ആപ്പിൾ ഐഫോണിനെ ട്രോളുന്ന രസകരമായ പരസ്യവുമായി ഗൂഗ്​ൾ; വിഡിയോ കാണാം...

ആപ്പിളിനെ ട്രോളുന്ന പരസ്യവുമായി ടെക്​ ഭീമൻ ഗൂഗ്​ൾ. പിക്​സൽ 5എ എന്ന ഗൂഗ്​ളി​െൻറ പുതിയ മിഡ്​റേഞ്ച്​ സ്മാർട്ട്​ഫോണി​െൻറ പരസ്യത്തിലാണ്​ ആപ്പിളിനെ പരോക്ഷമായി കളിയാക്കുന്നത്​. പിക്​സൽ 5എ സ്​മാർട്ട്​ഫോണിനേക്കാൾ അതിൽ ഗൂഗ്​ൾ ഉൾകൊള്ളിച്ച ഹെഡ്​ഫോൺ പോർട്ടാണ്​ പരസ്യത്തിൽ മുഴച്ചുനിൽക്കുന്നത്​​. ഐഫോണുകളിൽ ഹെഡ്​ഫോൺ ജാക്കുകൾ ഒഴിവാക്കിയതിനുള്ള കൊട്ട്​ കൂടിയാണ്​ പുതിയ പരസ്യം. ആപ്പിളി​െൻറ ചില പരസ്യങ്ങളുടെ പാരഡിപോലെയാണ്​ പിക്​സൽ 5എ-യുടെ പരസ്യമെന്നതും ശ്രദ്ധേയമാണ്​.

എന്നാൽ, ലക്ഷക്കണക്കിന്​ കാഴ്​ച്ചക്കാരെ ലഭിച്ച പരസ്യത്തിന്​ താഴെ ആപ്പിൾ ഫാൻസ്​ പ്രതിഷേധവുമായി എത്തി. ഹെഡ്​ഫോൺ ജാക്കില്ലാത്തതിന്​ ​െഎഫോണുകളെ ട്രോളുന്ന ഗൂഗ്​ൾ, വരാനിരിക്കുന്ന പിക്​സൽ ഫോണുകളിലെല്ലാം അതുണ്ടാകുമെന്ന്​ ഉറപ്പുവരുത്തണമെന്ന്​ അവർ പറഞ്ഞു. ഗൂഗ്​ൾ വലിയ പ്രതീക്ഷയോടെ ലോഞ്ച്​ ചെയ്യുന്ന പിക്​സൽ 6 സീരീസ്​ സ്​മാർട്ട്​ഫോണിനെ ഉദ്ധരിച്ചായിരുന്നു കമൻറുകൾ. പിക്​സൽ 6ൽ ഹെഡ്​ഫോൺ ജാക്കുകൾ ഉണ്ടാവില്ലെന്ന റിപ്പോർട്ടുകളുണ്ടായിരുന്നു.

അതേസമയം, ഒക്​ടോബർ 28ന്​ ലോഞ്ച്​ ചെയ്യുമെന്ന്​ പ്രതീക്ഷിക്കുന്ന പിക്​സൽ 6 സീരീസ്​ ഇതുവരെയുണ്ടായിരുന്ന പിക്​സൽ ഫോണുകളിൽ നിന്നും വലിയ മാറ്റത്തോടെയാണ്​ വരുന്നത്​. മുൻ മോഡലുകളെ അപേക്ഷിച്ച്​ ഇൻ-ഡിസ്​പ്ലേ ഫിംഗർപ്രിൻറ്​ സെൻസറുമായിട്ടാണ്​ പിക്​സൽ 6-​െൻറ വരവ്​​. സാംസങ്ങി​െൻറ 50 മെഗാ പിക്​സൽ ​െഎസോസെൽ ജിഎൻ1 കാമറ സെൻസറായിരിക്കും മറ്റൊരു പ്രത്യേകത. ആൻഡ്രോയ്​ഡ്​ 12-ലായിരിക്കും ഫോൺ പ്രവർത്തിക്കുക. അഞ്ച്​ വർഷത്തേക്ക്​ ഫോണിൽ ഗൂഗിൾ അപ്​ഡേറ്റുകളും ലഭിക്കും. പിക്​സൽ 6ൽ എട്ട്​ ജിബി വരെ റാമും 256 ജിബി വരെ സ്​റ്റോറേജുമുണ്ടായിരിക്കും. എന്നാൽ, പിക്​സൽ 6 പ്രോയിൽ 12 ജിബി വരെ റാമും 512 ജിബി വരെ സ്​റ്റോറേജ്​ സ്​പേസുമുണ്ടാകും.

6.4 ഇഞ്ച്​ വലിപ്പമുള്ള ഫുൾ എച്ച്​ഡി അമോലെഡ്​ ഡിസ്​പ്ലേ + 90Hz റിഫ്രഷ്​ റേറ്റാണ്​ പിക്​സൽ 6​െൻറ ഡിസ്​പ്ലേ വിശേഷങ്ങൾ. എന്നാൽ 6 പ്രോയിൽ 6.7 ഇഞ്ചുള്ള ക്വാഡ്​ എച്ച്​ഡി പ്ലസ്​ അമോലെഡ്​ ഡിസ്​പ്ലേയാണ്​. 120Hz ആയിരിക്കും റിഫ്രഷ്​ റേറ്റ്​. 4,500mAh, 5,000mAh എന്നിങ്ങനെയാവും ഇരുഫോണുകളുടെയും ബാറ്ററി ലൈഫ്​ എന്നും റിപ്പോർട്ടുകൾ പറയുന്നു. വയർലെസ്​ ചാർജിങ്​ സേവനവുമുണ്ടായിരിക്കും.