ഗൂഗ്​ൾ ഫോട്ടോസിലെ ആ സൗജന്യ സേവനം ഈ മാസം കൂടി മാ​ത്രം; ഇനി പണം നൽകേണ്ടി വരും

സ്​മാർട്ട്​ഫോൺ യൂസർമാരിൽ ഗൂഗ്​ള്‍ ഫോട്ടോസ്​ എന്ന ആപ്പ്​ ഉപയോഗിക്കാത്തവർ ചുരുക്കമായിരിക്കും. ഒരു ഗാലറി ആപ്പ്​ എന്നതിലുപരി ഗൂഗിള്‍ ഫോട്ടോസിനുള്ള അധിക സവിശേഷതകളാണ്​ യൂസർമാരെ അതി​െൻറ ഫാനാക്കി മാറ്റിയത്​. അതിൽ ഏറ്റവും പ്രധാനപ്പെട്ടത്​ പരിധിയില്ലാത്ത സൗജന്യ ഫോട്ടോ - വീഡിയോ സ്‌റ്റോറേജായിരുന്നു. സ്​മാർട്ട്​ഫോൺ കാമറകൾ ഏറ്റവും മികച്ച ചിത്രങ്ങൾ നൽകുന്ന ഇക്കാലത്ത്​ ഫോണുള്ളവരെല്ലാം ​ഫോട്ടോഗ്രാഫർമാരാണ്​​. അതുകൊണ്ടുതന്നെ ചിത്രങ്ങളുടെ എണ്ണവും സൈസും കാരണം ഫോൺ സ്​റ്റോറേജ്​ മതിയാകാതെ വരുന്ന സാഹചര്യമുണ്ട്​. അവിടെ രക്ഷകനായി പ്രവർത്തിച്ചത്​ ഗൂഗ്​ൾ ഫോട്ടോസ്​ ആയിരുന്നു. ഫോട്ടോസ്​ ആപ്പിലൂടെ എത്രവേണമെങ്കിലും ​ചിത്രങ്ങൾ ഗൂഗ്​ൾ അവരുടെ ക്ലൗഡ്​ സ്​റ്റോറേജിൽ ശേഖരിക്കാൻ അവസരം നൽകിയിരുന്നു.

എന്നാൽ, ഗൂഗ്​ൾ ഫോട്ടോസി​െൻറ സൗജന്യ സേവനം ഇൗ മാസം കൂടിയേ ലഭ്യമാവുകയുള്ളൂ. ജൂൺ ഒന്ന്​ മുതൽ ഉപയോക്താക്കള്‍ക്ക് ഓരോ അക്കൗണ്ടിനും 15 ജിബി എന്ന സൗജന്യപരിധി നിലനിര്‍ത്തും. അതിലും കൂടുതൽ സ്​റ്റോറേജ്​ ആവശ്യമുള്ളവർ പണം നൽകേണ്ടി വരും. ഗൂഗിള്‍ ഡ്രൈവിന്‍റെ സ്‌റ്റോറേജ് പ്രോഗ്രാമുകളിലെ അധിക മാറ്റങ്ങളോടൊപ്പമാണ്​ ഇതും സംഭവിക്കുന്നത്. ഗൂഗിള്‍ വര്‍ക്ക്‌സ്‌പെയ്‌സ് ഡോക്യുമെൻറുകളും സ്‌പ്രെഡ്ഷീറ്റുകളും ഇങ്ങനെയായിരിക്കണമെന്നില്ല. എന്നാല്‍, കുറഞ്ഞത് രണ്ട് വര്‍ഷമായി ലോഗിന്‍ ചെയ്യാത്ത നിഷ്‌ക്രിയ അക്കൗണ്ടുകളില്‍ നിന്ന് ഡാറ്റ ഇല്ലാതാക്കാനും ഗൂഗിള്‍ ആരംഭിക്കും. ഫോണിൽ ഡേറ്റാ അധികമുള്ളപ്പോൾ യൂസർമാർക്ക്​ ഏറ്റവും ആശ്വാസമായിരുന്നു ഗൂഗിൾ (Google Drive) ഡ്രൈവ് എന്ന ആപ്പും അതി​െൻറ സേവനവും. എത്ര ഡാറ്റ വേണമെങ്കിലും പരിധിയില്ലാതെ മാറ്റാനും ബാക്ക് അപ്പ് ഉപാധി എന്ന നിലയിലും ഗൂഗിൾ ഡ്രൈവ് മികച്ച സേവനമായിരുന്നു കാഴ്​ച്ചവെച്ചിരുന്നത്​.

2021 ജൂണ്‍ ഒന്നിന് മുമ്പ് അപ്‌ലോഡ് ചെയ്യുന്ന ഫോട്ടോകളും ഡോക്യുമെൻറുകളും 15 ജിബി പരിധിയിൽ വരില്ല. ഈ തീയതിക്ക് ശേഷം അപ്‌ലോഡ് ചെയ്ത ഫയലുകള്‍ക്കൊപ്പം 15 ജിബി ക്യാപ് നിലവിൽവരും. മൂന്ന് പാക്കേജുകളായാണ്​ അധിക സ്​റ്റോറേജ്​ ഗൂഗ്​ൾ യൂസർമാർക്ക്​ നൽകുന്നത്​. പ്രതിമാസം 130 രൂപ കൊടുത്ത് 100 ജിബി സ്​റ്റോറേജ്​ സ്​പേസ്​ നൽകുന്നതാണ്​ ആദ്യത്തെ പാക്കേജ്​. ഒരു വർഷത്തേക്കാണെങ്കിൽ 1300 രൂപയുടേതുമുണ്ട്​. 210 രൂപയുടെ പ്ലാനിൽ 200 ജി.ബി ഡേറ്റയാണ് ബാക്കപ്പിൽ ഉപയോഗിക്കാനാവുക. പ്രതിമാസം 650 രൂപക്കുള്ളതാണ് മറ്റൊരു പ്ലാൻ. കിട്ടുന്ന സ്പേസ് 2TBയാണ്. ഒരു വർഷത്തേക്ക്​ വേണമെങ്കിൽ 6500 രൂപക്കും ഇത് ലഭ്യമാകും. ഇത് ആൻഡ്രോയിഡ് യൂസർമാർക്കുള്ളതാണ്. ആപ്പിൾ യൂസർമാർക്കും പ്ലാനുകൾ ഇതു പോലെ തന്നെ. 195 രൂപയുടേതാണ് പ്രാരംഭ പ്ലാൻ.