'ഇനി അതനുവദിക്കില്ല, തൽക്ഷണം പുറത്താക്കും'; യൂസർമാർക്ക്​ മുന്നറിയിപ്പുമായി ഇൻസ്റ്റഗ്രാം

തങ്ങളുടെ പ്ലാറ്റ്​ഫോമിലൂടെ മറ്റുള്ളവർക്ക് നിരന്തരം​ വിദ്വേഷം കലർന്നതും മോശവുമായ സന്ദേശങ്ങളയക്കുന്നവരെ തൽക്ഷണം വിലക്കാനുള്ള നീക്കത്തിനൊരുങ്ങുകയാണ്​ ഇൻസ്റ്റഗ്രാം. പ്രൈവറ്റ്​ ഡയറക്​ട്​ മെസ്സേജുകളിൽ (DMs) വിദ്വേഷ സന്ദേശങ്ങൾ വർധിക്കുന്ന സാഹചര്യത്തിലാണ്​ ഇൻസ്റ്റഗ്രാം നിലപാട്​ കടുപ്പിക്കുന്നത്​. യുകെയിലെ ഫുട്​ബാൾ താരങ്ങളെ ലക്ഷ്യമിട്ട്​ സമൂഹ മാധ്യമങ്ങളിൽ വംശീയ അധിക്ഷേപങ്ങൾ ശ്രദ്ധയിൽ പെട്ട പശ്ചാത്തലത്തിലാണ്​ നടപടിയെന്നാണ്​ സൂചന.

ഇനിമുതൽ സ്വകാര്യ സന്ദേശങ്ങളയക്കു​േമ്പാൾ ഇൻസ്റ്റയുടെ നിയമങ്ങൾ ആരെങ്കിലും ലംഘിച്ചാൽ, അവരെ നിശ്ചിത കാലത്തേക്ക്​ മെ​സ്സേജുകൾ അയക്കുന്നതിൽ നിന്ന്​ വിലക്കിയേക്കും. ''ആരെങ്കിലുംനിരന്തരം മോശം സന്ദേശങ്ങൾ അയക്കുകയാണെങ്കിൽ അവരുടെ അക്കൗണ്ട്​ തന്നെ ഡിസേബ്​ൾ ചെയ്യും. അത്​ മറികടക്കാൻ പുതിയ അക്കൗണ്ട്​ തുടങ്ങിയാലും സമാന നടപടി സ്വീകരിക്കും. വിദ്വേഷം പടർത്താൻ മാത്രമായി നിർമിച്ച അക്കൗണ്ടുകൾക്കും അതേ വിധിയായിരിക്കും. അത്തരം പെരുമാറ്റം ഇവിടെ ​​വേണ്ട'' -പുറത്തിറക്കിയ പ്രസ്​താവനയിൽ ഇൻസ്റ്റ​ഗ്രാം ചൂണ്ടിക്കാട്ടി.

തങ്ങളുടെ പ്ലാറ്റ്​ഫോം ഉപയോഗിക്കുന്നവർക്ക്​ അവരുടെ ​അക്കൗണ്ടുകൾ നിയന്ത്രിക്കാനുള്ള പല സംവിധാനങ്ങളും വിവിധ രാജ്യങ്ങളിൽ നൽകിത്തുടങ്ങിയതായി ഇൻസ്റ്റ അറിയിച്ചു. വൈകാതെ എല്ലാ രാജ്യക്കാർക്കും അത്​ ലഭ്യമാക്കും. ''അറിയാത്ത ആളുകൾ ടാഗ്​ ചെയ്യുന്നതും മെൻഷൻ ചെയ്യുന്നതും ഒഴിവാക്കാനുള്ള സംവിധാനവും അനാവശ്യമായി സന്ദേശങ്ങളയക്കുന്നവരെ ബ്ലോക്ക്​ ചെയ്യാനുള്ള സംവിധാനവും അതിൽ പെടുമെന്നും അവർ അറിയിച്ചു.

ഡയറക്​ട്​ മെസ്സേജ്​ (ഡിഎം) സേവനം സ്വകാര്യ സന്ദേശങ്ങൾക്കുള്ളതായതിനാൽ ഇൻസ്റ്റഗ്രാം വിദ്വേഷ ഉള്ളടക്കം ക​ണ്ടെത്താൻ പൊതുവേ ഉപയോഗിക്കുന്ന സാ​ങ്കേതിക വിദ്യയായിരിക്കില്ല അവിടെ പ്രയോഗിക്കുക. കഴിഞ്ഞ ജൂ​ലൈ, സെപ്​തംബർ മാസങ്ങളിൽ മാത്രം 6.5 മില്യൺ വിദ്വേഷ ഉള്ളടക്കങ്ങളാണ്​ കമ്പനി അത്തരത്തിൽ കണ്ടെത്തിയത്​. അതിൽ സ്വകാര്യ സന്ദേശങ്ങളും പെടും.