![റെഡ്മിയുടെ സൂപ്പർസ്റ്റാർ നോട്ട് 10 അടുത്ത മാസമെത്തും; സുപ്രധാന വിശേഷങ്ങൾ അറിയാം റെഡ്മിയുടെ സൂപ്പർസ്റ്റാർ നോട്ട് 10 അടുത്ത മാസമെത്തും; സുപ്രധാന വിശേഷങ്ങൾ അറിയാം](https://www.madhyamam.com/h-upload/2021/02/10/877815-redmi-note-1o.webp)
റെഡ്മിയുടെ സൂപ്പർസ്റ്റാർ നോട്ട് 10 അടുത്ത മാസമെത്തും; സുപ്രധാന വിശേഷങ്ങൾ അറിയാം
text_fieldsഷവോമിയുടെ സബ്-ബ്രാൻഡായ റെഡ്മി അവരുടെ സൂപ്പർഹിറ്റ് സീരീസായ നോട്ടിലേക്ക് പത്താമനെ കൂടി അവതരിപ്പിക്കാൻ ഒരുങ്ങുകയാണ്. റെഡ്മി ഇന്ന് ട്വിറ്ററിൽ പങ്കുവെച്ച പോസ്റ്റ് പ്രകാരം മാർച്ചിെൻറ തുടക്കത്തിൽ തന്നെ നോട്ട് 10 സീരീസിലെ ഫോണുകൾ ലോഞ്ച് ചെയ്തേക്കും. '2021ലെ സ്മാർട്ട്ഫോൺ ഒാഫ് ദ ഇയർ സ്വന്തം വീട്ടിലേക്ക് എത്താൻ പോകുന്നു. ഇന്ത്യയിലെ ഏറ്റവും പ്രിയപ്പെട്ട സ്മാർട്ട്ഫോൺ സീരീസ് മുമ്പൊരിക്കലും കണ്ടിട്ടില്ലാത്ത തരം വ്യത്യസ്തമായ ഒരു നവീകരണത്തോടെയാണ് എത്തുന്നതെന്നും കമ്പനി ട്വിറ്റർ പോസ്റ്റിൽ വ്യക്തമാക്കുന്നുണ്ട്.
റെഡ്മി നോട്ട് 9 സീരീസിലെ ഫോണുകളിൽ നിന്ന് വലിയ മാറ്റം തന്നെ പത്താമനിൽ പ്രതീക്ഷിക്കാം. റെഡ്മി നോട്ട് 10-ഇന് സ്നാപ്ഡ്രാഗൺ 732G എന്ന ചിപ് സെറ്റ് കരുത്തുപകരുമെന്നും ആദ്യമായി 120Hz റിഫ്രഷ് റേറ്റുള്ള ഡിസ്പ്ലേ ഇൗ സീരീസിൽ ഉൾപ്പെടുത്തുമെന്നും സൂചനയുണ്ട്. നോട്ട് 9ൽ 60Hz പാനലായിരുന്നു ഉണ്ടായിരുന്നത്. 64 മെഗാ പിക്സൽ കാമറയും 5,050mAh ബാറ്ററിയും 6GB റാം, 128GB സ്റ്റോറേജ് എന്നിവയും നോട്ട് 10-െൻറ പ്രത്യേകതയായിരിക്കും. അതേസമയം നോട്ട് 10 പ്രോ മോഡൽ 5ജി പിന്തുണയുള്ള സ്നാപ്ഡ്രാഗൺ 750G 5G എന്ന ചിപ്സെറ്റുമായി എത്തുമെന്നാണ് റിപ്പോർട്ട്. അതോടെ നോട്ട് സീരീസിലെ ആദ്യത്തെ 5ജി ഫോണായി പ്രോ മോഡൽ മാറും.
#RedmiNote10 series - 2021's smartphone of the year is making it's way home in early March. ⚡️
— Redmi India - #RedmiNote10 Series is coming! (@RedmiIndia) February 10, 2021
India's most-loved smartphone series is getting an upgrade unlike anything anyone's ever seen before! 👀
Are you ready to be blown away by the #10on10 experience? Heads up! 🔥 pic.twitter.com/vs9KGJAhOG
എന്തായാലും കൂടുതൽ വിവരങ്ങൾ അധികം വൈകാതെ തന്നെ കമ്പനി പുറത്തുവിടും. മുൻ മോഡലുകൾക്ക് ലഭിച്ച വമ്പൻ സ്വീകാര്യത ഇത്തവണയും യാതൊരു കുറവുമില്ലാതെ ഉണ്ടാവുമെന്നാണ് റെഡ്മി പ്രതീക്ഷിക്കുന്നത്. മറ്റേത് ബ്രാൻഡും നൽകാത്ത ഫീച്ചറുകൾ ഏറ്റവും കുറഞ്ഞ വിലക്ക് നോട്ട് 10 സീരീസിലുള്ള ഫോണുകളിൽ പ്രതീക്ഷിക്കാം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.