റോഗ് ഫോൺ 5, റെഡ്മാജിക് 6; മാർച്ചിൽ ലോഞ്ച് കാത്തിരിക്കുന്നത് രണ്ട് കിടിലൻ ഗെയിമിങ് ഫോണുകൾ
text_fields
എത്ര വലിയ ഹിമാലയൻ ടാസ്ക് മുന്നോട്ട് വെച്ചാലും പുഷ്പം പോലെ ചെയ്തുകൊടുക്കുന്ന കരുത്തുറ്റ ചിപ്സെറ്റുകളും അങ്ങേയറ്റം സ്മൂത്തും മിഴിവുമുള്ള അനുഭവം പകരുന്ന ഡിസ്പ്ലേ ടെക്നോളജിയും തീർത്തിട്ടും തീരാത്ത ബാറ്ററി ജീവിതവും സ്മാർട്ട്ഫോൺ മേഖലയിൽ സർവ സാധാരണമാവാൻ തുടങ്ങിയതോടെ മൊബൈൽ ഗെയിമിങ്ങിന് എന്തെന്നില്ലാത്ത ജനപ്രീതിയാണ് കൈവന്നിരിക്കുന്നത്. പ്രമുഖ ബ്രാൻഡുകൾ ഗെയിമിങ് ഒരു പ്രധാന ഘടകമായി കണക്കിലെടുത്ത് പ്രത്യേക രൂപത്തിലും ഭാവത്തിലും ഫോണുകൾ നിർമാക്കാൻ തുടങ്ങി.
ഇപ്പോൾ ലോകത്ത് ഏറ്റവും ഡിമാൻറുള്ള ഗെയിമിങ് സ്മാർട്ട്ഫോൺ െഎഫോണിെൻറ ഏറ്റവും പുതിയ മോഡലുകൾ മാത്രമല്ല. ആൻഡ്രോയ്ഡ് ഫോണുകൾക്കും അതിന് മാത്രം കരുത്തും ചുറുചുറുക്കും കൈവന്നിരിക്കുന്നു. ഷവോമിയും അസ്യൂസും സെഡ് ടി ഇയുമൊക്കെ ഗെയിമിങ് സ്മാർട്ട്ഫോണുകൾ വർഷാവർഷം വിപണിയിലെത്തിക്കുന്നുണ്ട്. 2021ൽ ആദ്യം വിപണിയിൽ എത്താൻ പോകുന്നത് രണ്ട് ഗെയിമിങ് ഫോണുകളാണ്. ഒന്ന് അസ്യൂസ് റോഗ് ഫോൺ 5, മറ്റൊന്ന് നൂബിയ റെഡ് മാജിക് 6.
ആദ്യം ലോഞ്ചിങ് പ്രഖ്യാപിച്ചത് അസ്യൂസായിരുന്നു. മാർച്ച് 10ന് തങ്ങളുടെ ഏറെ ഡിമാൻറുള്ള ഫ്ലാഗ്ഷിപ്പ് ഗെയിമിങ് ഫോൺ ലോഞ്ച് ചെയ്ത് തരംഗമാക്കാൻ തായ്വാനീസ് കമ്പനി തീരുമാനിച്ചതോടെ, നൂബിയ അവരുടെ റെഡ് മാജിക് 6 അതിലും നേരത്തെ ഇറക്കാൻ പദ്ധതിയിടുകയായിരുന്നു. മാർച്ച് നാലിനാണ് നൂബിയ പുതിയ മോഡൽ അവതരിപ്പിക്കുക. ഇരു ഫോണുകൾക്കും ഒരുപോലുള്ള പ്രത്യേകത അതിെൻറ പ്രൊസസറാണ്. ക്വാൽകോമിെൻറ പുതിയ ഫ്ലാഗ്ഷിപ്പ് ചിപ്സെറ്റായ സ്നാപ്ഡ്രാഗൺ 888 ആണ് റോഗിനും റെഡ്മാജിക്കിനും ശക്തിയേകുന്നത്.
റോഗ് ഫോൺ 5 വിശേഷങ്ങൾ
6.78 ഇഞ്ചുള്ള ഫുൾ എച്ചഡി ഒലെഡ് ഡിസ്പ്ലേ, കൂടെ 144Hz റിഫ്രഷ് റേറ്റ്. നോച്ചിന് പകരം മുകളിലും താഴെയും നേർത്ത ബെസലുകൾ ആണ് നൽകിയിരിക്കുന്നത്. അവയിൽ രണ്ട് ഫ്രണ്ട്-ഫയറിങ് സ്പീക്കറുകളും കാണാം. മുൻ മോഡലുകളിലുള്ളത് പോലെ തന്നെയാണ് പുതിയ റോഗ് ഫോണിെൻറയും ഡിസൈൻ. 12 ജിബി വരെ റാമും 512 ജിബി വരെ സ്റ്റോറേജും റോഗ് ഫോൺ 5ലുണ്ട്. പിറകിൽ മൂന്ന് കാമറകളാണ്. പ്രധാന സെൻസർ 64 മെഗാപികസ്ലുണ്ട്. 6000 എംഎഎച്ചിെൻറ വലിയ ബാറ്ററിയും അത് ചാർജ് ചെയ്യാൻ അതിവേഗതയുള്ള 65 വാട്ട് ഫാസ്റ്റ് ചാർജറും ബോക്സിലുണ്ടാവും.
നൂബിയ റെഡ് മാജിക് 6 വിശേഷങ്ങൾ
144Hz റിഫ്രഷ് റേറ്റ് റെഡ് മാജിക് 6ലും പ്രതീക്ഷിക്കാം. എന്നാൽ, റോഗ് ഫോണിനെ വെല്ലാനായി 480Hz ടച്ച് സാംപ്ലിങ് അസ്യൂസ് റെഡ്മാജിക്കിന് നൽകിയിട്ടുണ്ട്. ഷവോമിയുടെ മി11 എന്ന ഫോണിൽ മാത്രമുണ്ടായിരുന്ന ഇൗ ഫീച്ചർ റെഡ്മാജിക്കിലുമെത്തുന്നതോടെ ഗെയിമർമാർക്ക് മികച്ച ഡിസ്പ്ലേ അനുഭവം കൂടി ആസ്വദിക്കാം. 120 വാട്ട് ഫാസ്റ്റ് ചാർജിങ്ങാണ് റെഡ്മാജികിെൻറ മറ്റൊരു പ്രത്യേകത. പുതിയ കൂളിങ് സിസ്റ്റവും, ഫോണിൽ പ്രത്യേകമായുള്ള ഫാനും ഫോണിെൻറ ഹൈലൈറ്റുകളായി തുടരും.
ഒമ്പത് ആക്സിസ് സ്പേഷ്യൽ സെൻസറാണ് ഗെയിമേഴ്സിനെ ആകർഷിക്കാൻ പോകുന്ന മറ്റൊരു ഫീച്ചർ. പല ഭാഗങ്ങളിൽ നിന്നായി ഫോണിെൻറ മൂവ്മെൻറ് ട്രാക് ചെയ്യാനുള്ള സെൻസറാണിത്. 16 ജിബി വരെ റാമും 256 ജിബി വരെ സ്റ്റോറേജും റെഡ്മാജിക് 6ൽ പ്രതീക്ഷിക്കാം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.