ആത്​​ ഇൻറർനെറ്റിന്​ മേലുള്ള 'ആഗോള നികുതി'; ആപ്പിളിനെതിരെ ആഞ്ഞടിച്ച്​ ഇലോൺ മസ്​ക്​

ആപ്പ്​​ സ്​റ്റോറിൽ നിന്ന്​ തങ്ങളുടെ ആപ്പ്​ നീക്കം ചെയ്​തതുമായി ബന്ധപ്പെട്ട്​ ആപ്പിളിനെ വെല്ലുവിളിച്ച​ ഗെയിം കമ്പനിയായ 'എപ്പികി'​െൻറ നടപടിയെ പിന്തുണച്ച്​ ടെസ്​ല തലവനും ശതകോടീശ്വരനുമായ ഇലോൺ മസ്​ക്​. ആപ്പ്​ സ്​റ്റോറിൽ ആപ്പുകൾക്ക്​ ഇൗടാക്കുന്ന ഭാരിച്ച ഫീസുമായി ബന്ധപ്പെട്ടായിരുന്നു പ്രശ്​നങ്ങളുടെ തുടക്കം.

ആപ്പിളിന്​ നൽകേണ്ട 30 ശതമാനം കമ്മീഷൻ ഒഴിവാക്കാനായി എപ്പിക്,​ അവരുടെ ഫോർട്ട്‌നൈറ്റ്​ എന്ന ഗെയിമിൽ ഇൻ-ആപ്പ്​ പേയ്​മെൻറ്​ സിസ്റ്റം അവതരിപ്പിക്കുകയായിരുന്നു. ഇത്​ ആപ്പിളി​െൻറ നിയമങ്ങൾക്ക്​ വിരുദ്ധമായതിനെ തുടർന്ന്​ ഗെയിം ആപ്പ്​​ സ്​റ്റോറിൽ നിന്നും നീക്കം ചെയ്യുകയും ചെയ്​തു.

ഇത്​ ചോദ്യം ചെയ്​തുകൊണ്ട്​ ആപ്പിളിനെതിരെ കേസുകൊടുത്ത എപ്പികി​െൻറ നടപടിയെയാണ്​ ഇലോൺ മസ്​ക്​ സ്വാഗതം ചെയ്​തത്​. ആപ്പിളി​െൻറ ആപ്പ്​ സ്​റ്റോർ ഫീസിനെതിരെ അദ്ദേഹം ട്വിറ്ററിലൂടെ തുറന്നടിച്ചു. ഇൻറർനെറ്റിനുമേലുള്ള ആഗോള നികുതിയാണ്​ അതെന്നും അദ്ദേഹം പറഞ്ഞു. "എപ്പിക്​ ആണ്​ ശരി... ആപ്പിൾ ആപ്പ് സ്റ്റോർ ഫീസ് ഇൻറർനെറ്റിന്​ ഏർപ്പെടുത്തുന്ന യഥാർത്ഥ ആഗോള നികുതിയാണ്." മസ്ക് ട്വീറ്റിൽ പറഞ്ഞു.

Apple app store fees are a de facto global tax on the Internet. Epic is right.

— Elon Musk (@elonmusk) July 30, 2021

"യഥാർത്ഥത്തിൽ, ഞാൻ ആപ്പിൾ ഉൽപന്നങ്ങൾ ഇഷ്ടപ്പെടുകയും ഉപയോഗിക്കുകയും ചെയ്യുന്നുണ്ട്​. അവർ ആപ്പ് സ്റ്റോറിൽ നിന്ന് അമിതമായി ഈടാക്കുന്നുണ്ട്​. 30% ഫീസ് എന്നത്​ തികച്ചും യുക്തിരഹിതമാണ്. ആപ്പ് സ്റ്റോർ ഇൗടാക്കുന്നത്​ ന്യായമായ രീതിയിലുള്ള ഫീസ് ആയിരുന്നെങ്കിൽ, എപ്പിക്​ അത്തരം നീക്കത്തിലേക്ക്​ പോകുമായിരുന്നില്ലെന്നും അദ്ദേഹം കുറിച്ചു.

ആപ്പിൾ ഇതുവരെ സംഭവത്തിൽ പ്രതികരിച്ചിട്ടില്ല. എന്നാൽ, കമ്പനി അവരുടെ ആപ്പ്​ സ്​റ്റോർ രീതികൾ കോടതിയിലും നിയമനിർമാതാക്കളുടെ വാദംകേൾക്കലിലും പ്രതിരോധിച്ച്​ രംഗത്തെത്തിയിരുന്നു.