കേന്ദ്രം 2014 മുതൽ നിരോധിച്ചത്​ 296 മൊബൈൽ ആപ്പുകൾ

ന്യൂ​ഡ​ൽ​ഹി: രാ​ജ്യ​ത്തി​‍െൻറ പ​ര​മാ​ധി​കാ​ര​വും സു​ര​ക്ഷ​യും ക​ണ​ക്കി​ലെ​ടു​ത്ത്​ 2014നു​ശേ​ഷം ഇ​തു​വ​രെ 296 മൊ​ബൈ​ൽ ആ​പ്പു​ക​ൾ നി​രോ​ധി​ച്ച​താ​യി കേ​ന്ദ്ര ഐ.​ടി- ഇ​ല​ക്​​ട്രോ​ണി​ക്​​സ്​ വ​കു​പ്പ്​ സ​ഹ​മ​ന്ത്രി സ​ഞ്​​ജ​യ്​ ധോ​ത്രെ രാ​ജ്യ​സ​ഭ​യെ അ​റി​യി​ച്ചു. ചി​ല ചൈ​നീ​സ്​ മൊ​ബൈ​ൽ ആ​പ്പു​ക​ളെ​പ്പ​റ്റി കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​ത്തി​ന്​ നി​ര​വ​ധി പ​രാ​തി​ക​ൾ ല​ഭി​ച്ച​താ​യും മ​ന്ത്രി പ​റ​ഞ്ഞു.

ഐടി നിയമത്തിലെ സെക്ഷൻ 69 എ പ്രകാരം അത്തരം ആപ്ലിക്കേഷനുകൾ നിരോധിക്കണമെന്ന്​ അഭ്യർത്ഥിക്കാനുള്ള ഏജൻസിയായ ആഭ്യന്തര മന്ത്രാലയത്തിന് ആൻഡ്രോയിഡ്, ഐഒഎസ് പ്ലാറ്റ്ഫോമുകളിലുള്ള ചില ചൈനീസ് മൊബൈൽ ആപ്ലിക്കേഷനുകൾ ദുരുപയോഗം ചെയ്യപ്പെടുന്നതിനെ കുറിച്ച്​ നിരവധി റിപ്പോർട്ടുകൾ ലഭിച്ചിട്ടുണ്ടെന്നും മന്ത്രി പറഞ്ഞു.

വ്യക്​തിഗത വിവരങ്ങളും ബാങ്കിങ്​ വിവരങ്ങളും പോലുള്ള ഉപയോക്തൃ ഡാറ്റ മോഷ്ടിക്കുന്നതിനും കൈമാറുന്നതിനും, ഉപകരണത്തിൽ ലഭ്യമായ എല്ലാ ഡാറ്റയും ആക്‌സസ് ചെയ്യുന്നതിനുള്ള അനുമതി ലഭ്യമാക്കുന്നതിനുമൊക്കെയായി ഈ അപ്ലിക്കേഷനുകളിൽ ചിലത് ദുരുപയോഗം ചെയ്യുന്നതിനെക്കുറിച്ച് നിരവധി റിപ്പോർട്ടുകൾ ലഭിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.