‘പെടയ്​ക്കണ’ മീനിന്​ കടപ്പുറത്ത്​​ പോകേണ്ട; ഓൺലൈനായി വാങ്ങാം

തി​രു​വ​ന​ന്ത​പു​രം: ‘​ഫ്ര​ഷ്​’ മ​ത്സ്യം വാ​ങ്ങാ​ൻ ക​ട​പ്പു​റ​ത്തേ​ക്ക്​ പോ​കേ​ണ്ട. ശു​ദ്ധ​മാ​യ മ​ത്സ്യം ഗു​ണ​നി​ലാ​ര​വാ​രം ചോ​രാ​തെ വീ​ടു​ക​ളി​ലെ​ത്തും. ക​ട​ലോ​ര ഗ്രാ​മ​ങ്ങ​ളി​ൽ​നി​ന്നും ഹാ​ർ​ബ​റു​ക​ളി​ൽ​നി​ന്നും ശേ​ഖ​രി​ക്കു​ന്ന മ​ത്സ്യം ഓ​ൺ​ലൈ​നാ​യി ല​ഭ്യ​മാ​കു​ന്ന പ​ദ്ധ​തി വൈ​കാ​തെ ന​ട​പ്പാ​വും. മ​ത്സ്യ​ഫെ​ഡ്​ ത​യാ​റാ​ക്കി​യ ആ​പ്​ വ​ഴി മീ​ൻ ബു​ക്ക്​ ചെ​യ്താ​ൽ കേ​ര​ള​ത്തി​ലെ​വി​ടെ​യും വി​ത​ര​ണം സാ​ധ്യ​മാ​ക്കു​ക​യാ​ണ്​ ല​ക്ഷ്യം. പ്രാ​രം​ഭ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചി​ട്ടു​ണ്ട്. അ​പാ​ക​ത​ക​ൾ പ​രി​ഹ​രി​ച്ച്​ ര​ണ്ടു മാ​സ​ത്തി​ന​കം തി​രു​വ​ന​ന്ത​പു​ര​ത്തും തു​ട​ർ​ന്ന്​ സം​സ്ഥാ​ന വ്യാ​പ​ക​മാ​യും വി​ത​ര​ണ സം​വി​ധാ​നം ഒ​രു​ക്കാ​നു​ള്ള ന​ട​പ​ടി​ക​ളാ​ണ്​ പു​രോ​ഗ​മി​ക്കു​ന്ന​ത്.

മ​ത്സ്യം ശേ​ഖ​രി​ക്ക​ൽ, വി​ല നി​ർ​ണ​യ രീ​തി​ക​ൾ തു​ട​ങ്ങി​യ വി​ഷ​യ​ങ്ങ​ളി​ൽ വ്യ​ക്ത​ത വ​രു​ത്താ​നു​ണ്ട്. ഒ​രി​ന​ത്തി​ലെ മ​ത്സ്യ​ത്തി​ന്​ ഒ​രു ഹാ​ർ​ബ​റി​ൽ​ത​ന്നെ പ​ല സ​മ​യ​ങ്ങ​ളി​ൽ വി​ല വ്യ​ത്യാ​സം വ​രാം.

ഓ​ൺ​ലൈ​നാ​യി വി​ൽ​പ​ന ന​ട​ത്തു​മ്പോ​ൾ വി​ല​യി​ലെ സ്ഥി​ര​ത കു​റേ​യെ​ങ്കി​ലും നി​ല​നി​ർ​​ത്തേ​ണ്ട​തു​ണ്ട്. ഇ​ത്ത​രം വി​ഷ​യ​ങ്ങ​ൾ പ​രി​ഹ​രി​ക്കാ​നു​ള്ള ​ശ്ര​മ​ങ്ങ​ളാ​ണ്​ ന​ട​ത്തു​ന്ന​ത്. ​തി​ക​ച്ചും പ്ര​ഫ​ഷ​ന​ലാ​യ നി​ല​യി​ൽ ഓ​​ൺ​ലൈ​ൻ മ​ത്സ്യ വി​പ​ണ​ന​ത്തി​ന്​ സം​സ്ഥാ​ന​ത്ത്​ വ​ലി​യ സാ​ധ്യ​ത​യു​ണ്ടെ​ന്നാ​ണ്​ മ​ത്സ്യ​ഫെ​ഡ്​ വി​ല​യി​രു​ത്ത​ൽ. നി​ല​വി​ൽ മ​ത്സ്യ​ഫെ​ഡി​ന്​ കീ​ഴി​ൽ 150ൽ ​അ​ധി​കം ‘ഫി​ഷ്​ മാ​ർ​ട്ടു​ക​ൾ’ പ്ര​വ​ർ​ത്തി​ക്കു​ന്നു​ണ്ട്. ഇ​വ​യു​ടെ പ​ങ്കാ​ളി​ത്തം​കൂ​ടി ഉ​റ​പ്പാ​ക്കി​യാ​വും ഓ​ൺ​ലൈ​ൻ വി​പ​ണ​ന ​ശൃം​ഖ​ല ഒ​രു​ക്കു​ക. വി​ത​ര​ണ​ത്തി​ന്​ മ​ത്സ്യ​​മേ​ഖ​ല​യി​ൽ​നി​ന്നു​ള്ള തൊ​ഴി​ലാ​ളി​ക​ളു​ടെ സേ​വ​നം പ്ര​യോ​ജ​ന​​​പ്പെ​ടു​ത്താ​നാ​ണ്​ ആ​ലോ​ച​ന.

ഫ്രാ​ഞ്ചൈ​സികൾക്ക് പ​ക​രം മ​ത്സ്യ​​​​ഫെ​ഡ്​ നേ​രി​ട്ട്​ കൂ​ടു​ത​ൽ ​​‘ഫി​ഷ്​ മാ​ർ​ട്ടു​ക​ൾ’ എ​ല്ലാ ജി​ല്ല​ക​ളി​ലും ആ​രം​ഭി​ക്കാ​നു​ള്ള ന​ട​പ​ടി​ക​ളും തു​ട​ങ്ങി​യി​ട്ടു​​ണ്ട്.

അ​ഞ്ചി​ല​ധി​കം ഫി​ഷ്​ മാ​ർ​ട്ടു​ക​ൾ അ​ടു​ത്ത മാ​സം തു​ട​ങ്ങാ​നാ​ണ്​ ഉ​​ദ്ദേ​ശി​ക്കു​ന്ന​ത്. ഫി​ഷ് മാ​ർ​ട്ടു​ക​ൾ വ്യാ​പ​മാ​ക്കു​ന്ന​തോ​ടൊ​പ്പം ഓ​ൺ​​ലൈ​ൻ വി​പ​ണ​ന സം​വി​ധാ​ന​വും വ​രു​ന്ന​തോ​ടെ മ​ത്സ്യ​വി​പ​ണി​യി​ൽ ഇ​ട​പെ​ട​ൽ ശ​ക്ത​മാ​ക്കാ​നാ​വു​മെ​ന്ന ക​ണ​ക്കു​കൂ​ട്ട​ലി​ലാ​ണ്​ മ​ത്സ്യ​ഫെ​ഡ്.