മാകും ഐപാഡും വാങ്ങുന്നവർക്ക്​ എയർപോഡ്​ സൗജന്യം; ഓഫറുമായി ആപ്പിൾ

ന്യൂഡൽഹി: മാകും ഐപാഡും വാങ്ങുന്ന വിദ്യാർഥികൾക്ക്​ സൗജന്യമായി എയർപോഡ്​ നൽകുമെന്ന്​ അറിയിച്ച്​ ആപ്പിൾ. കമ്പനിയുടെ ഓൺലൈൻ സ്​റ്റോറിലൂടെ ഉൽപന്നങ്ങൾ വാങ്ങുന്നവർക്കാണ്​ എയർപോഡ്​ സൗജന്യമായി നൽകുക. ഇന്ത്യയിലെ ഉപയോക്​താക്കൾക്കായാണ്​ ആപ്പിൾ ഓഫർ അവതരിപ്പിച്ചിരിക്കുന്നത്​.

ആപ്പിൾ അംഗീകരിക്കുന്ന കോളജുകളുടേയും യൂനിവേഴ്​സിറ്റികളുടേയും വിദ്യാർഥികൾക്കായാണ്​ ഓഫർ​ . മാക്​ബുക്ക്​ എയർ, മാക്​ബുക്ക്​ പ്രോ, ഐമാക്​, മാക്​ പ്രോ, മാക്​ മിനി, ഐപാഡ്​ എയർ, ഐപാഡ്​ പ്രോ എന്നിവക്കൊപ്പമാണ്​ സൗജന്യമായി എയർപോഡ്​ നൽകുക.

ഇതിനൊപ്പം വിദ്യാർഥികൾക്കായി മറ്റ്​ ചില ഓഫറുകളും ആപ്പിൾ അവതരിപ്പിച്ചിട്ടുണ്ട്​. ആപ്പിൾ കെയർ, ആപ്പിൾ പെൻസിൽ, ആപ്പിൾ കീബോർഡ്​, ആപ്പിൾ മ്യൂസിക്​ എന്നിവക്ക്​ ഡിസ്​കൗണ്ടാണ്​ കമ്പനി പ്രഖ്യാപിച്ചത്​.