പരിശീലകരുടെ ഓൺലൈൻ ക്ലാസിനിടെ അശ്ലീല ചിത്രം; സൂം ആപ്പ്​ വീണ്ടും സംശയ നിഴലിൽ

ഹൈദരാബാദ്​: ​േലാക്​ഡൗൺ കാലത്ത്​ ട്രെൻഡിങ്ങായ സൂം വീ​ഡിയോ കോൺഫറൻസിങ്​ ആപ്ലിക്കേഷൻെറ വിശ്വാസ്യത വീണ്ടും ചേ ാദ്യം ചെയ്യപ്പെടുന്നു. സൂമിൽ ഇന്ത്യയിലെ യുവ ബാഡ്​മിൻറൺ ​പരിശീലകർക്കായി സംഘടിപ്പിച്ച ഓൺലൈൻ കോച്ചിങ്​ ക്ലാസി നിടെ അശ്ലീല ചിത്രങ്ങൾ പ്രത്യക്ഷപ്പെട്ടു.

ഇന്ത്യയുടെ ഹെഡ്​ കോച്ച്​ പുല്ലേല ഗോപീചന്ദ്​, ഇന്തോനേഷ്യക്കാര നായ കോച്ച്​ അഗസ്​ സാ​േൻറാസോ എന്നിവർ നയിച്ച ക്ലാസിൽ രാജ്യത്തിൻെറ വിവിധ ഭാഗങ്ങളിൽ നിന്നുള്ള 700ഓളം പേർ പങ്കെടുത്തുകൊണ്ടിരിക്കെ വ്യാഴാഴ്​ച ഉച്ചക്ക്​ 12.40നാണ്​ സംഭവം. സ്​ത്രീകളടക്കമുള്ളവർ ക്ലാസിനുണ്ടായിരുന്നു.

പുതിയ പരിശീലകനായ സാ​േൻറാസോ സെഷൻ നയിക്കുന്നതിനിടെ ഒന്നിലധികം തവണ ചിത്രങ്ങൾ പ്രത്യക്ഷപ്പെ​ട്ടെന്നും ചിത്രം നീക്കിയ ശേഷമാണ്​ പിന്നീട്​ ക്ലാസ്​ തുടർന്നതെന്നും പ​ങ്കെടുത്തവരിൽ ഒരാൾ പറഞ്ഞു. സംഭവത്തിന്​ പിന്നാലെ ഗോപീചന്ദ്​ ലോഗ്​ഔട്ട്​ ചെയ്​ത്​ പോയതായാണ്​ റിപ്പോർട്ട്​.

സ്​പോർട്​സ്​ അതോറിറ്റി ഓഫ്​ ഇന്ത്യയും (സായ്​) ബാഡ്​മിൻറൺ അസോസിയേഷൻ ഓഫ്​ ഇന്ത്യയും (ബായ്​) ചേർന്നാണ്​ 21 ദിവസത്തെ പരിപാടി സംഘടിപ്പിക്കുന്നത്​. സായ്​ ബംഗളൂരുവാണ്​ മീറ്റിങ്ങിൻെറ ഇൻവിറ്റേഷൻ അയച്ചത്​. ഹാക്ക്​ ചെയ്യപ്പെടാനുള്ള സാധ്യത തള്ളിക്കളഞ്ഞ സായ്​ സംഭവത്തിൽ ഐ.ടി വിഭാഗം വിശദ അന്വേഷണം തുടങ്ങിയതായും പറഞ്ഞു.

നിലവിൽ രാജ്യത്തെ സ്​കൂളുകളിലടക്കം സൂം അപ്ലിക്കേഷനാണ്​ ക്ലാസ്​ നടത്താൻ ഉപയോഗിക്കുന്നത്​. ആപ്ലിക്കേഷൻ സുരക്ഷിതമല്ലെന്ന്​ ഏപ്രിൽ 20ന്​ കേന്ദ്രസർക്കാർ മുന്നറിയിപ്പ്​ തന്നിരുന്നു. സൂം ആപ്​ വഴി വ്യക്തികളുടെ സ്വകാര്യ വിവരങ്ങൾ ചോരുന്നതായി ശ്രദ്ധയി​ൽപ്പെട്ടതിനെ തുടർന്നാണ്​ കേന്ദ്രസർക്കാരിൻെറ മാർഗനിർദേശം.