ഗൂഗ്​ളിനെ പോലും ഞെട്ടിച്ച വിരുതൻ; ഒരു രാജ്യത്തി​െൻറ ഗൂഗ്​ൾ ഡൊമൈൻ വാങ്ങിയത്​ 415 രൂപക്ക്​

86 ശതമാനത്തോളം സെർച്ച്​ മാർക്കറ്റ്​ ഷെയറുമായി ലോകത്തെ ഏറ്റവും വലിയ സെർച്ച്​ എഞ്ചിനാണ്​ ഗൂഗ്​ൾ. ഏത്​ രാജ്യമെടുത്താലും അതാത്​ രാജ്യത്തെ ഗൂഗ്​ൾ ഡൊമൈനുകൾ തന്നെയാകും ഇൻറർനെറ്റിൽ ഏറ്റവും കൂടുതൽ സന്ദർ​ശിക്കപ്പെടുന്ന പേജ്​. അർജൻറീനയിലും കാര്യം മറിച്ചല്ല. എന്നാൽ, അവിടെ വിചിത്രമായ ഒരു കാര്യം നടന്നു. ഗൂഗ്​ളി​െൻറ അർജൻറീനിയൻ ഡൊമൈൻ നാമം ഒരു 30 വയസുകാരൻ 415 രൂപക്ക്​ വാങ്ങി.

ലോകോത്തര സെർച്ച്​ എഞ്ചിനായ ഗൂഗ്​ളി​െൻറ ഒരു രാജ്യത്തെ ഡൊമൈൻ നാമം ഇപ്പോൾ എങ്ങനെ വിൽപ്പനയ്​ക്കെത്തി...? ഉയർന്ന തലത്തിലുള്ള സുരക്ഷ കാരണം അത്​ ആർക്കും എളുപ്പത്തിൽ വാങ്ങാനോ ദുരുപയോഗം ചെയ്യാനോ കഴിയില്ല. എന്നിട്ടും എങ്ങനെയാണ്​ ഇത്രയും കുറഞ്ഞ തുകയ്​ക്ക് ഡൊമൈൻ നെയിം​ വാങ്ങാൻ കഴിഞ്ഞത്​...? ഒരുപാട്​ ചോദ്യങ്ങൾ സ്വാഭാവികമായും ഉയരും.

എന്നാൽ, അതിനെല്ലാം ഒരു കാരണമുണ്ട്​. കഴിഞ്ഞ ദിവസം അർജൻറീനയിൽ ഗൂഗ്​ള സെർച്ച്​ എഞ്ചിൻ രണ്ട്​ മണിക്കൂറിലധികം പ്രവർത്തനം നിലച്ചിരുന്നു. ആ സമയത്താണ്​ വെബ്​ ഡിസൈനറായ അർജൻറീനക്കാരൻ നികൊളാസ്​ കുറോണ ഡൊമൈൻ നാമം വാങ്ങുന്നത്​. ത​െൻറ ഗൂഗ്​ൾ ഡൊമൈൻ പർച്ചേസ്​ വിശേഷം സ്ക്രീൻഷോട്ട്​ അടക്കം കുറോണ ട്വിറ്ററിൽ പങ്കുവെക്കുകയും ചെയ്​തിരുന്നു. പിന്നാലെ ആയിരക്കണക്കിന്​ ലൈക്കുകളും കമൻറുകളുമാണ്​ അദ്ദേഹത്തിന്​ ലഭിച്ചത്​. ''Google.com.ar എന്ന ഡൊമൈൻ താൻ സാധാരണഗതിയിൽ നിയമപരമായ രീതിയിലാണ്​ വാങ്ങിയത്​.. എന്താണ്​ ഇവിടെ സംഭവിച്ചത്​...? അദ്​ഭുതം കൂറിയുള്ള അടിക്കുറിപ്പും അദ്ദേഹം സ്​ക്രീൻഷോട്ടിന്​ നൽകി.

ഒരു ക്ലയൻറിന്​ വേണ്ടി വെബ്​ സൈറ്റ്​ ഡിസൈൻ ചെയ്യുന്നതിനിടെ കഴിഞ്ഞ ബുധനാഴ്​ച്ചയായിരുന്നു വാട്​സ്​ആപ്പിലൂടെ ഗൂഗ്​ൾ പ്രവർത്തനം നിലച്ച സന്ദേശം കുറോണക്ക്​ ലഭിക്കുന്നത്​. അപ്പോൾ തന്നെ

ബ്രൗസറിൽ www.google.com.ar എന്ന്​ സെർച്ച്​ ചെയ്​ത്​ സ്വയം പരിശോധിച്ചു, അത് പ്രവർത്തിക്കുന്നുണ്ടായിരുന്നില്ല. വിചിത്രമായ എന്തോ സംഭവിക്കുന്നുവെന്ന് അപ്പോഴെനിക്ക്​ തോന്നി." ബി.ബി.സിയോട്​ അദ്ദേഹം പറഞ്ഞു.

അതിന്​ പിന്നാലെയാണ്​ വീരോചിതമായ ഒരു ശ്രമം കുറോണ നടത്തുന്നത്​. നെറ്റ്‌വർക്ക് ഇൻഫർമേഷൻ സെൻറർ അർജന്റീനയിൽ (എൻ.ഐ.സി) വെബ്‌സൈറ്റി​െൻറ ഡൊമെയ്‌നിനായി തിരഞ്ഞു. ഡോട്ട്​ എ.ആർ (.ar) ഉള്ള അർജൻറീനയുടെ എല്ലാ കൺട്രി കോഡ്​ ഡൊമൈനുകളും പ്രവർത്തിപ്പിക്കുന്നതിനുള്ള ഉത്തരവാദിത്തം എൻ.ഐ.സിക്കാണ്​. അദ്​ഭുതമെന്ന്​ പറയ​െട്ട, അപ്പോൾ ഗൂഗ്​ളി​െൻറ അർജൻറീനയ ഡൊമൈൻ അവിടെ വിൽപ്പനയ്​ക്കുണ്ടായിരുന്നു. 270 പെസോസിന്​ (415 രൂപ) നികൊളാസ്​ കുറോണ അത്​ വാങ്ങുകയും ചെയ്​തു.

'ഞാൻ കുറച്ചുനേരത്തേക്ക്​ മരവിപ്പിലായിരുന്നു'. ഡൊമൈൻ വാങ്ങിയതിന്​ ശേഷമുള്ള ഇടപാട്​ പൂർത്തിയാക്കാൻ സാധിക്കുമെന്ന്​ ഞാൻ ഒരിക്കലും കരുതിയിരുന്നില്ല. സംഭവം സത്യമാണെന്ന്​ ഉറപ്പിക്കാനായി www.google.com.ar എന്ന്​ ബ്രൗസറിൽ സെർച്ച്​ ചെയ്​ത്​ പരിശോധിച്ചപ്പോൾ 'എ​െൻറ സ്വകാര്യ വിവരങ്ങളാണ്​ വന്നത്​' -അദ്ദേഹം വ്യക്​തമാക്കി. ഗൂഗിൾ അർജന്റീന ഇത് ബിബിസിയോട് സ്ഥിരീകരിക്കുകയും ചെയ്​തു. "ഹ്രസ്വകാലത്തേക്ക്, ഡൊമെയ്ൻ മറ്റൊരാൾ സ്വന്തമാക്കി." എന്നിരുന്നാലും, വളരെ വേഗത്തിൽ തങ്ങൾ ഡൊമൈനി​െൻറ നിയന്ത്രണം വീണ്ടെടുത്തുവെന്നും അവർ വിശദീകരിച്ചു. ത​െൻറ 270 പെസോസ്​ ഇനിയും തിരിച്ചുലഭിച്ചിട്ടില്ലെന്നാണ് ഒറ്റ രാത്രികൊണ്ട്​ ട്വിറ്ററിൽ താരമായി മാറിയ​ കുറോണയുടെ പരാതി. എന്തായാലും ഗൂഗ്​ളിന്​ സംഭവിച്ച ഇൗ പിഴവി​െൻറ കാരണം ഇപ്പോഴും രഹസ്യമാണ്​.