കർഷകർക്കൊപ്പം നിന്ന രിഹാനയെ പുകഴ്​ത്തിയുള്ള ട്വീറ്റുകൾക്ക്​ ലൈക്കിട്ട്​ ട്വിറ്റർ തലവൻ

പ്രശസ്​ത പോപ്​ ഗായിക രിഹാനയും പരിസ്ഥിതി പ്രവർത്തക ഗ്രെറ്റ തുൻബർഗും പിന്തുണച്ചെത്തിയതോടെ ഇന്ത്യയിലെ കർഷകരുടെ പ്രക്ഷോഭം അതിർത്തിക്ക്​ പുറത്തും​ ചർച്ചചെയ്യപ്പെടുകയാണ്​. വാഷിങ്​ടൺ പോസ്റ്റ്​ മാധ്യമപ്രവർത്തക കാരെൻ അതയയും കർഷകർക്ക്​ ശക്​തമായ പിന്തുണ നൽകി ട്വിറ്ററിൽ രംഗത്തെത്തിയിരുന്നു. രിഹാനയുടെ പ്രതികരണത്തെ അഭിനന്ദിച്ചുകൊണ്ടായിരുന്നു അവർ ട്വീറ്റിട്ടത്​.

എന്നാൽ, ട്വിറ്റർ സി.ഇ.ഒ ജാക്ക്​ ഡോർസി കരെ​െൻറ ട്വീറ്റുകൾ ലൈക്ക്​ ചെയ്​തതാണ്​ നെറ്റിസൺസ്​ ഇപ്പോൾ സ്​ക്രീൻഷോട്ട്​ എടുത്ത്​ പ്രചരിപ്പിക്കുന്നത്​. "സുഡാൻ, നൈജീരിയ, ഇപ്പോൾ ഇന്ത്യ, മ്യാൻമർ എന്നിവിടങ്ങളിലെ സാമൂഹ്യനീതി പ്രസ്ഥാനങ്ങൾക്കായി രിഹാന ശബ്ദമുയർത്തി. അവൾ ഒരു യഥാർത്ഥ വ്യക്​തിയാണ്​," -എന്ന കാരെ​െൻറ ട്വീറ്റിനാണ്​ ജാക്ക്​ ഡോർസി ലൈക്കടിച്ചിരിക്കുന്നത്​. രിഹാന ഇന്ത്യൻ സർക്കാറിനെ വിറപ്പിച്ചു എന്ന ട്വീറ്റും അദ്ദേഹം ഇഷ്​ടം രേഖപ്പെടുത്തിയവയിൽ പെടും. 'ട്വിറ്ററിനും ജാക്ക്​ ഡോർസിക്കും ഇന്ത്യയിലെ കർഷ സമരത്തിന്​ വേണ്ടിയുള്ള ഒരു ഇമോജി നിർമിക്കാനുള്ള ഏറ്റവും നല്ല അവസരമാണിത്​. ചരിത്രപരമായ അന്താരാഷ്​ട്ര പ്രതിഷേധങ്ങളായ ബ്ലാക്ക്​ ലൈവ്​സ്​ മാറ്ററിനും 'എൻഡ്​ സാർസ് - ഇനും ചെയ്​തത്​പോലെ. - എന്ന കാരെ​െൻറ ട്വീറ്റും ജാക്കി​െൻറ ഇഷ്​ടം സമ്പാദിച്ചു.

കർഷകരുടെ പ്രക്ഷോഭവുമായി ബന്ധപ്പെട്ട്​ മോദിക്കെതിരെ ട്വീറ്റിട്ട 250 ഒാളം അക്കൗണ്ടുകൾ ബ്ലോക്ക്​ ചെയ്​തതിന് ട്വിറ്റർ​ പഴികേട്ടിരുന്നു. പിന്നാലെ എല്ലാ അക്കൗണ്ടുകളും ട്വിറ്റർ അൺബ്ലോക്ക്​ ചെയ്​തതോടെ കേന്ദ്ര സർക്കാർ അവർക്ക്​ നോട്ടീസും അയച്ചു.