഷൻ ഡിസ്​പ്ലേ, 5ജിയിൽ വരുത്തിയ അപ്​ഗ്രേഡ്​, എമർജൻസി സാറ്റലൈറ്റ് കോംസ്​ തുടങ്ങിയവയാണ്​. ​ഇത്രയും പുതുമകളും ഒപ്പം ഐഫോണ്‍ 12ന്​ സമാനമായ വിലയും വരു​േമ്പാൾ ഐഫോണ്‍ 13 മികച്ചൊരു പാക്കേജ്​ തന്നെയാണ്​.

എന്നാൽ, ഐഫോണ്‍ 14-​െൻറ ലീക്കായ ചിത്രങ്ങൾ പരിഗണിച്ചാൽ, ആപ്പിൾ ചരിത്രമാകാൻ പോകുന്ന നീക്കത്തിനാണ്​ ഒരുങ്ങുന്നത്​. ഇപ്പോഴുള്ള വലിയ നോച്ചിന്​ പകരം പഞ്ച്​ഹോൾ ഡിസ്​പ്ലേയാണ്​ 14-ാമനിൽ. ഫേസ്​ ​െഎഡിക്കുള്ള സെൻസറുകൾ ഡിസ്​പ്ലേയ്​ക്കുള്ളിൽ സജ്ജീകരിക്കുമെന്നും റിപ്പോർട്ടുകളുണ്ട്​.