ലിബറലുകൾ അവരുടെ 'ചാച്ച' ജാക്കിനോട്​ കരഞ്ഞുപറഞ്ഞ്​ എ​െൻറ ട്വിറ്റർ അക്കൗണ്ട്​ പൂട്ടിച്ചു - കങ്കണ

ത​െൻറ ട്വിറ്റർ അക്കൗണ്ട്​ താൽക്കാലികമായി മരവിപ്പിച്ചതായി ബോളിവുഡ്​ താരം കങ്കണ റണാവത്​. സൈഫ്​ അലി ഖാൻ നായകനായ താണ്ഡവ്​ എന്ന വെബ്​ സീരീസിനെതിരെ കങ്കണ വിവാദമായ ഒരു ട്വീറ്റിട്ടിരുന്നു. പിന്നീട്​ നീക്കം ചെയ്​ത ആ ട്വീറ്റിന്​ പിന്നാലെയായിരുന്നു, ട്വിറ്റർ അവരുടെ അക്കൗണ്ട്​ മരവിപ്പിച്ചത്​. താണ്ഡവിൽ ഹിന്ദു ദേവന്മാരെ അപമാനിച്ചെന്നാരോപിച്ച കങ്കണ അതി​െൻറ ''അണിയറപ്രവർത്തകരുടെ തല കൊയ്യാൻ നേരമായെന്ന്''​ ട്വീറ്റിൽ പറഞ്ഞിരുന്നു.

പുതിയ ട്വീറ്റിൽ ത​െൻറ അക്കൗണ്ട്​ റിപ്പോർട്ട്​ ചെയ്​ത്​ പൂട്ടിച്ച ലിബറൽ സമൂഹത്തെയാണ്​ കങ്കണ അധിക്ഷേപിക്കുന്നത്​. ട്വിറ്റർ സി.ഇ.ഒ ജാക്ക്​ ഡോർസിയെ 'ചാച്ച' എന്നായിരുന്നു അവർ വിശേഷിപ്പിച്ചത്​. 'ലിബറലുകൾ അവരുടെ ചാച്ചയായ ജാക്കിനോട്​ കരഞ്ഞു പറഞ്ഞതോടെ എ​െൻറ അക്കൗണ്ട്​ താൽക്കാലികമായി മരവിപ്പിച്ചു'. -കങ്കണ പറഞ്ഞു.

'എ​െൻറ അക്കൗണ്ടോ​ അല്ലെങ്കിൽ വെർച്വൽ വ്യക്​തിത്വമോ എപ്പോൾ വേണമെങ്കിലും രാജ്യത്തിനുവേണ്ടി രക്തസാക്ഷിത്വം വരിക്കേണ്ടി വരുമെന്നാണ്​​ അവർ ഭീഷണിപ്പെടുത്തുന്നത്​. പക്ഷെ, എ​െൻറ റീലോഡഡ്​ ദേശസ്​നേഹം സിനിമകളിലൂടെ വീണ്ടും പ്രത്യക്ഷപ്പെടും. ഞാൻ നിങ്ങളുടെ ജീവിതം ദുരിതപൂർണ്ണമാക്കും'. - കങ്കണ ട്വീറ്റിൽ കുറിച്ചു.

Librus cried to their chacha @jack and got my account temporarily restricted, they are threatening me mera account/virtual identity kabhi bhi desh keliye shaheed ho sakti hai,magar my reloaded desh bhakt version will reappear through my movies.Tumhara jeena dushwar karke rahungi.

— Kangana Ranaut (@KanganaTeam) January 20, 2021