![ഗൂഗിൾ പിക്സൽ 6എക്കും നത്തിങ് ഫോണിനും വൻ കിഴിവ്; കിടിലൻ ഓഫറുകളുമായി ഫ്ലിപ്കാർട്ട് ബിഗ് ബില്യൺ ഡേയ്സ് വരുന്നു ഗൂഗിൾ പിക്സൽ 6എക്കും നത്തിങ് ഫോണിനും വൻ കിഴിവ്; കിടിലൻ ഓഫറുകളുമായി ഫ്ലിപ്കാർട്ട് ബിഗ് ബില്യൺ ഡേയ്സ് വരുന്നു](https://www.madhyamam.com/h-upload/2022/09/11/1756678-flipkart-sales.webp)
ഗൂഗിൾ പിക്സൽ 6എക്കും നത്തിങ് ഫോണിനും വൻ കിഴിവ്; കിടിലൻ ഓഫറുകളുമായി ഫ്ലിപ്കാർട്ട് ബിഗ് ബില്യൺ ഡേയ്സ് വരുന്നു
text_fieldsബിഗ് ബില്യൺ ഡേയ്സ് സെയിലിൽ മികച്ച ഓഫറുകളുമായി എത്തുന്ന സ്മാർട്ട്ഫോണുകളുടെ വിവരങ്ങൾ പുറത്തുവിട്ട് പ്രമുഖ ഇ-കൊമേഴ്സ് പ്ലാറ്റ്ഫോമായ ഫ്ലിപ്പ്കാർട്ട്. ഗൂഗിൾ പിക്സൽ 6എ, നത്തിങ് ഫോൺ 1, റിയൽമി 9 പ്രോ, ഒപ്പോ റെനോ 8 5ജി എന്നീ ഫോണുകളുടെ ഓഫർ വിലകളാണ് വെളിപ്പെടുത്തിയിരിക്കുന്നത്.
43,999 രൂപ വിലയുള്ള ഗൂഗിൾ പിക്സൽ 6എ 27,699 രൂപയ്ക്ക് സ്വന്തമാക്കാം. 20000 രൂപയോളം കിഴിവാണ് പിക്സലിന്റെ ഏറ്റവും പുതിയ മോഡലിന് ലഭിക്കുന്നത്. 28,999 രൂപ മുതലാണ് നത്തിങ് ഫോൺ 1-ന്റെ വില ആരംഭിക്കുന്നത്. ക്വാൽകോം സ്നാപ്ഡ്രാഗൺ 778+ 5G ചിപ്സെറ്റ് കരുത്തേകുന്ന ഫോൺ നിലവിൽ 33,999 രൂപയ്ക്കാണ് വിൽക്കുന്നത്. ബാങ്ക് ഓഫറുകളും മറ്റ് ഡിസ്കൗണ്ടുകളുമടക്കമാണ് ഈ ഓഫർ. ഐസിഐസിഐ ബാങ്കുമായും ആക്സിസ് ബാങ്കുമായും സഹകരിച്ച് 10% തൽക്ഷണ കിഴിവാണ് ഫ്ലിപ്കാർട്ട് സെയിൽ ദിവസങ്ങളിൽ വാഗ്ദാനം ചെയ്യുന്നു. അതേസമയം ഇരു ഫോണുകള്ക്കൊപ്പവും ചാര്ജര് ലഭിക്കില്ല.
റിയൽമി 9 പ്രോ 14,999 രൂപ മുതൽ ലഭ്യമാകും. വിൽപ്പന സമയത്ത് റിയൽമി 9 4ജി 12,999 രൂപയ്ക്ക് വാങ്ങാം. ഫോണിന്റെ 5G വകഭേദത്തിന്റെ റീട്ടെയിൽ വില ഇതുവരെ വെളിപ്പെടുത്തിയിട്ടില്ല. റിയൽമി ജിടി 2 പ്രോ, 26,999 രൂപയ്ക്കാണ് വിൽക്കുക. ഒപ്പോ റെനോ 8 5G വാങ്ങുന്നവർക്ക് 22,000 രൂപ വരെ എക്സ്ചേഞ്ച് കിഴിവുകളുമുണ്ടാകും.
ബിഗ് ബില്യൺ ദിവസ വിൽപ്പനയിൽ ഇലക്ട്രോണിക്സിനും മറ്റ് ഉപകരണങ്ങൾക്കും 80% വരെ കിഴിവ് ലഭിക്കും. ഹെഡ്ഫോണുകൾ, സ്മാർട്ട്ഫോണുകൾ, വയർലെസ് ഇയർഫോണുകൾ തുടങ്ങിയവയുടെ ഡീലുകൾ ഇതിൽ ഉൾപ്പെടും. ടിവിയും മറ്റ് ഇലക്ട്രിക്കൽ ഉപകരണങ്ങളും 80% വരെ കിഴിവിൽ ലഭിക്കും. എയർ കണ്ടീഷണറുകൾക്ക് (എ.സി) 50% ആണ് കിഴിവ്. അതേസമയം എന്നുമുതലാണ് സെയിൽ ആരംഭിക്കുന്നതെന്ന് ഇതുവരെ വെളിപ്പെടുത്തിയിട്ടില്ല.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.