മൈക്രോസോഫ്റ്റ് സഹ സ്ഥാപകന്‍ പോള്‍ അലന്‍ അന്തരിച്ചു

വാഷിങ്​ണ്‍‌: മൈക്രോസോഫ്റ്റ് സഹസ്ഥാപകന്‍ പോള്‍ അലന്‍ അന്തരിച്ചു. 65 വയസ്സായിരുന്നു. അർബുദ ബാധയെത്തുടര്‍ന്ന് ചികിത്സയിലായിരുന്ന അദ്ദേഹം അമേരിക്കയിലെ സീറ്റിൽ നഗരത്തിൽവെച്ച്​ തിങ്കളാഴ്​ച ഉച്ചയോടെയാണ്​ വിട പറഞ്ഞത്​. പോൾ അല​​​​​​​െൻറ വാൾക്കൻ കമ്പനിയാണ്​ അദ്ദേഹത്തി​​​​​​​െൻറ മരണവാർത്ത പ്രസ്​താവനയിലൂടെ അറിയിച്ചത്​. 2009ല്‍ അർബുദം ബാധിച്ച ഇദ്ദേഹം ചികിത്സയിലൂടെ ജീവിതത്തിലേക്ക് തിരിച്ചുവരുന്നതിനിടെയാണ് രോഗം വീണ്ടും മൂര്‍ച്ഛിച്ചത്.

1975ൽ മൈക്രോസോഫ്റ്റ്​ സ്ഥാപിക്കുന്നതിൽ ബില്‍ഗേറ്റ്സിനൊപ്പം പോൾ മുഖ്യപങ്ക്​ വഹിച്ചിരുന്നു. കമ്പനിയുടെ തുടക്കകാലത്ത്​ ടെക്​നിക്കൽ ഒാപറേഷ​​​​​​​െൻറ ചുമതലയായിരുന്നു അദ്ദേഹത്തിന്​. മൈക്രോസോഫ്റ്റി​​​​​​​െൻറ ജനപ്രിയ ആപ്പുകളായ എം.എസ്​. ഡോസ്​, വേർഡ്​ തുടങ്ങിയവക്ക്​ പിന്നിൽ പോൾ അലനായിരുന്നു. ബിൽഗേറ്റ്​സുമായുള്ള പ്രശ്​നത്തെ തുടർന്ന്​ 1983ൽ കമ്പനിയിൽ നിന്ന്​ ഇറങ്ങി. എന്നാലും 2000 വരെ കമ്പനിയുടെ ബോർഡ്​ മെമ്പർ സ്ഥാനത്തിരുന്നു. 1986ൽ സഹോദരിയുമൊത്താണ്​ വാൾക്കൻ കമ്പനി ആരംഭിക്കുന്നത്​.

പോള്‍ അലന്‍റെ വിയോഗം ഹൃദയഭേദകമാണെന്നും ഏറ്റവും അടുത്ത സുഹൃത്തിനെയാണ്​ നഷ്​ടമാ​യ​െതന്നും ബില്‍ഗേറ്റ്സ് പ്രതികരിച്ചു. പോൾ ഇല്ലായിരുന്നുവെങ്കിൽ പേഴ്​സണൽ കമ്പ്യൂട്ടിങ്​ എന്ന സംഭവം ഉണ്ടാവില്ലായിരുന്നുവെന്നും അദ്ദേഹം പറഞ്ഞു. വ്യവസായ മേഖലക്കും മൈക്രോസോഫ്റ്റിനും ഒഴിച്ചു കൂടാനാകാത്ത സംഭാവന നൽകിയയാളാണ്​ പോൾ അലനെന്ന്​ മൈക്രോസോഫ്റ്റ്​ സി.ഇ.ഒ സത്യ നാഥെല്ല അഭിപ്രായപ്പെട്ടു.

2013ല്‍ ലോകത്തിലെ ഏറ്റവും വലിയ ധനികനായ അവിവാഹിതനായി അലനെ വെല്‍ത്ത് എക്സ് തെരഞ്ഞെടുത്തിരുന്നു. 2018ൽ ഫോബ്​സ്​ മാസിക പുറത്തിറക്കിയ സമ്പന്നരുടെ പട്ടികയിൽ 44ാമനാണ്​ പോൾ അലൻ. കായിക വിനോദങ്ങളിൽ അതീവ തൽപരനായിരുന്ന പോൾ രണ്ട്​ ബാസ്​കറ്റ്​ബാൾ ടീമി​​​​​​​െൻറ ഉടമയായിരുന്നു.