നോക്കിയ ടി.വിയുമായി ഫ്ലിപ്​കാർട്ട്

ഷവോമി മാത്രമല്ല, വൺപ്ലസ്, വാ​വെയ്​, മോട്ടറോള എന്നീ ഫോൺ കമ്പനികളെല്ലാം സ്മാർട്ട് ടി.വിയിലും ഭാഗ്യംപരീക്ഷിച്ചു. ഇതിനിടയിലേക്കാണ് നോക്കിയ ടി.വിയുമായി ഓൺലൈൻ റീട്ടെയിൽ സൈറ്റ് ഫ്ലിപ്കാർട്ട് വന്നത്. ഇന്ത്യയിലാണ് രൂപകൽപന.

സാംസങ്ങി​െൻറ കീഴിലുള്ള ഹർമാൻ നിർമിക്കുന്ന ജെ.ബി.എൽ സ്പീക്കറുകളാണ് ഇടംപിടിച്ചിരിക്കുന്നത്. 24 വാട്ട് ഡി.ടി.എസ് ട്രൂ സറൗണ്ട് ശബ്​ദമാണ്. ടി.വിയിൽ ആദ്യമായാണ്​ ജെ.ബി.എൽ സാങ്കേതികവിദ്യ അവതരിപ്പിക്കുന്നത്. വൺപ്ലസ് ടി.വിയിലെ പോലെ ഇൻറലിജൻറ് ഡിമ്മിങ് ടെക്നോളജിയുള്ളതിനാൽ ചിത്രമേന്മ തനിയെ ക്രമീകരിച്ച് മികച്ച ദൃശ്യാനുഭവം നൽകും.

ആൻഡ്രോയിഡ് 9.0 പൈ ഓപറേറ്റിങ് സിസ്​റ്റം, 178 ഡിഗ്രി വൈഡ് ആംഗിൾ വ്യൂവുള്ള 55 ഇഞ്ച് ഫോർകെ അൾട്രാ എച്ച്.ഡി ഡിസ്പ്ലേ, നാലുകോർ ​േപ്രാസസർ, 2.25 ജി.ബി റാം, 16 ജി.ബി ഇ​േൻറണൽ മെമ്മറി എന്നിവയാണ് പ്രത്യേകതകൾ. നെറ്റ്ഫ്ലിക്സ്, ഹോട്ട്​സ്​റ്റാർ, യൂട്യൂബ് വീഡിയോ സ്ട്രീമിങ് സേവനങ്ങൾ, ഗൂഗിൾ അസിസ്​റ്റൻറ്, ക്രോംകാസ്​റ്റ്​, ഗൂഗിൾ പ്ലേസ്​റ്റോർ പിന്തുണ എന്നിവയുണ്ട്. ഷവോമിയിൽ കാണുന്ന ആമസോൺ പ്രൈം വിഡിയോയില്ല.

മൈക്രോസോഫ്റ്റ് കൈയൊഴിഞ്ഞ നോക്കിയയുടെ പേരിൽ തയ്​വാൻ കമ്പനി എച്ച്.എം.ഡി ഗ്ലോബലാണ് ഇപ്പോൾ ആൻഡ്രോയിഡ് സ്മാർട്ട്ഫോണുകളിറക്കുന്നത്. ഫ്ലിപ്കാർട്ട് ഇതാദ്യമായല്ല ടി.വി നിർമിക്കുന്നത്. നേര​േത്ത മാർക്യു (MarQ) എന്ന പേരിൽ ടി.വി ഇറക്കിയിട്ടുണ്ട്. 6999 രൂപ മുതൽ 64,999 രൂപ വരെയുള്ള 24-65 ഇഞ്ച് ടി.വികളാണ് മാർക്യൂ നിരയിലുണ്ടായിരുന്നത്. സെപ്റ്റംബറിൽ ലെനോവോയുടെ ഉടമസ്ഥതയിലുള്ള മോട്ടോറോളയുമായി ചേർന്നും ടി.വി വിൽപനക്കെത്തിച്ചിട്ടുണ്ട്.

13,999 രൂപ മുതൽ 32-65 ഇഞ്ച് വലിപ്പമുള്ള ടി.വികളാണ് മോട്ടേറോള ഇറക്കിയത്. ബില്യൺ കാപ്ചർ പ്ലസ് എന്ന പേരിൽ ഫ്ലിപ്കാർട്ടിന് 2017ൽ സ്വന്തം സ്മാർട്ട്ഫോൺ ബ്രാൻഡുമുണ്ടായിരുന്നു. ഫ്ലിപ്കാർട്ട് ഇപ്പോൾ യു.എസ് റീട്ടെയിൽ ഭീമനായ വാൾമാർട്ടി​െൻറ കൈയിലാണ്. 2018 ആഗസ്​റ്റിലാണ് വാൾമാർട്ട് ഏറ്റെടുത്തത്. 41,999 രൂപയാണ് വില.