നിസാരമല്ല ഈ ചാറ്റ്ബോട്ട് സൗഹൃദം

സേ​ർ​ച് എ​ൻ​ജി​നു​ക​ളു​ടെ കാ​ലം ക​ഴി​ഞ്ഞി​രി​ക്കു​ന്നു; ഇ​പ്പോ​ൾ എ​ന്തി​നും ഏ​തി​നും ചാ​റ്റ് ബോ​ട്ടു​ക​ളാ​ണ് ആ​ശ്ര​യം. ന​മു​ക്കാ​വ​ശ്യ​മു​ള്ള വി​വ​ര​ങ്ങ​ൾ ഞൊ​ടി​യി​ട​യി​ൽ വി​വേ​ക​പൂ​ർ​വം ക​ണ്ടെ​ത്താ​ൻ ചാ​റ്റ് ജി.​പി.​ടി പോ​ലു​ള്ള ചാ​റ്റ് ബോ​ട്ടു​ക​ൾ ന​മ്മെ സ​ഹാ​യി​ക്കും. അ​തു​കൊ​ണ്ടു​ത​ന്നെ, പു​തി​യ കാ​ല​ത്ത് ആ​ൽ​ഫാ ജ​ന​റേ​ഷ​ന്റെ ഉ​റ്റ സു​ഹൃ​ത്തു​കൂ​ടി​യാ​ണ് ചാ​റ്റ് ബോ​ട്ടു​ക​ൾ. വ്യ​ക്തി​പ​ര​മാ​യ പ്ര​യാ​സ​ങ്ങ​ളും മ​റ്റും ഈ ​ത​ല​മു​റ പ​ങ്കു​വെ​ക്കു​ന്ന​ത് ചാ​റ്റ് ബോ​ട്ടു​ക​ളോ​ടാ​ണ്. ചാ​റ്റ് ബോ​ട്ടു​ക​ൾ അ​തി​ന് കൃ​ത്യ​മാ​യ പ​രി​ഹാ​ര​വും പ​ല​പ്പോ​ഴും നി​ർ​ദേ​ശി​ക്കാ​റു​ണ്ട്. എ​ന്നാ​ൽ, ഈ ​കൂട്ടു​കെ​ട്ടി​ന് ചി​ല അ​പ​ക​ട​ങ്ങ​ൾ​കൂ​ടി​യു​ണ്ട് എ​ന്നാ​ണ് പു​തി​യ പ​ഠ​ന​ങ്ങ​ൾ ​തെ​ളി​യി​ക്കു​ന്ന​ത്.

ചാ​റ്റ്ബോ​ട്ടു​ക​ളു​മാ​യു​ള്ള അ​മി​ത സൗ​ഹൃ​ദം നി​ര​വ​ധി പ്ര​ത്യാ​ഘാ​ത​ങ്ങ​ൾ ഉ​ണ്ടാ​ക്കാ​മെ​ന്നാ​ണ് ചാ​റ്റ് ജി.​പി.​ടി നി​ർ​മാ​താ​ക്ക​ളാ​യ ഓ​പ​ൺ എ.ഐ ​ന​ട​ത്തി​യ പ​ഠ​ന​ത്തി​ൽ പ​റ​യു​ന്നു. ചാറ്റ് ജി.പി​.ടി​യു​മാ​യി നി​ര​ന്ത​രം സം​സാ​രി​ക്കു​ന്ന​ത് ഉ​പ​യോ​ക്താ​ക്ക​ളി​ല്‍ ഒ​റ്റ​പ്പെ​ട​ല്‍ വി​കാ​രം വ​ർ​ധി​പ്പി​ക്കു​മെ​ന്നും ചാ​റ്റ് ബോ​ട്ടി​നോ​ടു​ള്ള വൈ​കാ​രി​ക വി​ധേ​യ​ത്വം കൂ​ട്ടു​മെ​ന്നും പ​ഠ​നം പ​റ​യു​ന്നു.

28 ദി​വ​സം നീ​ണ്ട സ​ർ​വേ​യി​ലാ​ണ് ഓ​പ​ൺ എ.​ഐ​യു​ടെ പ​ഠ​നം. സ​ർ​വേ പ​രീ​ക്ഷ​ണ​ത്തി​ൽ 1000 പേ​ർ പ​​ങ്കെ​ടു​ത്തു. ചാ​റ്റ്‌​ബോ​ട്ടി​ന്റെ ദൈ​നം​ദി​ന ഉ​പ​യോ​ഗം, വ്യ​ക്തി​ക​ളു​ടെ ഏ​കാ​ന്ത​ത, അ​മി​താ​ശ്ര​യ​ത്വം, തെ​റ്റാ​യ ഉ​പ​യോ​ഗം, കു​റ​ഞ്ഞ സാ​മൂ​ഹി​ക​ബ​ന്ധം തു​ട​ങ്ങി​യ കാ​ര്യ​ങ്ങ​ളാ​ണ് പ​ഠ​ന​വി​ധേ​യ​മാ​ക്കി​യ​ത്. സ​മാ​ന വി​ഷ​യ​ത്തി​ൽ നേ​ര​​ത്തേ മസ​ാച്യൂ​സെ​റ്റ്സ് ഇ​ൻ​സ്റ്റി​റ്റ്യൂ​ട്ടി​ന്റെ മീ​ഡി​യ ലാ​ബും പ​ഠ​നം ന​ട​ത്തി​യി​രു​ന്നു. പ്ര​സ്തു​ത പ​ഠ​ന​ത്തി​ലൂം സ​മാ​ന​മാ​യ ഫ​ല​മാ​ണ് ല​ഭി​ച്ച​ത്.