ജാഗ്രതൈ; പ്ലേ സ്​റ്റോറിൽ ഫേസ്​ബുക്ക്​ ​പാസ്​വേഡ്​ മോഷ്​ടിക്കുന്ന ഒമ്പത്​​ ആപ്പുകളുള്ളതായി ഡോക്​ടർ വെബ്​

ഏത്​ സിസ്റ്റങ്ങളെയും മാരകമായി ബാധിക്കുന്ന ക്ഷുദ്രകരമായ അപ്ലിക്കേഷനുകൾ ഗൂഗ്​ൾ പ്ലേസ്റ്റോറിൽ നിറഞ്ഞിരിക്കുകയാണ്​. ഹാക്കിങ്ങും മറ്റ്​ സൈബർ കുറ്റകൃത്യങ്ങളും ദിനംപ്രതി വർദ്ധിച്ചുകൊണ്ടിരിക്കവേ പ്ലേസ്​റ്റോറിലെ അപകടകരമായ ആപ്പുകൾക്കായി ഗൂഗ്​​ളി​െൻറ സുരക്ഷാ ഗേറ്റുകളെ മറികടക്കാൻ ഹാക്കർമാർ അപൂർവ്വമായ മാർഗങ്ങൾ കൊണ്ടുവന്നിട്ടുണ്ട്. ഡോക്ടർ വെബ്ബി​െൻറ പുതിയ റിപ്പോർട്ടിൽ ഞെട്ടിക്കുന്ന വിവരങ്ങളാണ്​ പുറത്തുവിട്ടത്​​. ഒമ്പത് ആൻഡ്രോയ്​ഡ്​ ആപ്പുകൾ ഫേസ്​ബുക്ക്​ യൂസർമാരുടെ ​ലോഗിൻ ​െഎഡികളും പാസ്​വേഡുകളും മോഷ്​ടിക്കുന്നതായാണ്​ അവർ കണ്ടെത്തിയിരിക്കുന്നത്​. ഇൗ ആപ്പുകൾ പ്ലേസ്​റ്റോറിൽ നിന്ന്​ 5,856,010 തവണ ഡൗൺലോഡ്​ ചെയ്യപ്പെട്ടിട്ടുമുണ്ട്​​.

പത്തിൽ ഒമ്പത്​ ട്രോജൻ ആപ്പുകളും ഗൂഗ്​ൾ പ്ലേസ്​റ്റോറിലുള്ളതായി ഡോക്ടർ വെബി​െൻറ മാൽവെയർ അനലിസ്റ്റുകൾ വെളിപ്പെടുത്തി. നിരുപദ്രവകരമായ സോഫ്റ്റ്​വെയറുകളായി പ്രചരിപ്പിക്കപ്പെടുന്ന അത്തരം ആൻഡ്രോയ്​ഡ്​ ആപ്പുകൾ യഥാർഥ മോഷ്​ടാക്കളാണെന്നും അവർ സാക്ഷ്യപ്പെടുത്തുന്നു.

അപ്ലിക്കേഷനുകളുടെ എല്ലാ പ്രവർത്തനങ്ങളിലേക്കും ആക്‌സസ് നേടുന്നതിനും അപ്പിലെ പരസ്യങ്ങൾ ഇല്ലാതാക്കുന്നതിനും വേണ്ടി ഉപയോക്താക്കളോട് ആദ്യം അവരുടെ ഫേസ്ബുക്ക് അക്കൗണ്ടുകളിലേക്ക് ലോഗിൻ ചെയ്യാൻ ആവശ്യപ്പെടും. പിന്നാലെ കാണിക്കുക ഫേസ്ബുക്ക് ലോഗിൻ പേജി​െൻറ തനിപ്പകർപ്പായിരിക്കും, അത് ഒറിജിനൽ ആണെന്ന്​ കരുതി ഫേസ്​ബുക്ക്​ ലോഗിൻ വിവരങ്ങൾ നൽകുന്ന യൂസർമാർക്ക്​ കിട്ടുക മുട്ടൻ പണിയായിരിക്കും. ലക്ഷക്കണക്കിന്​ ആളുകളുടെ അത്തരം സ്വകാര്യ വിവരങ്ങൾ ശേഖരിച്ചുകൊണ്ട്​ ഇത്തരം ആപ്പുകൾ സൈബർ ക്രിമിനലുകൾക്കായിരിക്കും കൈമാറുക.

പ്ലേസ്​റ്റോറിലേക്ക്​ കടന്നുകൂടിയ അത്തരം ആപ്പുകളെ കുറിച്ച്​ ഡോക്​ടർ വെബ്​ ഗൂഗ്​ളിന്​ റിപ്പോർട്ട്​ നൽകിയിരുന്നു. പിന്നാലെ അവർ ചിലത്​ നീക്കം ചെയ്യുകയും ചെയ്​തു. എന്നാൽ, ചില ആപ്പുകൾ ഇപ്പോഴും അവിടെ സജീവമാണെന്നും അവർ പറയുന്നുണ്ട്​. അവ ഏതെന്ന്​ പരിചയപ്പെടാം.

പ്രൊസസിങ്​ ഫോ​േട്ടാ, പി.​െഎ.പി ഫോ​േട്ടാ (Processing Photo, PIP Photo)

500,000ത്തിലധികം ഇൻസ്റ്റാളുകളുള്ള പ്രൊസസിങ്​ ഫോ​േട്ടാ എന്ന ഫോ​േട്ടാ എഡിറ്റിങ്​ ആപ്പ്​ hikumburahamilton എന്ന ഡെവലപ്പർ നിർമിച്ചതാണ്​. മറ്റൊരു എഡിറ്റിങ്​ ആപ്പ്​ പി.​െഎ.പി ഫോ​േട്ടാ ആണ്​. ഇതിനും 500,000 ഡൗൺലോഡുകളുണ്ട്​.

ആപ്പ്​ കീപ്പ്​ ലോക്ക്​, ആപ്പ്​ ലോക്ക്​ മാനേജർ, ലോക്കിറ്റ്​ മാസ്റ്റർ (App Keep Lock, App Lock Manager, Lockit Master)

ഫോണിലെ ആപ്പുകൾ ലോക്ക്​ ചെയ്യാനായി ഉപയോഗിക്കുന്ന ആപ്പുകളാണിവ. പ്ലേസ്​റ്റോറിൽ 50,000, 10,000, 5,000 എന്നിങ്ങനെ ഡൗൺലോഡുകളുള്ള ഇൗ ആപ്പുകൾ ഫേസ്​ബുക്ക്​ ഡാറ്റ മോഷണത്തിന്​ പേര്​ കേട്ടവയാണ്​.

ഹോറോസ്​കോപ്പ്​ ഡൈലി, ഹോറോസ്​കോപ്പ്​ പി​െഎ (Horoscope Daily, Horoscope Pi)

പ്ലേസ്​റ്റോറിൽ ഒരു ലക്ഷത്തിലധികം ഡൗൺലോഡുകളുള്ള ഹോറോസ്​കോപ്പ്​ ഡൈലി എന്ന ആസ്​ട്രോളജി ആപ്പും യൂസർമാർക്ക്​ ആപ്പായി മാറുമെന്നാണ്​ ഡോക്​ടർ വെബ്ബ്​ മുന്നറിയിപ്പ്​ നൽകുന്നത്​. ഹോറോസ്​കോപ്പ്​ പി.​െഎക്ക്​ ആയിരം ഇൻസ്റ്റാളുകളാണുള്ളത്​.

ഇൻവെൽ ഫിറ്റ്​നസ്​ (Inwell Fitness)

ഫിറ്റ്​നസ്​ പ്രോഗ്രാം ആപ്പാണിത്​. Reuben Germaine എന്ന ഡെവലപ്പർ നിർമിച്ച ഇൗ ആപ്പിനും ഒരു ലക്ഷത്തിന്​ മുകളിൽ ഇൻസ്റ്റാളുകളുണ്ട്​.