പബ്​ജി പോയാലെന്താ...! മോദിയുടെ ആത്മനിർഭർ പദ്ധതിയുടെ ഭാഗമായി അവതരിപ്പിക്കുന്നു 'ഫൗ-ജി'

പബ്​ജി മൊബൈൽ എന്ന ജനപ്രിയ ഗെയിം അടക്കം 118 ചൈനീസ്​ ആപ്പുകൾ കൂടി കേന്ദ്ര സർക്കാർ നിരോധിച്ചത്​ കഴിഞ്ഞ ദിവസമായിരുന്നു. ഇന്ത്യയിലെ കോടിക്കണക്കിന്​ വരുന്ന പബ്​ജി ആരാധകർക്ക്​​ ഞെട്ടലുണ്ടാക്കിയ നിരോധനത്തിന്​ ശേഷം ദിവസങ്ങൾ കഴിഞ്ഞ്​ പുതിയ ഇന്ത്യക്കാരനായ പകരക്കാരനെയും പ്രഖ്യാപിച്ചിരിക്കുകയാണ്​. 'ഫൗ-ജി' (FAU-G) എന്നാണ്​ ഗെയിമി​െൻറ പേര്​.'ഫിയർലെസ്​ ആൻഡ്​ യുണൈറ്റഡ്​ - ഗാർഡ്​സ്​' എന്നാണ്​ ഫൗ-ജിയുടെ പൂർണ്ണരൂപം.

ബോളിവുഡ്​ സൂപ്പർതാരം അക്ഷയ്​ കുമാറാണ്​ ഫൗ-ജി സമൂഹ മാധ്യമങ്ങളിലൂടെ ലോഞ്ച്​ ചെയ്​തത്​. 'പ്രധാനമന്ത്രി നരേന്ദ്ര മോദിയുടെ ആത്മനിർഭർ പദ്ധതിയെ പിന്തുണച്ച്​ കൊണ്ട്​ അഭിമാനത്തോടെ അവതരിപ്പിക്കുന്നു- മൾട്ടിപ്ലെയർ ആക്ഷൻ ഗെയിമായ ഫൗ-ജി. വിനോദത്തോടൊപ്പം നമ്മുടെ സൈനികരുടെ ജീവത്യാഗങ്ങളും ഗെയിം കളിക്കുന്നവർക്ക്​ പഠിക്കാം. ഗെയിമിലൂടെ ലഭിക്കുന്ന വരുമാനത്തി​െൻറ 20 ശതമാനം 'ഭാരത്​കെവീർ' ട്രസ്റ്റിന്​ സംഭാവന ചെയ്യുമെന്നും' അക്ഷയ്​ കുമാർ സമൂഹ മാധ്യമങ്ങളിൽ കുറിച്ചു.

പബ്​ജി പോലെ തന്നെ മികച്ച ഗ്രാഫിക്​സും ആനിമേഷനും വലിയ മാപ്പുമൊക്കെയായിട്ടായിരിക്കും ഫൗജി എത്തുകയെന്നാണ്​ സൂചന. ദക്ഷിണ കൊറിയൻ പിസി ഗെയിമായ പബ്​ജിയുടെ മൊബൈൽ വേർഷനോളം മികവ്​ ഇന്ത്യയുടെ ഫൗജി-ക്കുണ്ടാവുമോ..? എന്ന്​ തന്നെയാണ്​ ഇപ്പോൾ സമൂഹ മാധ്യമങ്ങളിൽ ഉയർന്നുവരുന്ന സംശയങ്ങൾ.

View this post on Instagram

Supporting PM @narendramodi's Atma Nirbhar movement, proud to present a multiplayer action game, Fearless And United - Guards FAU-G. Besides entertainment, players will also learn about the sacrifices of our soldiers. 20% of the net revenue generated will be donated to #BharatKeVeer Trust #FAUG @vishygo #nCoreGames

A post shared by Akshay Kumar (@akshaykumar) on Sep 4, 2020 at 3:40am PDT