ഇന്ത്യയിൽ 1337 കോടി പിഴ: അപ്പീലുമായി ഗൂഗ്ൾ
text_fieldsന്യൂഡൽഹി: 1337.76 കോടി രൂപ പിഴ ചുമത്തിയ കോമ്പറ്റീഷൻ കമീഷൻ ഓഫ് ഇന്ത്യ (സി.സി.ഐ) നടപടിക്കെതിരെ അപ്പീലുമായി ആഗോള ടെക് ഭീമനായ ഗൂഗ്ൾ. വാണിജ്യതാൽപര്യത്തിന് അനുസരിച്ച് ആൻഡ്രോയ്ഡ് മൊബൈലുകളെ ദുരുപയോഗം ചെയ്തതിന് പിഴ ഈടാക്കിയ സി.സി.ഐ ഉത്തരവിനെതിരെ അപ്പീൽ ട്രൈബ്യൂണലായ എൻ.സി.എൽ.എ.ടിയെയാണ് സമീപിച്ചത്.
വിപണികളിൽ തങ്ങളുടെ ആധിപത്യം ദുരുപയോഗം ചെയ്തതിന് ഗൂഗ്ളിന് ഒക്ടോബറിലാണ് സി.സി.ഐ 1337.76 കോടി രൂപ പിഴ ചുമത്തിയത്. ആൻഡ്രോയ്ഡ് മൊബൈലുകളെ ദുരുപയോഗം ചെയ്യുന്നത് അവസാനിപ്പിക്കണമെന്നും സി.സി.ഐ ഉത്തരവിട്ടിരുന്നു.
ഇത് ഇന്ത്യൻ ഉപയോക്താക്കൾക്കും വ്യാപാരികൾക്കും തിരിച്ചടിയാകുമെന്നും മൊബൈൽ ഉപകരണങ്ങളുടെ വില വർധിപ്പിക്കാൻ സാധ്യതയുള്ളതിനാൽ അപ്പീൽ നൽകാൻ തീരുമാനിച്ചതായും ഗൂഗ്ൾ വക്താവ് അറിയിച്ചു. സി.സി.ഐ തീരുമാനം ഇന്ത്യൻ ഉപയോക്താക്കളെ സുരക്ഷാഭീഷണികളിലേക്ക് തള്ളിവിടുമെന്നും കമ്പനി ചൂണ്ടിക്കാട്ടി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.