ഉള്ളടക്കത്തിന്​ പണം നൽകില്ല; സ്വന്തം വാർത്താ വെബ്​സൈറ്റുമായി മുന്നോട്ടുപോകുമെന്ന്​ ഗൂഗ്​ൾ

ആഴ്​ച്ചകൾക്കുള്ളിൽ ആസ്​ട്രേലിയയിൽ സ്വന്തം ന്യൂസ്​ വെബ്​സൈറ്റ്​ ലോഞ്ച്​ ചെയ്യാനുള്ള ഒരുക്കത്തിലാണ്​ അമേരിക്കൻ ടെക്​ ഭീമൻ ഗൂഗ്​ൾ. ഗൂഗ്​ളി​െൻറ സംരംഭത്തിനായി വാർത്തകളും ലേഖനങ്ങളും നൽകുന്നതിന്​ കരാർ ഒപ്പിട്ട പ്രാദേശിക മാധ്യമം തന്നെയാണ്​​ സംഭവം റിപ്പോർട്ട്​ ചെയ്തത്​​. ഉള്ളടക്കത്തിന്​ പണം നൽകുന്നതുമായി ബന്ധപ്പെട്ട്​ ആസ്​ട്രേലിയയിൽ നിയമ പോരാട്ടം തുടരുന്ന സാഹചര്യത്തിലാണ്​​ സെർച്ച്​ എഞ്ചിൻ ഭീമൻ സ്വന്തം ന്യൂസ്​ വെബ്​ സൈറ്റുമായി മുന്നോട്ടുവരുന്നത്​ എന്നതും ശ്രദ്ദേയമാണ്​.

സേർച്ച്​ എഞ്ചിനിൽ ദൃശ്യമാകുന്ന വാർത്താ ഉള്ളടക്കങ്ങൾക്ക് അതാത്​​ പ്രാദേശിക വാർത്താ മാധ്യമങ്ങൾക്ക്​ ഗൂഗ്​ൾ പണം നൽകണമെന്നായിരുന്നു ആസ്‌ട്രേലിയൻ ഗവൺമെൻറി​െൻറ ആസൂത്രിതമായ നിയമനിർമ്മാണം. എന്നാൽ അതിനെതിരെയുള്ള കമ്പനിയുടെ ഏറ്റവും പുതിയ തന്ത്രമാണ്​ പുതിയ ന്യൂസ്​ വെബ്​സൈറ്റ്​. 'ഫെബ്രുവരിയിൽ ന്യൂസ്​ ഷോകേസ്​ ഉത്​പന്നം ലോഞ്ച്​ ചെയ്യാനുള്ള ചർച്ചകൾ പുനരാരംഭിക്കാൻ ഗൂഗ്​ൾ തന്നെ സമീപിച്ചതായി' ദ കോൺവർസേഷൻ എന്ന ന്യൂസ്​ സൈറ്റി​െൻറ എഡിറ്റർ മിഷ കെച്ചൽ അറിയിച്ചിട്ടുണ്ട്​.

ഉള്ളടക്കത്തിനായി ദ കോൺവർസേഷൻ ഉൾപ്പെടെയുള്ള ഏഴ് ചെറിയ പ്രാദേശിക വാർത്ത ഒൗട്ട്​ലെറ്റുകളുമായി കരാർ ഒപ്പിട്ട്,​ കഴിഞ്ഞ ജൂണിൽ തന്നെ സംരംഭം തുടങ്ങാൻ ഗൂഗ്​ൾ തീരുമാനിച്ചിരുന്നെങ്കിലും നിയന്ത്രണ വ്യവസ്ഥകൾ ചൂണ്ടിക്കാട്ടി ലോഞ്ചിങ്​ ആസ്​ട്രേലിയൻ സർക്കാർ വൈകിപ്പിക്കുകയായിരുന്നു. അതേസമയം, ലോകത്തെവിടെയുമില്ലാത്ത പുതിയ നിയമവുമായി സർക്കാർ മുന്നോട്ടുപോയാൽ തങ്ങളുടെ സെർച്ച്​ എഞ്ചിൻ തന്നെ രാജ്യത്ത്​ നിന്ന്​ പിൻവലിക്കുമെന്ന്​ ഗൂഗിൾ ഓസ്‌ട്രേലിയ ചീഫ് എക്‌സിക്യൂട്ടീവ് മെൽ സിൽവ കഴിഞ്ഞ ആഴ്ച നടന്ന പാർലമെൻററി ഹിയറിംഗിൽ പറഞ്ഞിരുന്നു.